ईश्वरी बाई

ईश्वरी बाई
आंध्र प्रदेश विधान सभा की सदस्य
In office 1967–1978
पूर्वाधिकारी	टी. एन. सदालक्ष्मी
उत्तराधिकारी	ताडूर बाला गौड़
Personal details
Born	01 दिसंबर 1918 चिलकलगुड़ा
Died	25 फ़रवरी 1994 हैदराबाद
Party	भारतीय रिपब्लिकन पार्टी
Children	जे. गीता रेड्डी (पुत्री)
Occupation	राजनीतिज्ञ

जेट्टी ईश्वरी बाई (1 दिसम्बर 1918 - 25 फरवरी 1991) एक भारतीय राजनेता, विधान सभा के सदस्य अऊर भारतीय रिपब्लिकन पार्टी के अध्यक्ष रहें। उ पिछड़े वर्गन के उत्थान के लिए काम करत रहीं, जे उच्च जातियन द्वारा पीढ़ियन से गुलामी अऊर जाति भेदभाव के अधीन रहे।

जिंदगी

ईश्वरी बाई का जनम 1 दिसम्बर 1918 का भवा रहा। उ आपन करियर सिकंदराबाद के पारोपकरिणी स्कूल मा एक शिक्षक के रूप मा शुरू किहिन अऊर बाद मा चिलकलगुड़ा, सिकंदराबाद मा गीता विद्यालय नामक एक स्कूल शुरू किहिन। उ इलाका के गरीब मेहरारून के लिए कार्यशाला आयोजित किहिन, जे शिल्प, सिलाई, पेंटिंग आदि सीखिन, आर्थिक रूप से गरीब मेहरारून का खुद का अऊर अपने परिवार का भरण पोषण करै मा मदद किहिन।

बाई का 1950 मा सिकंदराबाद नगर निगम के पार्षद चुना गा रहै।

उ 1960 के दशक मा हैदराबाद नगर पालिका चुनावन का एक अराजनीतिक दल के रूप मा लड़ै के लिए नागरिक अधिकार समिति (सीआरसी) के स्थापना किहिन। ई उन चुनावन मा चार सीट जीतिस।

बी. आर. अम्बेडकर से प्रेरित होइके बाई अनुसूचित जाति महासंघ (एससीएफ) मा शामिल भइन अउर 1958 मा जब एससीएफ का नाम बदलि के भारतीय रिपब्लिकन पार्टी (आरपीआई) रखा गा तौ उनका महासचिव चुना गा। बाद मा उ आरपीआई के अध्यक्ष बनिन। 1962 के आम चुनाव मा उ येलारेड्डी विधानसभा क्षेत्र से आरपीआई टिकट से हार गईं, लेकिन 1967 के चुनाव मा जीत गईं। उ तेलंगाना प्रजा समिति (टीपीएस) के उपाध्यक्ष रहीं अऊर 1972 के चुनाव मा फिर से येलारेड्डी से आरपीआई - टीपीएस टिकट पर टिकट जीतिन।

महिला अऊर बाल कल्याण के अध्यक्ष के रूप मा, बाई बालिका छात्रन के निशुल्क शिक्षा के लिए उच्च शिक्षा तक कानून लावै मा महत्वपूर्ण भूमिका निभाइन। उ भारतीय समाज कल्याण सम्मेलन के सचिव अऊर भारतीय रेड क्रॉस सोसाइटी के सदस्य रहीं। उ 1969 मा तेलंगाना के लिए अलग राज्य के लिए भी लड़िन अऊर हैदराबाद के चंचलगुड़ा जेल मा कैद रहीं।

निजी जीवन

बाई के चार भाई और एक बहिन रहीं। उनकर बियाह 13 साल के उमर मा पुणे के एक दंत चिकित्सक जेट्टी लक्ष्मीनारायण से भवा रहा।[उद्धरण आवश्यक है] उनकर बिटिया जे. गीता रेड्डी भारतीय राष्ट्रीय कांग्रेस पार्टी के राजनेता हैं।

बाई कय मउत २५ फरवरी १९९१ का भै।

ईश्वरी बाई स्मारक पुरस्कार उनके सम्मान मा स्थापित कीन गा रहा।