अनसूया साराभाई

अनसूया साराभाई जैन (११ नवंबर १८८५ - १ नवंबर १९७२) भारत मा महिला मजदूर आंदोलन क अगुआ रहिन। उनकर १९२० मा अहमदाबाद मा मजदूर महाजन संघ क स्थापना कइन्हिन, जौन भारत क कपड़ा मजदूरन क सबसे पुरान यूनियन हवे।

प्रारंभिक जीवन

अनसूया साराभाई क जनम ११ नवंबर १८८५ का अहमदाबाद मा साराभाई परिवार मा भवा रहा, जौन एक धनी उद्योगपति अउर व्यापारी परिवार रहा। जब ऊ नौ बरिस क रहिन, त उनकर माता-पिता दुनो क निधन होइ गवा। एह कारण ऊ अपने छोट भाई अंबालाल सराभाई अउर बहिन संग चाचा क लगे रहे लगिन। उनकी शादी १३ साल  उनकर बियाह १३ बरिस क उमिर मा भवा, लेकिन ऊ बियाह ज्यादा दिन ना चला अउर दुखद रहा।

शिक्षा

भाई क मदद से ऊ १९१२ मा इंग्लैंड गइन डॉक्टर बने खातिर। लेकिन जैन धर्म क कारण जानवरन पर प्रयोग (विच्छेदन) से असहमति के चलते ऊ मेडिकल पढ़ाई छोड़ दिहिन अउर लंदन स्कूल ऑफ़ इकोनॉमिक्स मा दाखिला लिहिन। इंग्लैंड मा रहत ऊ फेबियन सोसाइटी अउर महिला मताधिकार आंदोलन से प्रभावित भइन।

राजनीतिक जीवन

१९१३ मा भारत लवट के ऊ महिलन अउर गरीबन खातिर काम शुरू कइन्हिन। ऊ एक स्कूल भी खोलिन। ३६ घंटा तक काम करके लवटत महिला मजदूरन क हालत देख के ऊ मजदूर आंदोलन मा जुड़ गइन।

१९१४ मा अहमदाबाद क हड़ताल मा ऊ मजदूरन का संगठित कइन्हिन। १९१८ मा एक महीना चलै वाली हड़ताल मा ऊ शामिल रहिन, जहाँ मजदूर ५०% मजूरी बढ़ावे क मांग करत रहिन।

भूख हड़ताल के दौरान महात्मा गांधी मजदूरन क समर्थन कइन्हिन अउर आखिर मा ३५% मजूरी बढ़ोतरी मिल गइ। बाद मा १९२० मा अहमदाबाद टेक्सटाइल लेबर एसोसिएशन (मजदूर महाजन संघ) क स्थापना भई।

विरासत

अनसूया का मोटाबेन (अर्थात "बड़ी बहिन") कहे जात रहा। ऊ एला भट्ट जइसन नेता क मार्गदर्शन दिहिन, जौन स्वयं-रोजगार महिला संगठन क स्थापना कइन्हिन।

११ नवंबर २०१७ मा गूगल उहाँक १३२वां जन्मदिन मनावत गूगल डूडल जारी कइन्हिस।

निधन

अनसूया साराभाई क निधन १ नवंबर १९७२ मा भवा।