लिविंग स्माइल विद्या
| लिविंग स्माइल विद्या | |
|---|---|
 | |
| जनम | 25 मार्च 1982 |
| राष्ट्रीयता | भारतीय |
| पेशा/दायित्व | अभिनेत्री, लेखिका, ट्रांसजेंडर अउर दलित अधिकार कार्यकर्ता |
लिविंग स्माइल विद्या (जहँका स्माइली नाँव से भी जानल जात है) एक भारतीय अभिनेत्री, सह-निर्देशक, लेखिका अउर ट्रांसजेंडर तथा दलित अधिकार कार्यकर्ता अहैं।[१] वे चेन्नई के रहै वाली अहैं।[२]
शुरुआती जिनगी
[सम्पादन | स्रोत सम्पादित करैं]विद्या बताइन कि उनका परिवार अरुंथतियार जाति से है, जे कई पीढ़ी पहिले आंध्र प्रदेश से आय के चेन्नई मा बसि गवा रहा। उनकी महतारी एक दलित मेहरारू रहीं, जे सड़क सफाई कर्मचारी के साथे-साथे घरन मा कामौ करत रहीं।[३]
अपने लरिकाई मा विद्या अपने आप का “हृदय से एक मेहरारू” मानत रहीं, मुला समाज उनका मनई (पुरुष) के रूप मा देखत रहा। ई सब अनुभव आगे चलिके उनकी कला अउर समाज सेवा के नींय (आधारशिला) बनिन।[३]
ओन्हैं तंजावुर के तमिल विश्वविद्यालय से अनुप्रयुक्त भाषाविज्ञान मा एम.ए. (स्नातकोत्तर) के डिग्री मिली।[४]
लिंग पुनर्निर्धारण आपरेशन के बाद वे तमिलनाडु मा रहै लागिन अउर मदुरै के एक देहाती बैंक मा नौकरी करै के साथे-साथे नाटक (रंगमंच) से भी जुड़ी रहीं।
फिलिम अउर नाटक
[सम्पादन | स्रोत सम्पादित करैं]
लिविंग स्माइल विद्या का भारत के पहिली ट्रांसजेंडर नाटक अभिनेत्री कहा जात है। ओन्हैं नौ से जादा निर्देशकों के साथे बीस से जादा नाटकन मा काम कीन है।[५]
ओन्हैं कांडल पुक्कल, 500 एंड 5 जइसी छोटी फिलिमिन मा काम कीन है अउर अग्रिनाइगल अउर बटरफ्लाई जइसे वृत्तचित्रों मा भी देखाय दीन है।[६]
2017 मा ओन्हैं लीना मणिमेकलई के फिलिम इज़ इट टू मच टू आस्क? मा काम कीन, जेमा ओन्हैं एक ऐसी ट्रांसजेंडर मेहरारू के रोल अदा कीन जेका चेन्नई मा घर खोजत बखत भेदभाव झेले का परा रहा।
समाज सेवा (सक्रियता)
[सम्पादन | स्रोत सम्पादित करैं]दलित इतिहास माह प्रोजेक्ट के मुताबिक, लिविंग स्माइल विद्या भारत की पहिली ट्रांसजेंडर अहैं जेकरे पासपोर्ट मा उनकी चुनी भई लैंगिक पहचान दर्ज कीन गय रही।[५]
वे दलित अउर ट्रांसजेंडर समाज से जुड़े मुद्दन पर लगातार काम करत अहैं अउर समाज मा फैलल जातिपाति के भेदभाव के खिलाफ आवाज उठावत अहैं।
आत्मकथा अउर फिलिम
[सम्पादन | स्रोत सम्पादित करैं]विद्या की आत्मकथा आई एम विद्या सबसे पहिले तमिल भाषा मा लिखी गय रही, जेका बाद मा अंग्रेजी, मलयालम, मराठी अउर कन्नड़ समेत कई भाखन मा अनुवाद कीन गवा।[२]
यही आत्मकथा पर आधारित कन्नड़ भाषा की फिलिम नानु अवनल्ला... अवलु का राष्ट्रीय फिलिम पुरस्कार से सम्मानित कीन गवा।
संदर्भ
[सम्पादन | स्रोत सम्पादित करैं]- ↑ Rao, Subha J. (२०१६-११-१५). "Despair before hope". The Hindu (Indian English भाषा में). ई २०१८-०८-१७ को पुनः प्राप्त कीन गा .
{{cite news}}: CS1 maint: date auto-translated (कड़ी) - 1 2 "Living Smile Vidya wins Charles Wallace 2013 scholarship". Orinam (अमेरिकी अंग्रेज़ी भाषा में). २०१३-०५-०६. ई २०१९-०३-०९ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 "(Trans)gender and caste lived experience – Transphobia as a form of Brahminism: An Interview of Living Smile Vidya". sanhati.com. ई २०१९-०३-०९ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ Ahmad, Asam (२०१५-०९-२८). "An Interview with Panmai, A Trans and Mixed-Caste Theatre Troupe from India". BGD (अमेरिकी अंग्रेज़ी भाषा में). ई २०१९-०३-०९ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 "Dalit History Month – Inspirational Living Smile Vidya". Dr. B. R. Ambedkar's Caravan (अंग्रेज़ी भाषा में). २०१५-०४-२१. मूल से से २०१९-०३-३१ के पुरालेखित. ई २०१९-०३-०९ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "Living Smile Vidya — Artist". The Hindu Lit for Life (अमेरिकी अंग्रेज़ी भाषा में). मूल से से २०१७-०४-१६ के पुरालेखित. ई २०१७-०४-१५ को पुनः प्राप्त कीन गा .
{{cite web}}: CS1 maint: date auto-translated (कड़ी)