एरुतुकली

एरुतुकली (जेनका एरुथु कली भी कहा जात ह) भारत देस के केरल राज्य के उत्तर मलाबार इलाका की एक प्रसिद्ध लोक कला अहइ। ई लोक नाच मुख्य रूप से माविलर समुदाय द्वारा किहा जात ह।

परिचय

एरुतुकली केरल के उत्तर मलाबार क्षेत्र की एक पारंपरिक लोक कला अहइ। ई कला कासरगोड अउ कन्नूर ज़िला के पहाड़ी इलाका मा रहे वाले माविलन समुदाय द्वारा निभाई जात ह। ई लोक नाच मलयालम पंचांग के तुलम महीना के दसवें दिन गांवन मा किहा जात ह।

एरुतुकली नाच खेती-किसानी मा आगे चलिके समृद्धि होए, इही कामना से किहा जात ह।

नाम क अर्थ

‘एरुतु’ सब्द का मतलब होय ह बड़ा बैल अउ ‘कली’ का मतलब खेल या नाच। एरुतुकली मा मुख्य पात्र एडुपुकला (नकली बैल) अहइ, जे बांस, भूसा, कपड़ा अउ लकड़ी के सिर से बनावल जात ह।

कथा अउ मान्यता

कहल जात ह कि माविलर समुदाय के पुरखा लोग जब ज़मींदारन (जनमी) खातिर पहाड़ी इलाका मा धान की खेती (पोनम) करत रहेन, तब दुई जने लोगन क सुब्रह्मण्य मंदिर से बैल खरीदै खातिर भेजा गवा। लौटत बखत थकान से ऊ लोग राह मा सो गइन अउ जब जागेन त बैल गायब रहेन। बहुत खोज के बादो जब बैल न मिलेन, तब ऊ लोगन कसम खाइन कि हर बरिस एरुतुकली करिहन। बाद मा बैल वापस मिल गइन अउ ऊ लोग आपन कसम निभाइन।

प्रदर्शन

एरुतु की पोशाक पहिरै से पहिले कलाकार आपन पुरखन क ताजा धान से बने पोहे अउ मुरमुरे अउ फल अर्पित कइके पूजा करत हइन।

कलाकार बांस, भूसा, कपड़ा अउ लकड़ी से बने बड़े नकली बैल क उठाइके ताल-मेल से घर-घर जात हइन।

ई नाच मा चेंडा अउ चेम्पिला जइसन पारंपरिक बाजा इस्तेमाल किहा जात ह। खेती की सुरुआत से जुड़े गीतन के संग नाच होत ह। ई लोक कला तुलम महीना के दसवें दिन शुरू होइके तीसरे दिन बाघ द्वारा बैल पकड़े जाए वाले दृश्य से खतम होत ह।

ई बैल उन सब घरन मा ले जावल जात ह जउन खेती-किसानी से जुड़े होत हइन। घरवाले कलाकारन क उपहार भी देत हइन।