पेलमेनी
 खट्टा क्रीम (स्मेताना) संग परोसल पेलमेनी | |
| किसिम | पकौड़ी |
|---|---|
| मूल देस | रूस |
| मुख्य सामग्री | आटा (मैदा, पानी, कभी-कभी अंडा) भरावन: पिसा मांस (सूअर, भेड़, गाय, मछरी) या मशरूम, नमक, काली मिर्च, प्याज |
पेलमेनी (रूसी भाषा में: пельмени) रूस के एक प्रसिद्ध पारंपरिक व्यंजन अहैं। ई पतला आटा के भीतर मांस या मशरूम भर के बनावल पकौड़ी जइसा भोजन ह। पेलमेनी रूस के राष्ट्रीय व्यंजन माने जात अहैं।[१]
पेलमेनी खास तौर पर यूराल अउर साइबेरिया इलाका में रूस के विस्तार के समय लोकप्रिय भवा। ई व्यंजन कोमी अउर उदमुर्त इलाकन के लोकजीवन अउर परंपरा से गहराई से जुड़ा अहै।[२]
विवरण
[सम्पादन | स्रोत सम्पादित करैं]पेलमेनी बनावे खातिर मैदा अउर पानी से पतला आटा गूंथा जात ह। कबहुँ-कबहुँ अंडा भी मिलाया जात ह।[३]
भरावन में पिसा मांस डाला जात ह, जेमे सूअर, भेड़, गाय, हिरन या मछरी शामिल हो सके अहैं। कुछ इलाकन में मशरूम भी डाला जात ह। मांस में नमक, काली मिर्च, प्याज अउर कबहुँ लहसुन मिलावल जात ह।[४]
परोसे का तरीका
[सम्पादन | स्रोत सम्पादित करैं]पेलमेनी कई तरह से परोसे जात अहैं। ई शोरबा में उबाल के, या फिर मक्खन अउर खट्टा क्रीम संग खाए जात अहैं। साइबेरियाई तरीका में ई सिरका अउर कुटी काली मिर्च डाल के खाए जात अहैं।
भरावन
[सम्पादन | स्रोत सम्पादित करैं]उदमुर्त परंपरा में पेलमेनी के भरावन खास नुस्खा से बनावल जात ह, जेमे:
- 45% गाय का मांस
- 35% भेड़ का मांस
- 20% सूअर का मांस
डाला जात ह।[५]
कुछ इलाकन में पत्ता गोभी, टमाटर अउर सहिजन मिलावे के रिवाज भी अहै।
मिलते-जुलते व्यंजन
[सम्पादन | स्रोत सम्पादित करैं]पेलमेनी दुनिया के अउर पकौड़ी जइसा भोजन से मिलत अहैं, जइसे चीन के जियाओजी, तिब्बत अउर नेपाल के मोमो, तुर्की के मंती अउर इटली के रैवियोली।[६]
क्षेत्रीय भिन्नता
[सम्पादन | स्रोत सम्पादित करैं]साइबेरिया में पेलमेनी सर्दी में बाहर जमा के रखे जात अहैं अउर संरक्षित भोजन जइसा इस्तेमाल होवत ह। शिकारी अउर यात्री ई जमा पेलमेनी साथ ले जावत रहैं।[७]
रूस के सुदूर पूर्व इलाका में पेलमेनी सोया सॉस संग खाए जात अहैं। तातार लोग ई पकवान के “पिल्मैन” कहत अहैं अउर साफ सूप में परोसत अहैं।[८]
इतिहास
[सम्पादन | स्रोत सम्पादित करैं]पेलमेनी शब्द फिन्नो-उग्रिक कोमी अउर उदमुर्त भाषा के “पेल्न्यान” शब्द से निकला अहै, जेनका मतलब “कान जइसा आटा” होवत ह।[९]
कई इतिहासकार मानत अहैं कि ई व्यंजन साइबेरिया में विकसित भवा, अउर कुछ लोगन के अनुसार ई चीन के पकौड़ी से प्रेरित रहा। मंगोल लोग ई भोजन साइबेरिया तक लाए होइहैं।[१०]
संस्कृति में महत्व
[सम्पादन | स्रोत सम्पादित करैं]उदमुर्तिया के राजधानी इजेव्स्क शहर में पेलमेनी के सम्मान में स्मारक बनावल गवा अहै। हर साल “विश्व पेलमेनी दिवस” मनावल जात अहै, जेमे अलग-अलग इलाकन के पारंपरिक पेलमेनी देखाए जात अहैं।[११]
संदर्भ
[सम्पादन | स्रोत सम्पादित करैं]- ↑ Gallani, Barbara (२०१५). Dumplings: A Global History. Reaktion Books. पृ. 21.
{{cite book}}: CS1 maint: date auto-translated (कड़ी) - ↑ Goldstein, Darra (२०२२). The Kingdom of Rye: A Brief History of Russian Food. University of California Press. पृ. 27.
{{cite book}}: CS1 maint: date auto-translated (कड़ी) - ↑ "Пельмени – рецепт приготовления" (रूसी भाषा में).
- ↑ Volokh, Anne; Manus, Mavis (१९८९). The Art of Russian Cuisine. Collier Books. पृ. 188.
{{cite book}}: CS1 maint: date auto-translated (कड़ी) - ↑ "Уральские пельмени" (रूसी भाषा में).
- ↑ Gallani, Barbara (२०१५). Dumplings: A Global History. Reaktion Books. पृ. 21.
{{cite book}}: CS1 maint: date auto-translated (कड़ी) - ↑ "Сибирские пельмени" (रूसी भाषा में).
- ↑ "Pelmeni – A Tasty History". २२ जून २०२०.
{{cite web}}: CS1 maint: date auto-translated (कड़ी) - ↑ "Pelmeni – Siberian Meat Dumplings".
- ↑ Gallani, Barbara (२०१५). Dumplings: A Global History. Reaktion Books. पृ. 21.
{{cite book}}: CS1 maint: date auto-translated (कड़ी) - ↑ "International Pelmen Day Celebrated in Udmurtia".