फिलिपीन एडोबो

फिलिपीनी अडोबो फिलीपींस के सबसे प्रसिद्ध अउर रोज़मर्रा के खाए जाए वाला पकवान अहइ। एहमा मांस, मछरी या सब्जी पहिले तेल मा भूनल जात अहइ, फेर सिरका, नमक या सोया सॉस अउर लहसुन मा धीरे-धीरे पकावल जात अहइ। एह पकवान के फिलीपींस के अनौपचारिक राष्ट्रीय व्यंजन मानल जात अहइ।

इतिहास

फिलिपीनी अडोबो के पकावे के तरीका स्पेनी शासन से पहिले के अहइ। फिलीपींस के प्राचीन लोग गरम मौसम मा खाना सुरक्षित रखे खातिर सिरका अउर नमक के इस्तेमाल करत रहेन। सिरका एह पकवान के सबसे जरूरी हिस्सा अहइ, जउन बैक्टीरिया के बढ़े से रोकत अहइ।

सोलहवीं सदी मा जब स्पेनी लोग फिलीपींस आएन, त ऊ लोग एह पकावे के तरीका के ‘‘अडोबो’’ नाम दिहिन। 1613 मा स्पेनी शब्दकोश मा एकर उल्लेख मिलत अहइ। हालांकि, फिलिपीनी अडोबो स्पेन अउर लैटिन अमेरिका के अडोबो से अलग अहइ।

विवरण

फिलिपीनी अडोबो अउर स्पेनी अडोबो दूनों मा सिरका अउर लहसुन इस्तेमाल होवत अहइ, लेकिन दूनों के स्वाद अउर परंपरा अलग-अलग अहइ। फिलिपीनी अडोबो मा आमतौर पर मिर्च, टमाटर या ऑरिगैनो नाहीं डारल जात अहइ। एहमा खट्टा, नमकीन अउर कई बेर हल्का मीठा स्वाद होवत अहइ।

ई पकवान अक्सर सफेद चावल के संग परोसल जात अहइ।

बनावे के तरीका

अडोबो बनावे खातिर मांस के सिरका, कुचल लहसुन, काली मिर्च अउर तेजपत्ता मा धीमी आंच पर पकावल जात अहइ। आजकल मिट्टी के बर्तन के जगह लोहे के पतीला अउर कड़ाही इस्तेमाल होवत अहइ।

प्रकार

फिलीपींस मा अडोबो के कई किसिम मिलत अहइ।

• अडोबोंग मनोक – मुर्गा से बनल अडोबो
• अडोबोंग बाबोय – सूअर के मांस से बनल
• अडोबोंग बाका – गाय के मांस से बनल
• अडोबोंग पुति – बिना सोया सॉस के, सिरिफ नमक से बनल
• अडोबो सा गाता – नारियल दूध मिलाके बनावल जात अहइ

सब्जी अउर मछरी से बनल अडोबो भी बहुत लोकप्रिय अहइ।

सांस्कृतिक महत्व

अडोबो फिलिपीनी समाज मा सिरिफ खाना नाहीं, बल्कि पहचान अउर परंपरा के प्रतीक अहइ। यात्रा पर जाए वाला लोग अडोबो साथ ले जात अहइ काहेकि ई बिना फ्रिज के भी टिक जाला।

मानकीकरण

2021 मा फिलीपींस सरकार अडोबो के एक मानक रूप तय करे के योजना बनाइस, ताकि अंतरराष्ट्रीय स्तर पर फिलिपीनी खाना के पहचान मजबूत हो सके। हालांकि, ई नियम अनिवार्य नाहीं अहइ।

लोकप्रिय संस्कृति

2023 मा गूगल डूडल फिलिपीनी अडोबो के सम्मान मा जारी कइल गवा।

देखीं

• फिलिपीनी खाना
• पकसिव
• किनिलाव
• डिनुगुआन