मेग लैनिंग
.jpg) पर्थ स्कॉर्चर्स, २०१९ कय खातिर लैनिंग कय बल्लेबाजी | ||||||||||||||||||||||||||||||||||||||||||||||||||||||||||||||||||
| व्यक्तिगत जानकारी | ||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| पूरा नाँव | मेघन मोइरा लैनिंग | |||||||||||||||||||||||||||||||||||||||||||||||||||||||||||||||||
| जनम | २५ मार्च १९९२ सिंगापुर | |||||||||||||||||||||||||||||||||||||||||||||||||||||||||||||||||
| उपनाँव | गंभीर सैली | |||||||||||||||||||||||||||||||||||||||||||||||||||||||||||||||||
| बल्लेबाजी कय मेर | दहिने हाथ | |||||||||||||||||||||||||||||||||||||||||||||||||||||||||||||||||
| गेंदबाजी कय मेर | दहिने हाथ मध्यम-तेज | |||||||||||||||||||||||||||||||||||||||||||||||||||||||||||||||||
| भूमिका | शीर्ष क्रम कय बल्लेबाज | |||||||||||||||||||||||||||||||||||||||||||||||||||||||||||||||||
| रिश्ता | अन्ना लैनिंग (बहिन) | |||||||||||||||||||||||||||||||||||||||||||||||||||||||||||||||||
| अंतर्राष्ट्रीय जानकारी | ||||||||||||||||||||||||||||||||||||||||||||||||||||||||||||||||||
| राष्ट्रीय पक्ष | ||||||||||||||||||||||||||||||||||||||||||||||||||||||||||||||||||
| टेस्ट डेब्यु (कैप १६४) | ११ अगस्त २०१३ बनाम इंग्लैंड | |||||||||||||||||||||||||||||||||||||||||||||||||||||||||||||||||
| वनडे पदार्पण (कैप ११९) | ५ जनवरी २०११ बनाम इंग्लैंड | |||||||||||||||||||||||||||||||||||||||||||||||||||||||||||||||||
| एक दिवसीय शर्ट स॰ | १७ | |||||||||||||||||||||||||||||||||||||||||||||||||||||||||||||||||
| टी20ई पदार्पण (कैप ३२) | ३० दिसंबर २०१० बनाम न्यूज़ीलैंड | |||||||||||||||||||||||||||||||||||||||||||||||||||||||||||||||||
| टी20 शर्ट स॰ | १७ | |||||||||||||||||||||||||||||||||||||||||||||||||||||||||||||||||
| घरेलू टीम कय जानकारी | ||||||||||||||||||||||||||||||||||||||||||||||||||||||||||||||||||
| वर्ष | टीम | |||||||||||||||||||||||||||||||||||||||||||||||||||||||||||||||||
| २००८–वर्तमान | विक्टोरिया | |||||||||||||||||||||||||||||||||||||||||||||||||||||||||||||||||
| २०१५–२०१७, २०२०–वर्तमान | मेलबर्न स्टार्स | |||||||||||||||||||||||||||||||||||||||||||||||||||||||||||||||||
| २०१८–२०२० | पर्थ स्कॉर्चर्स (शर्ट नंबर ७) | |||||||||||||||||||||||||||||||||||||||||||||||||||||||||||||||||
| २०२३–२०२५ | दिल्ली कैपिटल्स | |||||||||||||||||||||||||||||||||||||||||||||||||||||||||||||||||
| २०२६–वर्तमान | यूपी वारियर्स | |||||||||||||||||||||||||||||||||||||||||||||||||||||||||||||||||
| कैरियर कय आँकड़ा | ||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||
| स्रोत : ईएसपीएनक्रिकइन्फो, ३१ मार्च २०२६ | ||||||||||||||||||||||||||||||||||||||||||||||||||||||||||||||||||
मेग लैनिंग (जनम २५ मार्च १९९२) ऑस्ट्रेलिया मेहरारू क्रिकेट टीम कय पूर्व कप्तान अउर बहुत मशहूर खिलाड़ी अहइँ। उ १० नवंबर २०२३ का इंटरनेशनल क्रिकेट से सन्यास लइ लीहिन है।
इनके नांव ७ ठु वर्ल्ड कप (२ वनडे अउर ५ टी-२०) जीते कय बड़का रिकॉर्ड बा।[१] वनडे क्रिकेट मा सबसे जादा शतक ठोंकै अउर टी-२० मा २००० रन बनावै वाली उ पइली ऑस्ट्रेलियाई मेहरारू अहइँ।
घरेलू मैचन मा उ 'विक्टोरिया' अउर 'मेलबर्न स्टार्स' से खेलत हइन। डब्ल्यूपीएल मा २०२३ से २०२५ तक उ दिल्ली कैपिटल्स कय कप्तानी किहिन, मुला २०२६ वाले सीजन खातिर उनका यूपी वॉरियर्स खरीद लिहिस है।
सुरुआती अउर निजी जीवन
[सम्पादन | स्रोत सम्पादित करैं]लैनिंग कय जनम सिंगापुर मा पिता वेन, जौन एक बैंकर अहैं, अव महतारी सू कय हिँया भवा रहा। ओकरे कुछुवै दिन बाद ओनकर परिवार सिडनी कय उपनगर थॉर्नलेघ मा जाय के बसि गा, जहँवा वन वाररावी पब्लिक स्कूल मा पढ़ाई कीहिन। लैनिंग दस वर्ष कय उमिर मा अपन मास्टर कय एक क्षेत्रीय टीम कय ताईं प्रयास करै कय सुझाव कय बाद संगठित क्रिकेट खेलब सुरू कीहिन। वन प्राइमरी स्कूल स्तर पे न्यू साउथ वेल्स कय प्रतिनिधिित्व कीहिन, जेहमा एलिस पेरी कय साथे-साथे भविष्य कय कई ऑस्ट्रेलियाई टीम कय साथी सामिल रहिन। बड़ होत समय, ओनकर खेल आदर्श (आइडल) रिकी पोंटिंग अव पॉल केली रहे।
हाई स्कूल मा अपन पहिला वर्ष से पहिले, लैनिंग कय परिवार फिर से जगह बदल दीहिस, अव मेलबर्न कय उपनगर केव मा जाय के रहै लाग। वन केरी बैपटिस्ट ग्रामर स्कूल मा पढ़ाई कीहिन अव १४ वर्ष कय उमिर मा एसोसिएटेड पब्लिक स्कूल टीम कय ताईं फर्स्ट इलेवन क्रिकेट खेलै वाली पहिली बिटिया बनि के सुर्खी बटोरिन। २०२१ मा, लैनिंग कय केरी मेडल से सम्मानित कीन गा, जौन हर वर्ष कउनो पुरान या वर्तमान छात्र, स्टाफ सदस्य या माता-पिता कय "व्यापक समुदाय कय ताईं असाधारण अव उत्कृष्ट सेवा कय मान्यता" मा दीन जात है।
लैनिंग कय पास ऑस्ट्रेलियन कैथोलिक यूनिवर्सिटी से एक्सरसाइज एंड हेल्थ साइंस मा बैचलर कय डिग्री अहै। वन २०१९ मा स्नातक (ग्रेजुएशन) पूरा कीहिन।
अंतरराष्ट्रीय करियर
[सम्पादन | स्रोत सम्पादित करैं]मेग लैनिंग २०१० मा टी२० अउर २०११ मा वनडे से अंतर्राष्ट्रीय क्रिकेट मा कदम रखिन। १८ वर्ष कय उमिर मा शतक लगाय के वन ऑस्ट्रेलिया कय ताईं अइसन करै वाली सबसे कम उमिर कय खिलाड़ी बनिन। २०१४ मा वन ऑस्ट्रेलिया कय सबसे कम उमिर कय कप्तान बनिन। ओनकर कप्तानी अउर शानदार बल्लेबाजी कय दम पे ऑस्ट्रेलिया २०१२, २०१४, २०१८, २०२० अउर २०२३ कय टी२० विश्व कप जीतल, अउर एकरे साथे-साथे २०१३ अउर २०२२ कय वनडे विश्व कप भी अपन नाँव कीहिस।
कांधे कय भारी चोट अउर सर्जरी कय बाद भी वन कईठो नवा रिकॉर्ड बनाइन, जइसे महिला टी२० मा सबसे बड़का व्यक्तिगत स्कोर (१३३ नाबाद) अउर टीम कय लगातार २६ वनडे मैच जितावै कय वर्ल्ड रिकॉर्ड। २०२२ मा राष्ट्रमंडल खेल (कॉमनवेल्थ गेम्स) मा गोल्ड मेडल जीतै कय बाद वन क्रिकेट से कुछ दिन कय ताईं ब्रेक लीहिन अउर फिर २०२३ मा धमाकेदार वापसी कइ के अपन टीम का एक बार फिर टी२० विश्व कप जिताइन।
फ्रेंचाइजी क्रिकेट
[सम्पादन | स्रोत सम्पादित करैं]महिला राष्ट्रीय क्रिकेट लीग
[सम्पादन | स्रोत सम्पादित करैं]मेग लैनिंग २०१४ से विक्टोरिया टीम कय कप्तानी करत अहैं। वन डब्लूएनसीएल मा कई बड़का रिकॉर्ड बनाइन, जइसे सबसे अधिक रन कय पारी (१७५ अउर ओकरे बाद १९० रन) खेलब अउर कई बार 'प्लेयर ऑफ द ईयर' जीतब। मुला एतना नीक खेले कय बादौ वन अबहुँ तक कउनो खिताबी जीतै वाली टीम कय भाग नाहीं बनि पाइन अहैं।
महिला बिग बैश लीग
[सम्पादन | स्रोत सम्पादित करैं]डब्लूबीवीएल मा लैनिंग प्रारम्भ मा मेलबर्न स्टार्स कय कप्तानी कीहिन अउर पहिला सीज़न मा सबसे अधिक रन बनावै वाली खिलाड़ी रहिन। बाद मा वन पर्थ स्कॉर्चर्स खर्तिन खेलिन अउर हुवाँ अपन पहिला डब्लूबीवीएल शतक लगइन। फिर से मेलबर्न स्टार्स मा लौटै कय बाद, वन लीग कय सब आठों टीम कय खिलाफ अर्धशतक लगावै वाली पहिली खिलाड़ी बनिन। वन टीम कय फाइनल तक तौ लइ गइन मुला खिताब नाहीं जीत पाइन। 'द हंड्रेड' टूर्नामेंट मा चुने जाय कय बादौ वन आपन नाँव वापस लइ लीहिन रहा।
महिला प्रीमियर लीग
[सम्पादन | स्रोत सम्पादित करैं]डब्ल्यूपीएल मा दिल्ली कैपिटल्स लैनिंग कय खरीदिस अउर कप्तान बनाइस। पहिला सीज़न मा वन सबसे अधिक रन बनाय के ऑरेंज कैप जीतिन। लैनिंग २०२३, २०२४ अउर २०२५ मा लगातार दिल्ली कय फाइनल मा पहुँचाइन, मुला तीनों बार टीम हारि गइ। २०२६ कय बड़की नीलामी से पहिले दिल्ली वनका रिलीज कइ दीहिस, जेकरे बाद यूपी वारियर्स वनका १.९ करोड रूपिया मा खरीद लीहिस।
इन्हें भी देखें
[सम्पादन | स्रोत सम्पादित करैं]
सन्दर्
[सम्पादन | स्रोत सम्पादित करैं]- ↑ "Australia captain Meg Lanning quits international cricket after winning 7 World Cup titles". The Hindu. २०२३-११-०९. ई ३० मार्च २०२६ को पुनः प्राप्त कीन गा .
{{cite web}}: CS1 maint: date auto-translated (कड़ी)