देविका रानी

देविका रानी
जनम	देविका रानी चौधरी 30 March 1908 विशाखापत्तनम, ब्रिटिश भारत
मौत	March , 1994(1994-03-0९) (उम्र 85) बंगलौर, भारत
अउर नाँव	द ड्रेगन लेडी
कार्यकाल	1925 - 1943 (अभिनेत्री)
जिवनसाथी	हिमाँशु राय (1929 - 1940 मृत्यु तक) स्वेतोस्लाव रॉरिक (1904 - 1993 मृत्यु तक)

देविका रानी (जन्म: ३० मार्च, १९०८; मृत्यु: ८ मार्च, १९९४) उ हिन्दी सिनेमा मा एक अभिनेत्री रहीं। निस्संदेह देविका रानी का भारतीय सिनेमा मा योगदान असाधारण रहा अहै, अऊर ई सदैव के लिए याद कीन जाई। एक अइसन युग मा जब भारतीय औरत अपने घरन के चार दीवारन के भीतर भी आपन चेहरा परदा रखत रहीं, देविका रानी ने चलचित्त्रन मा कार्य कइके अदम्य साहस का प्रदर्शन किहिन। उ आपन बेजोड़ सुंदरता के लिए भी याद कीन जात रही।

जीवनी

भारतीय सिल्वर परदा के पहिली लीड लेडी देविका रानी का जनम वाल्टेयर (विशाखापत्तनम) मा भा रहा। उ प्रसिद्ध कवि रवीन्द्रनाथ टैगोर के वंश से संबंधित रहीं; टैगोर ओकर चचेरा भाई-परदादा रहे। देविका रानी के पिता कर्नल एम.एन. चौधरी, मद्रास (अब चेन्नई) के पहिला 'सर्जन जनरल' रहे। इनकी महतारी का नाम श्रीमती लीला चौधरी थी।

आपन स्कूली शिक्षा पूरा करै के बाद, १९२० के दशक के सुरुआत मा, देविका रानी नाट्य शिक्षा प्राप्त करै के लिए लंदन चली गइन। वहिमा, उ 'रॉयल ​​एकेडमी ऑफ ड्रामेटिक आर्ट' (आरएडीए) अऊर 'रॉयल ​​एकेडमी ऑफ म्यूजिक' जइसन संस्थानन मा नामांकन लिहिन। वहिके समय मा उनका एक छात्रवृत्ति से भी सम्मानित कीन गा रहा। उ आगे वास्तुकला, कपड़ा डिजाइन अऊर सजावट डिजाइन जइसन विषयन का अध्ययन किहिन, अऊर बाद मा 'एलिजाबेथ आर्डेन' मा कार्य करै लाग।

पढ़ाई के दौरान देविका रानी हिमांशु राय से मिलीं। हिमांशु राय ने देविका रानी का अपने डेब्यू प्रोडक्शन, *द लाइट ऑफ एशिया* के लिए सेट डिजाइनर नियुक्त किहिन। १९२९ मा, दुइनौ के शादी भै। अपनी शादी के बाद, हिमांशु राय ने जर्मनी के प्रसिद्ध यूएफए स्टूडियो मा *ए थ्रो ऑफ डाइस* फिल्म बनावै के लिए एक निर्माता के रूप मा एक पद सुरक्षित किहिन, अऊर उ अपनी पत्नी के साथे जर्मनी चले गें। उ युग के दौरान, भारत मा फिल्म निर्माण भी पनपे लाग रहा रहा; नतीजतन, हिमांशु राय अपने देश मा फिल्म बनावै के विचार पर विचार करै लागें अऊर देविका रानी के साथे घरे लौटि आए। भारत आवै पर, उ फिल्म निर्माण प्रारम्भ किहिन, जेहिमा देविका रानी ओनके फिल्मन मा मुख्य महिला के रूप मा अभिनय किहिन। १९३३ मा, ओनके फिल्म *कर्मा* रिलीज भै अऊर इतनी लोकप्रिय साबित भै कि लोग देविका रानी का न केवल एक अभिनेत्री के रूप मा, बल्कि एक "स्टार" के रूप मा संदर्भित करै लाग। यहि तरह देविका रानी भारतीय सिनेमा कै पहिली महिला फिलिम स्टार बनीं।

देविका रानी अऊर उनके पति हिमांशु राय ने मिलके बम्बई टॉकीज स्टूडियो स्थापित किहिन- भारत के सबसे पहिले फिल्म स्टूडियो में से एक। बम्बई टॉकीज़ जर्मनी से आयात कीन गा अत्याधुनिक उपकरणन से लैस रहा, जेका उ समय अत्याधुनिक तकनीक माना जात रहा। अशोक कुमार, दिलीप कुमार अऊर मधुबाला जइसन दिग्गज कलाकार सब बम्बई टॉकीज़ मा कार्य करत रहें। बहुत लोकप्रिय फिलिमन—जेहिमा *अछूत कन्या*, *किस्मत*, *शहीद* अऊर *मेला* सम्मिलित अहै —वहिमा बनावा गा रहा। *अछूत कन्या* एक विशेष रूप से व्यापक रूप से चर्चा कीन जाय वाली फिल्म बनी रही, काहे से कि एकर कथा एक "अछूत" लड़की अऊर एक युवा ब्राह्मण आदमी के बीच रोमांस पर केंद्रित रही।

सन १९४० मा देविका रानी विधवा होइ गइन। बम्बई टॉकीज के पूरा संचालन पहिले उनके पति हिमांशु राय द्वारा संचालित कीन जात रहा। देविका रानी ने अपने स्टूडियो, बम्बई टॉकीज के प्रबंधन मा आपन दिल अऊर आत्मा डाली; हालाँकी, १९४३ मा, सषाधर, अशोक कुमार अऊर अन्य विश्वसनीय सहयोगियन के स्टूडियो से आपन संबंध तोड़ै के बाद उ स्वयं का एक असहाय स्थिति मा पाईं। बम्बई टॉकीज़ के साथे आपन जुड़ाव खतम करै के बाद, ई समूह फिल्मिस्टन नामक एक नया स्टूडियो स्थापित करै लाग। नतीजतन, देविका रानी का फिल्म उद्योग से हटै का मज़बूर कीन गा रहा। १९४५ मा, उ रूसी चित्त्रकार स्वेतोस्लाव रोएरिच से बियाह किहिन अऊर बंगलौर मा बस गइन।

नामांकन अऊर पुरस्कार

भारत के राष्ट्रपति १९५८ मा देविका रानी का पद्मश्री पुरस्कार से सम्मानित किहिन। १९७० मा दादासाहेब फाल्के पुरस्कार के पहिली प्राप्तकर्ता होए के गौरव भी उनका मिला।