गणेश चतुर्थी

गणेश चतुर्थी
गणेश जी की मूर्ती
आधिकारिक नाम	विनायक चतुर्थी, गौरी आगमन
अउर नाम	चविथी, चौथी, गणेशोत्सव, गौरी गणेश
मनावे वाला	दुनिया भर के हिन्दू लोग
किसिम	धार्मिक
महत्व	गणेश जी के जनम क स्मरण
उत्सव	वैदिक मंत्रन अउर हिंदू ग्रंथन क पाठ, प्रार्थना, जुलूस अउर मूरति विसर्जन
अंत	सुरू होय के ५, ७, ९ या ११ दिन बाद, अउर भारत के कुछ इलाकन मा २१ दिन बाद
तारीख	हिंदू पंचांग या चंद्र चक्र के अनुसार तारीख बदलत रहत है। भादों मास के शुक्ल पच्छ क चतुर्थी से सुरू होइके लगातार दस दिन तक।
बारंबारता	हर बरिस

गणेश चतुर्थी (Gaṇeśa Caturthī) (जेकर मतलब गणेश उत्सव या चउथे दिन गणेश क उत्सव अहै), जेका विनायक चतुर्थी (Vināyaka Caturthī), विनायक चविथी (Vināyaka Cavithī) या विनायगर चतुर्थी (Vināyagar Caturthī) के नाउँ से भी जानौ जात है, हिन्दू देवता गणेश जी क जनमदिन क उत्सव अहै।

गणेश चतुर्थी क इ पावन परब भादों मास के शुक्ल पच्छ क चतुर्थी से सुरू होइके लगातार दस दिन तक बड़े धूमधाम से मनावा जात है, अउर अनंत चतुर्दशी के दिनगणेश जी क मूरति के विसर्जन के संग इ परब संपन्न होत है।

इ उत्सव मा घरन मा निजी रूप से अउर सार्वजनिक रूप से बड़का-बड़का पंडालन (अस्थायी मंचन) मा गणेश क मूरति (देवता क भक्ति भाव वाली प्रतिमा) क स्थापना कीन्ह जात है। अनुष्ठानन मा वैदिक मंत्रन अउर हिंदू ग्रंथन क पाठ, जइसे प्रार्थना अउर व्रत (उपवास), सामिल अहैं।

रोज क प्रार्थना से मिलै वाला प्रसाद अउर चढ़ावा, जउन पंडाल से समुदाय मा बाँटल जात है, ओहिमा लड्डू (मोदक) जइसी मिठाइयाँ भी सामिल अहैं, काहेकि अइसा मानल जात है कि इ गणेश जी क बहुत प्रिय अहै।

इ तिहार सुरू होय के दसवें दिन खतम होत है, जब मूरति का संगीत अउर सामूहिक मंत्रोच्चार के संग सार्वजनिक जुलूस मा ले जावा जात है अउर फिर अनंत चतुर्दशी के दिन नदी या समुंदर जइसे कउनो नजदीकी जलाशय मा विसर्जित कइ दीन जात है। अकेले मुम्बई मा हर बरिस लगभग १,५०,००० मूरतियन क विसर्जन कीन्ह जात है।