पहलाज निहलानी

पहलाज निहलानी (10 जनवरी 1950 - 4 जून 2026) एक भारतीय फिल्म निर्माता रहैं। उइ सूचना अउर प्रसारण मंत्रालय के तहत केंद्रीय फिल्म प्रमाणन बोर्ड (सीबीएफसी) के अध्यक्ष रहे। उइ 2009 मा इस्तीफा देय तक 29 साल तक एसोसिएशन ऑफ पिक्चर्स अउर टीवी प्रोग्राम प्रोड्यूसर्स के अध्यक्ष रहे अगस्त 2017 मा उनका सीबीएफसी प्रमुख के पद ते बर्खास्त कीन गा अउर जल्दिही प्रसून जोशी का स्मृति ईरानी द्वारा सीबीएफसी प्रमुख नियुक्त कीन गा। 4 जून 2026 का उनका निधन होइ गा।

कार्यकाल

पहलज निहलानी 1982 मा अपनी पहिल फिल्म हथकड़ी नाम ते बनाएनि। इनकी दूसरि फिलिम आंधी-तूफान 1985 मा आइ रहै। 1986 मा उनके तीसरि फिलिम इल्ज़ाम, अभिनेता गोविंदा क पदार्पण होए की वजह ते उल्लेखनीय है। 1987 मा उनके फिलिम, आग ही आग, चंकी पांडे के पहिल फिलम बनी। फिर उइ 1987 मा गुनाहों का फैसला अउर 1988 मा पाप की दुनिया का निर्माण कीन्हेनि। 1989 मा, चंकी पांडे अउर नीलम कोठारी अभिनीत फिल्म मिट्टी और सोना बनाएनि। उइ शोला और शबनम अउर आंखें जइसी फिलिमन का निर्माण कीन्हेनि हैं।

2008 मा, उइ फिल्म हल्ला बोल मा एक कैमियो उपस्थिति दर्ज कराएनि। 2012 मा, उइ अपन पहिल फिलिम, अवतार, का निर्देशन किहिन, जेहिमा गोविंदा अभिनय किहिन। 2013 मा, उइ कहिन कि उइ गोविंदा की बिटिया, टीना आहूजा क पदार्पण करै मा मदद करिहैं।

2014 के आम चुनाव ते पहिले, उइ नरेन्द्र मोदी का समर्थन करत भए "हर हर मोदी, घर घर मोदी" नाम ते एक यूट्यूब वीडियो बनाएनि।

उइ 19 जनवरी 2015 का केंद्रीय फिल्म प्रमाणन बोर्ड (सीबीएफसी) के अध्यक्ष क पदभार संभालिन अपनी नियुक्ति के तुरंत बाद उइ अत्यंत सख्त दिशानिर्देशन का एक नवा संकलन पेश कीन्हेनि जेहिके तहत 'ए' श्रेणिउ मा कुछ गारी शब्दन के अनुमति नहीं दीन गै। उइ यहौ कहिन कि औरतन के खिलाफ हिंसा के चित्रण का हतोत्साहित कीन जाई अउर यो सुनिश्चित कीन जाई कि कउनो सामग्री जउन धार्मिक भावनन का चोट पहुँचा सकति है, वहिके अनुमति न दीन जाई।

12 मार्च 2015 का, सीबीएफसी के दुइ सदस्य, अशोक पंडित अउर चंद्रप्रकाश द्विवेदी, निहालानी के संस्था चलावै के तरीका के आलोचना कीन्हेनि। जुलाई 2015 का, उइ एक नवा नियम लागू कीन्हेनि जेहिके तहत ए-रेटेड फिल्मन का टेलीविजन प्रसारण के अनुमति न रहै। पहिले, ए-रेटेड फिल्मन का फिर ते काटा जा सकत रहै, ताकि यू अथवा यू/ए रेटिंग प्राप्त कीन जा सकै अउर टेलीविजन पर रिलीज कीन जा सकै। निहालानी अपने फैसला का यो कहिके सही ठहराएनि कि पहिले की ए-रेटेड फिलिमन मा भयानकता या हिंसा होति रहै, लेकिन आजु कालि की ए-रेटेड फिलिमन मा यौन विषय होति हैं अउ र यहिसे उनका फिर ते नहीं काटा जा सकत है। बाद मा उइ यो दृष्टिकोण बदलिन अउर वर्तमान मा फिल्मन के पुन: प्रमाणन के अनुमति दीन्हेनि।

नवंबर 2015 का, "मेरा देश महान" नाम क्यार एक म्यूजिक वीडियो, जेहिका प्रधानमंत्री नरेन्द्र मोदी के प्रति समर्पण के रूप मा निहलानी द्वारा बनावा गा रहै, यूट्यूब प अपलोड कीन गा। वीडियो का एक छोट संस्करण फिल्म प्रेम रतन धन पायो के अंतराल के दौरान फिल्म सिनेमाघरन मा चलावा गा। बतावा जात है कि यो वीडियो प्रधानमंत्री नरेन्द्र मोदी खातिन बहुत व्यक्तिगत शर्मिंदगी क सबब बना, यहिके भारत के सूचना अउर प्रसारण मंत्रालय द्वारा आलोचना कीन गै जेहिमा कथित तौर पर निहलानी का उनके पद ते बर्खास्त करै क कहा गा।

जेम्स बॉन्ड फ्रेंचाइजी फिल्म स्पेक्ट्रे मा चुंबन के दृश्यन का रिलीज ते पहिले काटै के बाद, निहलानी सोशल मीडिया पर आलोचना का विषय बनि गें। निहालानी आलोचना का जवाब देत कहेनि कि कटौती नियम के भीतर है।

जून 2016 का, उड़ता पंजाब फिलिम प कड़ा प्रतिबंध लगावै के बाद उइ फिलिम सेंसरशिप प राष्ट्रीय बहस के केंद्र बनि गें। जून 2016 का उड़ता पंजाब सीबीएफसी के खिलाफ मुकदमा जीति गा। पहलज निहालानी के नेतृत्व वाले सेंसर बोर्ड द्वारा सुझाई 89 कटउतिन के खिलाफ सिर्फ एक कटौती के साथ रिलीज करै के अनुमति दीन गै, जेहिमा बोलै के आजादी का कायम रखा गा। जून 2016 का उड़ता पंजाब कथित सीबीएफसी लीक मा 'सेंसर के लिए' वाटरमार्क के साथ टोरेंट पर वायरल होइ गा।

22 जून का, उइ एक कॉमेडी स्किट के दौरान उनके बारे मा मानहानि अउर अनुचित टिप्पणी खातिन आईआईएफए पुरस्कार अउर विज़क्राफ्ट (पुरस्कार शो इवेंट प्रबंधन कंपनी) के खिलाफ एक कानूनी नोटिस जारी कीन्हेनि। आईआईएफए 2017 के अपने कानूनी नोटिस के साथ, श्री निहलानी कथित तौर पर अपमानित अध्यक्ष सीबीएफसी के रूप मा अपनी क्षमता मा अजीब तरह ते पुरस्कार शो घटनन का सेंसर करै के मांग किहिन जउन उक्त नौकरी के जनादेश का हिस्सा न रहै।

2017 मा, सीबीएफसी ते बर्खास्त होए के बाद, पहलज निहालानी कामुक फिल्म जूली 2 के वितरक बनि गें।

विवाद

निहालानी ऑनलाइन माध्यमन अउर टेलीविजन पर नग्नता के विषय मा चिंता जताएनि।

उनके अनुसार, नग्न पोर्नस्टार ते अभिनेत्री बनी सनी लियोनी के सेंसरशिप पर नीति बनैक चही। उनका यहौ मानबु है कि फिल्मन मा अपशब्द न होएक चही। उइ कहिन हैं कि ओमकारा अउर गैंग्स ऑफ वासेपुर जइसी अपशब्द वाली फिलिमन का रिलीज के मंजूरी न दीन जाएक चही। उइ दावा कीन्हेनि हैं कि सामान्य अउर सभ्य लोग फिल्मन मा देखाए तरीका ते गाली नहीं देति हैं।

निहालानी कहेनि हैं कि निर्मातन का पीके जइसी विवादित फिल्मैं न बनावेक चही। निहालानी प्रस्ताव रखेनि कि फिल्म रेटिंग की मौजूदा व्यवस्था की जगह याक नई व्यवस्था बनाई जाय। गजेन्द्र चौहान की अध्यक्ष नियुक्ति के खिलाफ एफटीआईआई के छात्रन के विरोध के निंदा कीन्हेनि, अउर उनका 'राष्ट्र विरोधी' कहिन। 2017 मा, उइ हैरी मेट सेजल के ट्रेलर मा "इंटरकोर्स" शब्द का ई तथ्य का हवाला देत भए अस्वीकार कइ दीन्हेनि कि भारतीय मानसिकता अइसी प्रगतिशीलता खातिन तैयार नहीं है। उनके ई पाखंडी रुख के आलोचना कीन गै काहे ते कि उइ 1994 मा अंदाज नामक एक फिल्म बनाइन रहैं जेहिमा अइस गीत रहे जउन इरेक्शन ("खड़ा है") अउर संभोग ("मैं माल गाड़ी") का महिमामंडित करत रहै, वई शब्द जिनका उइ सेंसर करै चहति रहैं।

अगस्त 2017 मा, सीबीएफसी मा विवादास्पद कार्यकाल के बाद निहालानी का अंततः बर्खास्त कइ दीन गा अउर उनकी जगह विज्ञापन-मैन अउर कवि प्रसून जोशी का लीन गा। पद ते हटावै के तुरंत बाद एक साक्षात्कार मा निहलानी दावा कीन्हेनि कि सरकार द्वारा उनका हटावा गा काहे ते कि उइ आपातकालीन अवधि के बारे मा बनी फिल्म इंदु सरकार का बिना कटौती के पास नाइ करै दीन्हेनि।

2024 मा, निकी अनेजा आरोप लगाएनि कि निहलानी मिस्टर आजाद (1993) के सेट पर उनके साथ दुर्व्यवहार कीन्हेनि रहैं।

मउत

4 जून 2026 का 76 साल की उमर मा निहालानी का निधन होइ गा।

फिल्मोग्राफी

निर्माता के रूप मा

साल	फिल्म
1982	हथकड़ी
1985	आंधी-तूफान
1986	इल्जाम
1987	आग हाय आग
1988	पाप की दुनिया
1988	गुनाहों का फैसला
1989	मिट्टी और सोना
1989	आग का गोला
1990	आंधियाँ
1991	पहला प्रेम पत्र
1992	शोला और शबनम
1993	आँखें
1994	अंदाज
1996	दिल तेरा दिवाना
1997	भाई भाई
2001	उलझन
2003	तलाश
2008	खुशबू
2017	जूली 2
2019	रंगीला राजा

अभिनेता के रूप मा

साल	फिल्म	काम
2008	हल्ला बोल	खुद के रूप मा; खास उपस्थिति

वितरक के रूप मा

• पुली (२०१५) (खाली हिंदी संस्करण)
• जूली 2 (2018)