भोपाल गैस काण्ड

१९८५ में भोपाल आपदा का रूथ वाटरमैन स्मारक

३ दिसम्बर १९८४ का भारत के मध्यप्रदेश के भोपाल मा एक विनाशकारी औद्योगिक दुर्घटना भै। इसे भोपाल गैस काण्ड / भोपाल गैस त्रासदी (Bhopal disaster) के नाम से जाना जात अहै। भोपाल के यूनियन कार्बाइड फैक्ट्री से जहरीली गैस के रिसाव से ८,००० से अधिक लोगन के मौत होइ गै, जेहिसे अउर कईयो अंधापन सहित विभिन्न शारीरिक विकलांगता से पीड़ित होइ गें। भोपाल गैस त्रासदी मा मिथाइल आइसोसायनेट (एमआईसी) नामक विषाक्त गैस का रिसाव सम्मिलित रहा, जेकर उपयोग कीटनाशक बनावै मा कीन जात रहा। मृत्यु संख्या के अनुमान अलग-अलग अहै, विभिन्न स्रोत अलग-अलग राय प्रदान करत हैं। हालाँकी, आधिकारिक मृत्यु संख्या प्रारम्भ मा २,२५९ रही। तत्कालीन मध्यप्रदेश सरकार ३,७८७ मौतन के पुष्टि किहिस। अन्य अनुमान बतावत हैं कि दुइ हफ्ता के भीतर ८,००० मनई मर गए, लगभग ८,००० अउर लोग लीक गैस से फैली बीमारियन से मर गए। २००६ मा सरकार द्वारा दायर एक हलफनामा मा स्वीकार कीन गा रहा कि लगभग ५५८,१२५ मनई लीक से सीधे प्रभावित रहे, अऊर लगभग ३८,४७८ आंशिक रूप से प्रभावित रहे। ३,९०० गंभीर रूप से प्रभावित रहे अऊर पूर्ण विकलांगता से पीड़ित रहे।

यूनियन कार्बाइड कीटनाशक कारखाना

भोपाल गैस त्रासदी का लगातार मानवता अऊर ओकरे आवास का प्रभावित करै वाले सबसे विनाशकारी औद्योगिक दुर्घटनाओं में से एक माना जात है। यहिसे, भोपाल अंतर्राष्ट्रीय चिकित्सा आयोग, जेकर स्थापना १९९३ मा पर्यावरण अऊर मानवता पर त्रासदी के दीर्घकालिक प्रभावन के जाँच करै के लिए कीन गै रही।