कंगना रनौत

कंगना रनौत
२०२४ मा कंगना रनौत
जनम	२३ मार्च १९८६ (1986-03-23) मंडी, हिमाचल प्रदेश, भारत
राष्ट्रियता	भारतीय
रोजगार	अभिनेत्री, फ़िल्म निर्माता, राजनीतिज्ञ
कार्यकाल	२००६–अबही तक
अग्रज	प्रतिभा सिंह
राजनीतिक दल	भारतीय जनता पार्टी
वेबसाइट
परिवार	officialkanganaranaut.com

कंगना रनौत (जनम २३ मार्च १९८६) एक प्रमुख भारतीय हिन्दी सिनेमा अभिनेत्री, फ़िल्म निर्मात्री अउर राजनीतिज्ञ अहैं। उहिन २००६ से फ़िल्मी दुनिया मा सक्रिय हइन अउर आपन बेबाक अंदाज अउर मजबूत अभिनय बदे जानि जात हइन। २०२४ मा उहिन मंडी लोक सभा निर्वाचन क्षेत्र से सांसद चुनी गइन, जवन उनकर राजनीतिक जीवन क महत्वपूर्ण पड़ाव हवे।

कंगना अब तक कई महत्वपूर्ण सम्मान प्राप्त कइलीन, जेमे ५ राष्ट्रीय फ़िल्म पुरस्कार अउर कई फ़िल्मफ़ेयर पुरस्कार शामिल हइन। भारत सरकार उनहन २०२० मा पद्म श्री सम्मान से नवाजिस।

शुरुआती जीवन

कंगना रनौत क जनम हिमाचल प्रदेश क मंडी जिला मा एक राजपूत परिवार मा भवा। इनके पिता अमरदीप रनौत एक व्यवसायी अहैं अउर माता आशा रनौत एक अध्यापिका रहिन। इनके परिवार मा एक बहिन रंगोली अउर एक भाई अक्षत अहैं।

कंगना पढ़ाई छोड़िके अभिनय क क्षेत्र मा कदम राखिन अउर दिल्ली आके 'अस्मिता थिएटर ग्रुप' से जुड़ गइन। उहिन प्रसिद्ध रंगकर्मी अरविन्द गौड़ से अभिनय क प्रशिक्षण लीन।

फ़िल्मी कैरियर

कंगना आपन फ़िल्मी सफर २००६ मा आई फ़िल्म गैंगस्टर से शुरू कइलीन, जवन सफल रही अउर उनहन बेस्ट डेब्यू क पुरस्कार दिलाइस।

ओकरे बाद उहिन फ़ैशन, तनु वेड्स मनु, क्वीन, मणिकर्णिका: झाँसी की रानी, पंगा अउर थलाइवी जइसन सफल फ़िल्मन मा काम कइलीन। फ़िल्म क्वीन (२०१४) से उहिन राष्ट्रीय स्तर पर बहुत प्रसिद्ध भइन अउर आलोचकन क सराहना पाइन।

फ़िल्म	वर्ष	किरदार
गैंगस्टर	२००६	सिमरन
फ़ैशन	२००८	सोनाली
तनु वेड्स मनु	२०११	तनु
क्वीन	२०१४	रानी
मणिकर्णिका	२०१९	रानी लक्ष्मीबाई
थलाइवी	२०२१	जयललिता

राजनीतिक जीवन

२०२४ मा कंगना रनौत भारतीय जनता पार्टी क प्रत्याशी क रूप मा मंडी लोक सभा निर्वाचन क्षेत्र से चुनाव लड़िन अउर जीत हासिल कइलीन। सांसद क रूप मा उहिन सामाजिक अउर राष्ट्रीय मुद्दन पर सक्रिय भूमिका निभावत हइन।

पुरस्कार अउर सम्मान

• पद्म श्री – २०२०
• ५ बार राष्ट्रीय फ़िल्म पुरस्कार
• कई फ़िल्मफ़ेयर पुरस्कार

योगदान अउर प्रभाव

कंगना रनौत भारतीय सिनेमा मा मजबूत महिला किरदारन क प्रस्तुतिकरण बदे जानि जात हइन। उहिन महिला सशक्तिकरण अउर स्वतंत्र सोच क प्रतीक मानी जात हइन। फिल्म उद्योग मा बाहरी (outsider) होय के बावजूद उहिन आपन मेहनत से ऊँच मुकाम हासिल कइलीन।