वन बैटल आफ्टर अनदर

वन बैटल आफ्टर अनदर
फ़िल्म लोगो
निर्देशक	पॉल थॉमस एंडरसन
लेखक	पॉल थॉमस एंडरसन
आधारित	थॉमस पिंचन द्वारा वाइनलैंड
निर्माता	एडम सोमनर सारा मर्फी पॉल थॉमस एंडरसन
अभिनेता	लियोनार्डो डिकैप्रियो शॉन पेन बेनिकियो डेल टोरो रेजिना हॉल टेयाना टेलर चेस इन्फिनिटी
छायाकार	माइकल बॉमन
संपादक	एंडी जुर्गेंसन
संगीतकार	जॉनी ग्रीनवुड
निर्माण कंपनियां	वार्नर ब्रदर्स पिक्चर्स गुलार्डी फिल्म कंपनी
वितरक	वार्नर ब्रदर्स पिक्चर्स
प्रदर्शन तिथियाँ	8 सितंबर 2025 टीसीएल चाइनीज थिएटर, 26 सितंबर 2025, अमेरिका
लम्बाई	162 मिनट
देश	संयुक्त राज्य अमेरिका
भाषा	अंग्रेजी
लागत	$130–175 मिलियन
कुल कारोबार	$213.1 मिलियन

वन बैटल आफ्टर अदर पॉल थॉमस एंडरसन द्वारा निर्मित, लिखित, अउर निर्देशित, 2025 मा प्रकाशित याक अमेरिकी एक्शन थ्रिलर फिल्म आय। थॉमस पिंचन के 1990 के उपन्यास वाइनलैंड ते प्रेरित, ई फिल्म के कलाकारन मा लियोनार्डो डिकैप्रियो, सीन पेन, बेनिसियो डेल टोरो, रेजिना हॉल, तेयाना टेलर अउर चेस इन्फिनिटी (पहिल फ़िल्म) शामिल हैं। या फ़िल्म एक पूर्व क्रांतिकारी (डिकैप्रियो) पर आधारित है। जब वहिका दुश्मन (पेन) सोलह साल बादि फिर ते उभरत है तब वहु फिर ते लड़ाई मा उतरि परत है।

एंडरसन 2000 के दशक की सुरुआत ते वाइनलैंड उपन्यास का पर्दा पर उतारब चहति रहैं। पटकथा लिखत समय उइ अपनी कुछ कहानिन का ई कथा मा शामिल कीन्हेनि। ई फ़िल्म का मुख्य छायांकन विस्टाविजन का उपयोग कइके जनवरी ते जून 2024 तक कैलिफोर्निया मा भै, या फ़िल्म 1960 के दशक के बादि विस्टाविजन क उपयोग करै वाली पहिल बनि गै। सितंबर 2025 का अपने प्रीमियर के बादि, वन बैटल आफ्टर अदर 26 सितंबर का वार्नर ब्रदर्स पिक्चर्स द्वारा संयुक्त राज्य अमेरिका मा रिलीज कीन गै। $130-175 मिलियन के बजट के साथ, या एंडरसन के करियर के सबते महँगी फिल्म अउर दुनिया भर मा $213 मिलियन ते अधिक कमाई करै के साथ सबते अधिक कमाई वाली फिलिम बनि गै।

वन बैटल आफ्टर अनद प्रशंसा अउर कइयो पुरस्कार प्राप्त कीन्हेसि। 98वें अकादमी पुरस्कारन मा, ई फ़िल्म का 13 पुरस्कारन खातिन नामित कीन गा रहै। यहि के साथसर्वश्रेष्ठ पिक्चर, सर्वश्रेष्ठ निर्देशक, सर्वश्रेष्ठ सहायक अभिनेता (पेन), सर्वश्रेष्ठ अवतरित पटकथा, सर्वश्रेष्ठ फिल्म संपादन अउर सर्वश्रेष्ठ कास्टिंग के पुरस्कार यहिकी झोली मा गिरे। या फिलिम 32वें एक्टर पुरस्कारन मा रिकॉर्ड सात नामांकनन के साथ एक पुरस्कार पाएसि। 31वें क्रिटिक्स च्वाइस अवार्ड्स मा यहिका तीन पुरस्कार मिलें जिन्हमा सर्वश्रेष्ठ फिल्मौ क इनाम शामिल है। 83वें गोल्डन ग्लोब्स मा सर्वश्रेष्ठ मोशन पिक्चर - म्यूजिकल या कॉमेडी समेत चार इनाम, अउर 79वें ब्रिटिश अकादमी फिल्म अवार्ड्स मा सर्वश्रेष्ठ फिल्म समेत छा इनाम ई फिलिम के खाते दर्ज भें। अमेरिकन फिलिम इंस्टीट्यूट यहिका 2025 की शीर्ष दस फिलिमन मइहाँ एक के रूप मा सूचीबद्ध कीन्हेसि। नेशनल बोर्ड ऑफ रिव्यू ते सर्वश्रेष्ठ फिलिम समेत पांच पुरस्कार ई पिक्चर का प्राप्त भें।

कथानक

"घेटो" पैट कैलहौन अउर परफिडिया बेवर्ली हिल्स एक सुदूर वामपंथी उग्रवादी क्रांतिकारी समूह, फ्रेंच 75 के सदस्य हैं। उइ आपस मा प्रेम करति हैं। ओटाय मेसा डिटेंशन सेंटर ते हिरासत मा लीन गे प्रवासिन का छोड़ाने कि बेरिया, परफिडिया कमांडिंग ऑफिसर स्टीवन जे. लॉकजॉ का यौन रूप ते अपमानित करति है, जउन बादि मा वहिके प्रति यौन रूप ते जुनूनी होइ जात है। बादि मा, जब लॉकजॉ परफिडिया का बम लगावत पकड़त है, तब वो वहिका जाए देत है जब वा सेक्स के खातिन वहिते मिलै का सहमत होइ जाति है। जल्दिही, परफिडिया गर्भवती होइ जाति है।

परफिडिया के एक बिटिया का जन्म देय के बाद जेहिका उइ शार्लीन नाम देति हैं, पैट वहिका बसै खातिन मनावै के कोशिश करत है, लेकिन वा अपनि क्रांतिकारी गतिविधि जारी राखै के बरे पैट अउर शार्लीन का छोड़ि देति है। बैंक डकैती के दौरान एक सुरक्षा गार्ड के हत्या करै के बादि परफिडिया का गिरफ्तार कइ लीन जात है। लॉकजॉ प्रमुख फ्रेंच 75 सदस्यन के बारे मा जानकारी के बदले जेल ते बचै के व्यवस्था करत है। परफिडिया गवाह संरक्षण मा प्रवेश करति है, जबकि लॉकजॉ उइ जानकारी का उपयोग वहिके साथिन का पकरै अउर जल्दी फांसी देय खातिन करत है। फ्रेंच 75 के सदस्य हावर्ड सोमरविले पैट अउर शार्लीन के पहिचान बॉब अउर विला फर्ग्यूसन के रूप मा बदलि देत है, जबकि परफिडिया गवाह संरक्षण ते भागि कै मेक्सिको चली जाति है।

कलाकार वृंद

(बाएं ते दाएं; ऊपर-नीचे) लियोनार्डो डिकैप्रियो, सीन पेन, बेनीसियो डेल टोरो, रेजीना हॉल, तेयाना टेलर, अउर चेज़ इन्फिनिटी

• लियोनार्डो डिकैप्रियो - "गेट्टो" पैट काल्हौन / "रॉकेटमैन" / बॉब फर्ग्यूसन के रूप मा; फ्रेंच 75 नामक एक क्रांतिकारी समूह क पूर्व सदस्य अउ विस्फोटक विशेषज्ञ।
• शॉन पेन - कर्नल स्टीवन जे. लॉकजॉ के रूप मा; एक भ्रष्ट सैन्य अधिकारी जउन फ्रेंच 75 क पीछा करत है।
• बेनीसियो डेल टोरो - सर्जियो सेंट कार्लोस के रूप मा; विला के कराटे गुरु अउर बकतान क्रॉस मा गैर-दस्तावेजी (अवैध) समुदाय के नेता।
• रेजिना हॉल - डीआंड्रा / "लेडी शैम्पेन" के रूप मा; फ्रेंच 75 की सदस्य।
• तेयाना टेलर - पर्फिडिया बेवर्ली हिल्स के रूप मा; फ्रेंच 75 की सदस्य, विला की मां अउर पैट की प्रेमिका।
• चेज इन्फिनिटी - विला फर्ग्यूसन / शार्लीन काल्हौन के रूप मा; लॉकजॉ अउर पर्फिडिया के बिटिया।
• वुड हैरिस - लारेडो के रूप मा; फ्रेंच 75 क सदस्य।
• अलाना हाइम - "मे वेस्ट" के रूप मा; फ्रेंच 75 के सदस्य।
• पॉल ग्रिमस्टैड - हावर्ड सॉमरविले / "बिली गोट" / "ग्रिंगो कोयोटे" के रूप मा; फ्रेंच 75 क सदस्य।
• शायना मैकहेल - "जंगलपुसी" के रूप मा; फ्रेंच 75 के सदस्य।
• टोनी गोल्डविन - वर्जिल थ्रॉकमॉर्टन के रूप मा; क्रिस्टमस एडवेंचरर्स क्लब क सदस्य, जउन श्वेत वर्चस्ववादिन का एक गुप्त अउर अमीर गुट है।
• जॉन हूगेनाकर - टिम स्मिथ के रूप मा; क्रिस्टमस एडवेंचरर्स क्लब का सदस्य।
• स्टारलेटा डुप्वा - ग्रैंडमा मिनी के रूप मा; पर्फिडिया की अम्मा।
• एरिक श्विग - अवंती के रूप मा; एक इनामी शिकारी।
• डी. डब्ल्यू. मोफेट - बिल डेसमंड के रूप मा; क्रिस्टमस एडवेंचरर्स क्लब क सदस्य।
• केविन टाइग - रॉय मोर के रूप मा; क्रिस्टमस एडवेंचरर्स क्लब क सदस्य।
• जिम डाउनी - सैंडी इरविन के रूप मा; क्रिस्टमस एडवेंचरर्स क्लब क सदस्य।
• जेम्स रेटरमैन - कर्नल डेनवर्स के रूप मा; लॉकजॉ क सेकेंड-इन-कमांड (उप-प्रमुख)।
• डिजोन डुएनस - "टैलीरैंड" के रूप मा; फ्रेंच 75 क सदस्य।
• डैन चैटॉन - कॉमरेड जोश के रूप मा; फ्रेंच 75 क सदस्य।
• अप्रैल ग्रेस - सिस्टर रोशेल के रूप मा; सिस्टर्स ऑफ द ब्रेव बीवर के मदर सुपीरियर।
• जॉन बीवर्स - 1776 जेम्स के रूप मा; एक श्वेत राष्ट्रवादी गिरोह क सदस्य।
• टीशा स्लोअन - विला की शिक्षिका के रूप मा।
• जीना मलोन - फ्रेंच 75 ग्रीटिंग कोड की आवाज के रूप मा।