विद्या बालन

विद्या बालन
2023 में विद्या
जनम	१ जनवरी १९७९ (1979-01-01) मुम्बई भारत
अल्मा मेटर	मुम्बई विश्वविद्यालय
रोजगार	अभिनेत्री
कार्यकाल	2003–अब तक
जिवनसाथी	सिद्धार्थ रॉय कपूर (2012–वर्तमान)

विद्या बालन(जन्म: १ जनवरी, १९७९) एक भारतीय अभिनेत्री अहै जे मुख्य रूप से बॉलीवुड फिल्मन मा कार्य करत अहै। यहिके अतिरिक्त, उ पांच टेलीविजन शो मा कार्य किहिन अहै।

बालन ने संगीत वीडियो, सोप ओपेरा अऊर व्यावसायिक विज्ञापनन मा दिखाई देत आपन करियर प्रारम्भ किहिन। उ बंगाली फिल्म *भालो ठेको* (२००३) से आपन फिल्मी प्रारम्भ किहिन, जेकरे लिए उनका फिल्म समीक्षकन से व्यापक प्रशंसा मिली। बाद मा हिन्दी सिनेमा मा आपन करियर फिलिम *परिणीता* (२००५) से प्रारम्भ किहिन, जेहिके खातिर उनका सर्वश्रेष्ठ महिला पदार्पण के लिए फिल्मफेयर पुरस्कार से सम्मानित कीन गा। उनकी पहली बड़ी व्यावसायिक सफलता रही राजकुमार हिरानी का *लागे रहो मुन्ना भाई* (२००६); यहिसे, बालन स्वयं का एक सफल अभिनेत्री के रूप मा स्थापित किहिन।

विद्या ने लगातार पांच व्यावसायिक सफलताओं मा अभिनय कइके आपन स्थिति का अउर सशक्त किहिन, जेहिसे उनका महत्त्वपूर्ण आलोचनात्मक अऊर पुरस्कार मान्यता भी मिली। इनमा नाटक *पा* (२००९), ब्लैक कॉमेडी *इश्किया* (२०१०), थ्रिलर *नो वन किल्ड जेसिका* अऊर *कहानी* (२०१२), अऊर बायोपिक *द डर्टी पिक्चर* (२०११) सम्मिलित रहे। इनमा से आखिरी ने उनका सर्वश्रेष्ठ अभिनेत्री के लिए राष्ट्रीय फिल्म पुरस्कार दिलावा।

रोजी-रोटी

प्रारम्भी जीवन (२००२ तक)

उनका जनम केरल के एक पलक्कड अय्यर परिवार मा भवा रहा। बालन मुंबई मा पली-बढ़ी अऊर चेम्बूर के सेंट एंथोनी गर्ल्स हाई स्कूल मा पढ़ाई किहिन। बाद मा, उ सेंट जेवियर कॉलेज से समाजशास्त्र मा स्नातक डिग्री प्राप्त किहिन।

उनकर फिल्मी करियर मलयालम फिल्म *चकरम* से प्रारम्भ भवा रहा, जेहिमा सुपरस्टार मोहनलाल अभिनय करै वाला रहा; हालाँकी, फिलिम का शेल्फ पर रख दीन गा रहा। बाद मा, उ *रन* शीर्षक से एक तमिल फिल्म पर हस्ताक्षर किहिन; फिर भी, कुछ अघोषित कारणन से, ओका पहिला कार्यक्रम के बाद परियोजना से हटा दीन गा रहा, अऊर मीरा जैस्मीन का ओनके जगह पर कास्ट कीन गा रहा । उद्योग के अफवाहन के अनुसार, बालन का उनके दूसर तमिल फिल्म, *मनसेल्लम* से भी हटा दीन गा रहा- जेहिमा श्रीकांत अभिनय किहिन- काहे से कि उनके कथित प्रदर्शन के कमी रही, अऊर ई भूमिका बाद मा तृषा कृष्णन का दीन गै रही।

फिर उ आपन ध्यान टेलीविजन विज्ञापन पर लगाइन। १९९८ से, उ कई टेलीविजन विज्ञापनन मा दिखाई दिहिन अहै, जेहिमा से अधिकांश प्रदीप सरकार द्वारा निर्देशित कीन गा रहें। उ विभिन्न गायकन अऊर बैंडन, जइसे कि यूफोरिया, शुभा मुदगल अऊर पंकज उधास के लिए संगीत वीडियो मा सहायक भूमिका मा भी कार्य किहिन। बालन टेलीविजन शृंखला *हम पांच* के कुछ एपिसोड मा राधिका माथुर के रूप मा भी दिखाई दिहिन, हालाँकी बाद मा ओनके जगह अमिता नंगिया द्वारा भूमिका निभाई गै।

२००३ से अब तक सफलता

२००३ मा बंगाली फिलिम *भलो ठेको* मा भूमिका निभाइन, जेहिके खातिर उनका कोलकाता मा सर्वश्रेष्ठ अभिनेत्री के आनंदलोक पुरस्कार से सम्मानित कीन गा। बालन ने हिन्दी सिनेमा मा आपन करियर *परिणीता* से प्रारम्भ किहिन, जवन एक अइसन फिलिम रही जेका फिल्म समीक्षक बहुत प्रशंसा किहिन। यद्यपि ई फिलिम बॉक्स ऑफिस पै असाधारण रूप से अच्छा प्रदर्शन नाहीं किहिस , लेकिन यहिके भीतर ओकरे प्रदर्शन का आलोचकन द्वारा प्रशंसा कीन गै ;</ref> उनका एक उभरत अभिनेत्री के लिए फिल्मफेयर बेस्ट फीमेल डेब्यू अवार्ड से सम्मानित कीन गा रहा अऊर फिल्मफेयर बेस्ट ऐक्ट्रेस अवार्ड के लिए नामांकन मिला रहा।

अपनी पहली दुई फिलिमन के सफलता के बाद, उहै निर्माता जे पहिले ओनका *मनसेल्लम* से छोड़ दिहिन रहैं, ओनका कमल हासन के साथे अपनी फिलिम *दशवथारम* मा कास्ट करै के कोशिश किहिन। हालाँकी, उ निर्माता के प्रस्ताव का ठुकरा दिहिस, अऊर असिन थोट्टुमकल का भूमिका के लिए हस्ताक्षर कीन गा। सन २००६ मा ब्लाकबस्टर फिलिम *लागे रहो मुन्ना भाई* मा संजय दत्त के साथे नजर आईं। एक बार फिर, उनकर प्रदर्शन फिल्म पंडितन के बीच चर्चा का विषय बन गवा , अऊर फिल्म उ वर्ष के दूसर सबसे अधिक कमाई करै वाली फिल्म के रूप मा उभरी ।

मणि रत्नम कै *गुरु*—बालन कै २००७ कै पहिली रिलीज, जेहमा उ एक शारीरिक रूप से विकलांग चरित्र का किरदार निभाइन—आलोचकन द्वारा बहुत तारीफ कीन गै। ई फिलिम बॉक्स ऑफिस पर असाधारण रूप से अच्छा प्रदर्शन किहिस , अऊर ओकरे प्रदर्शन का महत्त्वपूर्ण प्रशंसा मिली । यद्यपि उनके बाद के दुई रिलीज-*सलाम-ए-इश्क: ए ट्रिब्यूट टू लव* (२००७) अऊर *एकलव्य: द रॉयल गार्ड* (२००७)-व्यावसायिक रूप से विशेष रूप से अच्छा नाहीं रहे , बाद वाले का ८० वें अकादमी पुरस्कार (ऑस्कर) के लिए भारत के आधिकारिक प्रविष्टि के रूप मा चुना गा रहा। वर्ष के दुई रिलीज मा से, *हेय बेबी* (२००७) अऊर *भूल भुलैया* (२००७) बॉक्स ऑफिस पर अच्छा प्रदर्शन किहिन।

निजी जीवन

उनके पिता, पी.आर. बालन, ईटीसी चैनल के उपाध्यक्ष अहै, जबकि उनकी मां एक गृहिणी अहै। बालन के एक बड़ी बहिन भी है जेकर नाम प्रिया अहै। एक वीडियो साक्षात्कार मा, उ कहिन कि उ बहुत आध्यात्मिक अहै, भगवान मा दृढ़ विश्वास रखत अहै अऊर हर गुरुवार का मंदिरन मा जात अहै।

पत्रकारन ने बालन का कईयो सह-कलाकारन के साथे रोमांटिक रूप से जोड़ा है; हालाँकी, उ अइसन सब आरोपन का खंडन किहिन अहै, ई दावा करत हुए कि उ निराधार अहै।