राजन साजन मिश्र

राजन-साजन मिश्र
राजन औ साजन मिश्र (२०२०)
पृष्ठभूमि सूचना
शैली	हिन्दुस्तानी संगीत
सदस्य	राजन मिश्र साजन मिश्र

राजन साजन मिश्रा भारतीय शास्त्रीय संगीत के ख्याल शैली के गायक हैं। दूनों भाइन का 2007 मा पद्मभूषण, 1998 मा संयुक्त रूप ते संगीत नाटक अकादमी पुरस्कार, 1994–1995 मा गंधर्व राष्ट्रीय पुरस्कार अउर 14 दिसंबर 2011 का राष्ट्रीय तानसेन सम्मान 2011–2012 ते सम्मानित कीन गा रहै।

पं. राजन मिश्रा का कोविड-19 की तकलीफन ते दिल का दौरा परा अउर वहिके कारण 25 अप्रैल 2021 का नई दिल्ली के सेंट स्टीफन अस्पताल मा निधन होइ गा।

पंडित राजन मिश्र (२०२०)

पंडित साजन मिश्र (२०२०)

भारत भवन भोपाल (जुलाई 2015) मा राजन औ साजन मिश्रा जी प्रस्तुति दइ रहे हैं

प्रारंभिक जीवन

राजन (1951–2021) अउर साजन (जन्म 1956) मिश्रा का जनम अउर पालन-पोषण बनारस मा भा। उइ अपने दादा के भाई, बड़े राम दास जी मिश्र, अपने पिता, हनुमान प्रसाद मिश्र अऊर अपने चाचा, सारंगी वादक गोपाल प्रसाद मिश्र ते अपन प्रारंभिक सांगीतिक प्रशिक्षण प्राप्त कीन्हेनि। किशोरावस्था ते दूनों जने संगीत प्रस्तुति करब सुरू कइ दीन्हेनि।

उइ 1977 मा दिल्ली के रमेश नगर मा बसि गें, जहाँ उइ अबहूँ रहति हैं।

कृतित्व

राजन अउर सजन मिश्रा बनारस घराना के ख्याल गायन के 300 साल पुरानि वंशपरंपरा क हिस्सा हैं। मिश्र बंधु कइयो सालन ते पूरे भारत अउर दुनिया भर के दर्शकन के सामने परफॉर्म कइ रहे हैं।

सतगुरु जगजीत सिंह के सानिध्य मा जब उइ परफॉर्मेंस दीन्हेनि तब उइ दूनों जने एक छोटि के दुकान मा एकाउंटेंट रहैं। सतगुरु, उनकी प्रतिभा का पहिचानेनि औ उनके स्वराभ्यास खातिनअउर समय लगावै के बदले उनके जीवन यापन के बरे दुगुना मजदूरी देय के पेशकश कीन्हेनि। उइ 1978 मा श्रीलंका मा विदेश मा अपन पहिल संगीत कार्यक्रम प्रस्तुत कीन्हेनि, जल्दिही उइ जर्मनी, फ्रांस, स्विट्जरलैंड, ऑस्ट्रिया, यूएसए, यूके, नीदरलैंड, यूएसएसआर, सिंगापुर, कतार, बांग्लादेश अऊर ओमान सहित दुनिया भर के कइयो देशन मा प्रदर्शन कीन्हेनि।