दीपिका कुमारी महतो
| दीपिका कुमारी | |
|---|---|
 | |
| जनम | १३ जून १९९४ राँची, झारखण्ड, भारत |
| वासस्थान | राँची, झारखण्ड, भारत |
| राष्ट्रियता | भारतीय |
| उँचाई | 1.61 m (5 ft 3 in) (२०१० ) |
| वजन | 56 kg (123 lb) (२०१० ) |
दीपिका कुमारी महतो(१३ जून, १९९४) एक भारतीय महिला रिकर्व आर्चर अहै। तीरंदाजी के खेल मा आपन यात्रा बहुत नीचे से प्रारम्भ कइके, आज उ अंतर्राष्ट्रीय स्तर पर शीर्ष रैंकिंग वाले खिलाड़ियन मा से एक अहै।
प्रारंभिक जीवन
[सम्पादन | स्रोत सम्पादित करैं]दीपिका का जनम १३ जून १९९४ का रातू- झारखंड राज्य के राजधानी रांची के भीतर एक इलाका मा शिवनारायण महतो, एक ऑटो-रिक्शा चालक अऊर गीता महतो, रांची मेडिकल कॉलेज के एक नर्स के घरे भवा रहा। एक अत्यंत गरीब परिवार से ताल्लुक रखै वाली दीपिका का हाल ही मा झारखंड सरकार द्वारा रांची शहर मा एक निःशुल्क आवासीय भूखंड प्रदान कीन गा रहा। वर्तमान मा, दीपिका टाटा स्टील के खेल विभाग मा एक प्रबंधक के रूप मा कार्य करत अहै।[१]
करियर अऊर उपलब्धि
[सम्पादन | स्रोत सम्पादित करैं]"हम आपन शूटिंग तकनीक मा कुछ बदलाव किहेन, अऊर उ भुगतान किहिन अहै।" —दीपिका कुमारी
दीपिका का २००५ मा तीरंदाजी मा आपन पहिला मौका मिला, जब उ पहिली बार अर्जुन तीरंदाजी अकादमी मा सम्मिलित भइन। ई अकादमी खरसावां मा झारखंड के मुख्यमंत्री अर्जुन मुंडा के पत्नी मीरा मुंडा द्वारा स्थापित कीन गै रही। तीरंदाजी मा उनकर पेशेवर करियर २००६ मा प्रारम्भ भवा रहा, जब उ टाटा तीरंदाजी अकादमी मा सम्मिलित भइन। इहाँ उ खेल के बारीकियन मा महारत हासिल किहिन। २००६ मा, ई युवा तीरंदाज ने मैक्सिको के मेरिडा मा आयोजित विश्व चैम्पियनशिप मा कंपाउंड व्यक्तिगत प्रतियोगिता मा स्वर्ण पदक जीता। ई उपलब्धि हासिल करै वाली उ केवल दूसरी भारतीय रहीं। हिंया से प्रारम्भ भै यात्रा से अंततः ओनका विश्व के नंबर एक तीरंदाज होवे का गौरव मिला। उनकर प्रमुखता २००९ मा प्रारम्भ भै, जब- महज १५ वर्ष के उम्र मा- दीपिका अमेरिका मा आयोजित ११ वीं युवा तीरंदाजी चैम्पियनशिप जीतिन। बाद मा, २०१० मा, उ एशियाई खेलन मा कांस्य पदक जीतिन। उहै वर्ष बाद मा, उ राष्ट्रमंडल खेलन मा दुई स्वर्ण पदक-एक महिला व्यक्तिगत प्रतियोगिता मा अऊर दूसर टीम के साथे हासिल किहिन। २०१० के राष्ट्रमंडल खेलन मा, उ न केवल व्यक्तिगत प्रतियोगिता मा स्वर्ण पदक जीतिन बल्कि महिला रिकर्व टीम का स्वर्ण पदक हासिल करै मा भी सहयता किहिन। जब भी भारतीय तीरंदाजी के इतिहास मा २०१० के बारे मा चर्चा कीन जाई, तौ ई देश के रिकर्व आर्चर दीपिका द्वारा दिये गये स्वर्णिम प्रदर्शनन के लिए याद कीन जाई। उ २०११ मा इस्तांबुल अऊर २०१२ मा टोक्यो मा व्यक्तिगत प्रतियोगिता मा रजत पदक जीतिन। यहि तरह, एक के बाद एक, उ जीत के बाद जीत हासिल करत रहीं। इन उपलब्धियन के मान्यता मा, उनका अर्जुन पुरस्कार से सम्मानित कीन गा रहा। २०१६ मा राष्ट्रपति प्रणब मुखर्जी दीपिका का पद्मश्री से सम्मानित किहिन।[२]
बाहरी कड़ियाँ
[सम्पादन | स्रोत सम्पादित करैं]सन्दर्भ
[सम्पादन | स्रोत सम्पादित करैं]- ↑ Sirohi, Shubham (२९ जुलाई २०२१). "दीपिका कुमारी का जीवन परिचय". Shubhamsirohi Blog. ई २३ मार्च २०२६ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "Deepika Kumari Net Worth in Indian Rupees 2025". tp5. ९ अक्टूबर २०२५. ई २३ मार्च २०२६ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ अहमर, अरसलान (११ मई २०२५). "तीरंदाजी विश्व कप 2025 शंघाई: दीपिका कुमारी ने कांस्य जीता; भारत ने सात पदक हासिल किए". Olympics.com (हिन्दी भाषा में). ई २३ मार्च २०२६ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ deepikakumari.com https://web.archive.org/web/20190218155556/http://www.deepikakumari.com/. मूल से से १८ फरवरी २०१९ के पुरालेखित. ई २३ मार्च २०२६ को पुनः प्राप्त कीन गा .
{{cite web}}: Missing or empty|title=(मदद)CS1 maint: date auto-translated (कड़ी)