पीयूष पांडे

पीयूष पांडे
2015 मा पांडे
जनम	०५ सितंबर १९५५ जयपुर, राजस्थान, भारत
निधन	२३ अक्टुबर २०२५(2025-10-23) (आयु वर्ष - ७०) मुंबई, महाराष्ट्र, भारत
पढ़ाई	सेंट स्टीफेन्स कॉलेज, दिल्ली (एम ए)
पेशा/दायित्व	विज्ञापन निर्माता पटकथा लेखक
कार्यकाल	1982–2025
जीवनसाथी	नीता पांडे (बि॰ २०००)
नातेदार	इला अरुण (बहिनी) प्रसून पांडे (भाई)

पीयूष पांडे (5 सितंबर 1955 - 23 अक्टूबर 2025) याकै भारतीय विज्ञापन निर्माता, मुख्य रचनात्मक अधिकारी (वैश्विक) (2019) अउर ऑगिल्वी के कार्यकारी अध्यक्ष (भारत) रहैं। उइ 2024 मा एलआईए लीजेंड अवार्ड अउर 2016 मा पद्मश्री ते सम्मानित कीन गें। पांडे का भारतीय विज्ञापनन पर एक विशिष्ट स्वदेशी प्रभाव का आकार देय का श्रेय दीन जात है जिन पर पहिले पश्चिमी विज्ञापन अउर विचारन क प्रभाव रहै।

प्रारंभिक जीवन अउर शिक्षा

पाण्डे क जनम सन 1955 मा जयपुर मा नौ बच्चन के परिवार मा भा रहै - जिनमा सात बिटिया अउर दुइ लरिका रहैं। उनके भाइ-बहिनिन मा फिल्म निर्देशक प्रसून पांडे अउर गायिका-अभिनेत्री इला अरुण शामिल हैं। उनके पिताजी राजस्थान राज्य सहकारी बैंक मा काम करति रहैं। उइ राजस्थान राज्य खातिन रणजी ट्रॉफी मा खेलिन। उइ चाय चखै वाले के रूप मा काम करत रहें। पांडे सेंट जेवियर स्कूल, जयपुर मा पढ़ाई कीन्हेनि अउर सेंट स्टीफन कॉलेज, दिल्ली ते इतिहास मा स्नातकोत्तर डिग्री प्राप्त कीन्हेनि। उनके शादी नीता पाण्डेय ते भै रहै।

कृतित्व

पांडे 1982 मा ऑगिल्वी मा एक क्लाइंट सर्विसिंग एग्जीक्यूटिव के तौर पर विज्ञापन उद्योग मा शामिल भें। सनलाइट डिटर्जेंट प्रिंट विज्ञापन उनका लिखा पहिल विज्ञापन रहै। छा साल बादि उइ रचनात्मक विभाग मा आ गें जहां उइ लूना मोपेड, फेविकोल, कैडबरी अउर एशियन पेंट जइसे कइयो उल्लेखनीय विज्ञापन बनाएनि। तीन साल बादि उनका रचनात्मक निदेशक अउर फिर राष्ट्रीय रचनात्मक निदेशक के रूप मा पदोन्नत कीन गा। पाण्डे का १९९४ मा निदेशक मंडल मा नामित कीन गा। उनके नेतृत्व मा, ऑगिल्वी इंडिया का द इकोनॉमिक टाइम्स द्वारा आयोजित एक स्वतंत्र विपणन अउर विज्ञापन सर्वेक्षण एजेंसी रेकनर की रैंकिंग मा लगातार 12 साल ते नंबर 1 एजेंसी के रूप मा स्थान मिला है। उइ कान्स लायंस फेस्टिवल मा एशिया ते पहिले जूरी अध्यक्षौ रहें।

ऑगिल्वी एंड मेथर पीयूष पांडे के 40 साल के कार्यकाल के दौरान भारत मा सबते बड़ी विज्ञापन एजेंसी बनि गै, अउर ऑगिल्वी इंडिया का ऑगिल्वी वैश्विक नेटवर्क के सबते रचनात्मक कार्यालयन मा एक माना जात है। सितम्बर 2006 मा पांडे का ऑगिल्वी वर्ल्डवाइड बोर्ड मा नामित कीन गा। उइ बर्लिन स्कूल ऑफ क्रिएटिव लीडरशिप मा दुनिया भर के रचनात्मक अधिकारिन का मार्गदर्शन कीन्हेनि।

सितंबर 2023 मा, ऑगिल्वी 1 जनवरी 2024 ते प्रभावी होए वाले एक प्रमुख नेतृत्व परिवर्तन के घोषणा कीन्हेसि जेहिमा मुख्य सलाहकार के भूमिका पांडे क दीन गै।

विज्ञापन अभियान अउर अन्य योगदान

पांडे के डिजाइन कीन गे उल्लेखनीय विज्ञापन अभियानन मा शामिल हैं:

• अबकी बार मोदी सरकार - भाजपा 2014 चुनाव प्रचार, मशहूर नारा "अच्छे दिन आने वाले हैं" के साथ
• अमिताभ बच्चन के साथ पोलियो विज्ञापन अभियान
• फेविकोल विज्ञापन अभियान - फेविकोल बस, फेविकोल फिश, फेविकोल सोफा
• फेविकिक विज्ञापन अभियान जइसे कि "तोड़ो नहीं, जोड़ो"
• गुगली वुगली वूश - पॉण्डस् विज्ञापन (2010)।
• चल मेरी लूना
• कैडबरी डेरी मिल्क विज्ञापन अभियान "कुछ खास है"
• "हर घर कुछ कहता है" जइसे एशियाई पेंट्स के विज्ञापन अभियान
• भारतीय पर्यटन खातिन विज्ञापन अभियान
• बेल बाजाओ विज्ञापन अभियान
• कैंसर रोगी संघ खातिन धूम्रपान विरोधी अभियान
• रथ वनस्पति
• फॉर्च्यून ऑयल
• गूगल - रीयूनियन
• द हिन्दू
• गुजरात पर्यटन अभियान

उइ 1988 मा राष्ट्रीय एकता अभियान खातिन भारतीय देशभक्ति गीत " मिले सुर मेरा तुम्हारा " लिखिनि अउर भोपाल एक्सप्रेस मा एक सह-लेखक रहें।

निधन

पांडे क निधन सत्तर साल की अवस्था मा 23 अक्टूबर 2025 का होइ गा।

किताबैं

पांडे ई किताबैं लिखेनि-

• पांडेमोनियम (2015)
• पीयूष पांडे के साथ ओपन हाउस (2022)

अभिनय

पांडे जॉन अब्राहम अउर नरगिस फाखरी की फिल्म मद्रास कैफे मा कैबिनेट सचिव के रूप मा देखा परें साथै मैजिक पेंसिल प्रोजेक्ट वीडियोज़ ( आईसीआईसीआई बैंक के एक विपणन अभियान) मा देखा परें।

पुरस्कार अउर उपलब्धि

पांडे कइयो पुरस्कार जीतिन। द इकोनॉमिक टाइम्स द्वारा लगातार आठ साल तक उनका भारतीय विज्ञापन मा सबते प्रभावशाली मनई के रूप मा नामित कीन गा। 2000 मा, मुंबई क्यार एड क्लब फेविक्विक के उनके विज्ञापन का सदी का विज्ञापन अउर कैडबरी के उनके विज्ञापन का सदी का विज्ञापन अभियान निर्वाचित कीन्हेसि। मीडिया एशिया अवार्ड्स 2002 मा पांडेय का एशिया के क्रिएटिव पर्सन ऑफ द ईयर के तौर प चुना गा। उइ कान्स मा डबल गोल्ड (अपने कैंसर पेशेंट्स एसोसिएशन एंटी-स्मोकिंग अभियान खातिन) अउ लंदन इंटरनेशनल अवार्ड्स मा ट्रिपल ग्रैंड प्राइज जीतै वाले एकमात्र भारतीय हैं। पांडे के कार्यकाल के दौरान, ओ एंड एम इंडिया कान्स मा 25 लायन जीतेसि। 2002 मा द वन शो अवार्ड्स मा भारत क पहिल सिल्वर पेंसिल जीतेनि। 

उनका 2002 के कान्स फिल्म फेस्टिवल के 2000 क्लियो अवार्ड्स मा जूरी सदस्य बनै के बरे आमंत्रित कीन गा रहै। उइ 2004 के कान्स लायंस इंटरनेशनल एडवर्टाइजिंग फेस्टिवल मा आउटडोर अउर प्रेस अउर फिल्म के पहिले एशियाई जूरी अध्यक्ष रहें। उनका 2007 के एशिया पैसफिक विज्ञापन महोत्सव पुरस्कारन मा निर्णायक होए खातिन आमंत्रित कीन गा। पांडेय का 2010 मा एडवर्टाइजिंग एजेंसी एसोसिएशन ऑफ इंडिया ते आजीवन उपलब्धि पुरस्कार मिला। पीयूष पांडे 2012 मा उत्कृष्ट काम अउर रचनात्मक उपलब्धि के बरे क्लियो लाइफटाइम अचीवमेंट अवार्ड जीतेनि। भारत सरकार उनका 2016 मा पद्मश्री प्रदान कीन्हेसि। 2026 मा उनका पद्म भूषण से सम्मानित कीन गा रहै।

जून 2018 मा, पीयूष पांडे अउर उनके भाई प्रसून पांडे (कॉर्कोइस फिल्म्स) का कान्स विज्ञापन महोत्सव, फ्रांस मा सेंट मार्क लायंस लाइफटाइम अचीवमेंट अवार्ड दीन गा।

डब्ल्यूपीपी एजेंसी ऑगिल्वी, ऑगिल्वी दक्षिण एशिया के कार्यकारी अध्यक्ष अउर रचनात्मक निदेशक पीयूष पांडे का अपने वैश्विक मुख्य रचनात्मक अधिकारी के रूप मा पदोन्नत कीन्हेसि।

ई कदम ते, कंपनी एक प्रमुख पद पर नियुक्ति कीन्हेसि जउन जुलाई मा पूर्व रचनात्मक प्रमुख थाम खाई मेंग के बाहर निकरै के बादि ते खाली पड़ा रहै। नियुक्ति 1 जनवरी ते लागू भै रहै।