जाजंगम्योन
 काली सॉस संग परोसल जाजांगम्योन | |
| दूसर नाँव | ज्जाजांगम्योन |
|---|---|
| किसिम | नूडल भोजन |
| मूल देस | चीन (मूल), कोरिया (चलन मा आवा) |
| इलाका या राज्य | पूर्वी एशिया |
| जुड़ल खानपान | कोरियन-चीनी खानपान |
| मुख्य सामग्री | गेहूं के नूडल, काली बीन्स सॉस, मांस, सब्जी |
जाजांगम्योन या ज्जाजांगम्योन कोरिया मा बहुत मशहूर कोरियन-चीनी नूडल पकवान ह। इ मोटा गेहूं के नूडल ऊपर से काली मीठी सॉस डालिके परोसल जात ह। इ सॉस खास काली बीन्स से बनावल जात ह, जेमा सूअर के मांस अउर तरह-तरह के सब्जी मिलावल जात ह।[१]
इ खाना स्वाद मा मीठा अउर नमकीन दूनो लागत ह। कोरिया मा इ रोजमर्रा के जीवन से जुड़ल खाना मानल जात ह अउर खास तौर पर जवान लोगन मा बहुत पसंद कीन जात ह।[२]
नाम के मतलब
[सम्पादन | स्रोत सम्पादित करैं]जाजांग या ज्जाजांग सब्द चीन के भाषा से आवा ह, जऊन के मतलब होवत ह "तलल सॉस"। म्योन के मतलब होवत ह नूडल। यानी जाजांगम्योन के मतलब भवा सॉस संग नूडल।[३]
कोरिया मा दू तरह के उच्चारण चलत ह — जाजांगम्योन अउर ज्जाजांगम्योन। बहुत बरिस तक सरकारी भाषा किताबन मा ज्जाजांगम्योन सही नाहीं मानल जात रहा, लेकिन जनता के इस्तेमाल के चलते बाद मा इहू सही मान लिहा गवा।[४]
इतिहास
[सम्पादन | स्रोत सम्पादित करैं]जाजांगम्योन उन्नीसवीं सदी के आखिरी दौर मा चीन के शानदोंग इलाका से आए मजदूरन के संग कोरिया आवा। इ लोग इंचॉन बंदरगाह के आसपास बस गए रहेन अउर आपन भोजन परोसत रहेन।[५]
शुरू मा इ पकवान चीनी स्वाद वाला रहा, लेकिन धीरे-धीरे कोरियन लोगन के पसंद के हिसाब से इ मीठा अउर गाढ़ा बन गवा। बाद मा इ कोरिया के अपन खाना मान लिहा गवा।[६]
कोरियन जंग के बाद जाजांगम्योन सस्ता अउर भरपेट खाना बन गवा, जऊन मजदूरन अउर आम लोगन मा बहुत लोकप्रिय हो गवा।[७]
बनावे अउर परोसे के तरीका
[सम्पादन | स्रोत सम्पादित करैं]जाजांगम्योन बनावे खातिर पहिले मोटा गेहूं के नूडल उबारे जात ह। अलग से काली बीन्स सॉस तेल मा भूनल जात ह, जेमा प्याज, मांस, अउर सब्जी मिलावल जात ह। जरूरत अनुसार पानी अउर मैदा डालिके सॉस गाढ़ा कइल जात ह।[८]
परोसत बखत नूडल ऊपर सॉस डारल जात ह। ऊपर से खीरा, अंडा या तिल के बीज भी डाले जात ह। संग मा अक्सर अचार वाली मूली अउर कच्चा प्याज दिहल जात ह।[९]
किस्म
[सम्पादन | स्रोत सम्पादित करैं]गन-ज्जाजांग
[सम्पादन | स्रोत सम्पादित करैं]इ किस्म मा सॉस सूखा रहत ह अउर पानी नाहीं मिलावल जात। सॉस अउर नूडल अलग-अलग परोसल जात ह।[१०]
जेंगबान-ज्जाजांग
[सम्पादन | स्रोत सम्पादित करैं]इ किस्म मा नूडल अउर सॉस कढ़ाही मा एक साथ भूनल जात ह अउर थाली मा परोसल जात ह।[१०]
यूनि-ज्जाजांग
[सम्पादन | स्रोत सम्पादित करैं]इ किस्म मा बारीक पिसल मांस इस्तेमाल होवत ह। इ स्वाद मा हल्का अउर मुलायम लागत ह।[१०]
समसॉन-ज्जाजांग
[सम्पादन | स्रोत सम्पादित करैं]इ किस्म मा मछरी, झींगा अउर समुद्री चीज मिलावल जात ह।[१०]
चावल संग बनावल जाजांग-बाप अउर जाजांग सॉस संग चावल के केक भी कोरिया मा खावल जात ह।
सांस्कृतिक महत्व
[सम्पादन | स्रोत सम्पादित करैं]कोरिया मा जाजांगम्योन सिर्फ खाना नाहीं, बल्कि भावना से जुड़ल पकवान ह। खास तौर पर काला दिन नाम के दिन अकेले लोग इ खाना खात ह। इ खाना सादगी, याद अउर आम जीवन के प्रतीक मानल जात ह।[११]
संदर्भ
[सम्पादन | स्रोत सम्पादित करैं][१] हेय जानकारी कोरिया के खानपान पर आधारित लेख से लीन्ह गइ ह https://www.world.kbs.co.kr Archived 2025-12-13 वेबैक मशीन पर .
[२] हेय विवरण कोरिया टाइम्स के भोजन लेख पर आधारित ह https://www.koreatimes.co.kr
[३] हेय नाम के जानकारी चीनी अउर कोरियन भाषा अध्ययन से लीन्ह गइ ह https://www.scmp.com
[४] हेय भाषा मान्यता से जुड़ी जानकारी कोरियन भाषा संस्थान से लिहा गवा ह https://www.korean.go.kr
[५] हेय इतिहास इंचॉन अउर चीनी मजदूरन के रिकॉर्ड पर आधारित ह https://www.koreaherald.com
[६] हेय स्वाद बदलाव से जुड़ी जानकारी कोरियन भोजन शोध लेख से लीन्ह गइ ह https://koreajoongangdaily.joins.com
[७] हेय युद्ध बाद के दौर के जानकारी कोरिया पर्यटन विभाग से लिहा गवा ह https://korean.visitkorea.or.kr
[८] हेय बनावे के तरीका कोरियन भोजन ज्ञानकोष से लीन्ह गइ ह https://www.doopedia.co.kr
[९] हेय परोसावे के तरीका खानपान अध्ययन लेख से लिहा गवा ह https://www.gastrotourseoul.com
[१०] हेय किस्मन के जानकारी कोरियन खाद्य पत्रिका से लीन्ह गइ ह https://www.sportsq.co.kr
[११] हेय सांस्कृतिक जानकारी अंतरराष्ट्रीय मीडिया रिपोर्ट से लीन्ह गइ ह https://edition.cnn.com/travel