सैली क्रिस्टेन राइड
सैली क्रिस्टेन राइड एक अमेरिकी भौतिक विज्ञानी अऊर अंतरिक्ष यात्री रहीं। उनकर जनम २६ मई, १९५१ का लॉस एंजिल्स मा भा रहा। उ १९७८ मा नाशा मा सम्मिलित भइन अऊर १९८३ मा, पहिली अमेरिकी महिला अंतरिक्ष यात्री बनीं। हालाँकी, उ अंतरिक्ष मा यात्रा करै वाली तीसरी औरत रहीं। सैली राइड अंतरिक्ष मा यात्रा करै वाली सबसे कम उम्र के अमेरिकी अंतरिक्ष यात्री रहीं, जे महज ३२ वर्ष के उमर मा अइसन किहिन रहैं।[१][२] दुई कक्षीय मिशन उड़ान भरै के बाद, सैली राइड १९८७ मा नाशा छोड़ दिहिस। बाद मा, उ स्टैनफोर्ड विश्वविद्यालय, कैलिफोर्निया विश्वविद्यालय, सैन डिएगो अऊर स्टैनफोर्ड विश्वविद्यालय केंद्र फॉर इंटरनेशनल सिक्योरिटी एंड आर्म्स कंट्रोल मा भौतिकी के प्रोफेसर के रूप मा दुई वर्ष कार्य किहिन; तब उ मुख्य रूप से ऑप्टिकल एनिसोट्रोपी अऊर थॉमसन स्कैटरिंग के बारे मा शोध पर ध्यान केंद्रित किहिन।
प्रारंभिक जीवन अऊर शिक्षा
[सम्पादन | स्रोत सम्पादित करैं]सैली क्रिस्टन राइड के पिता डेल बर्डेल राइड अऊर ओनके महतारी कैरल जॉयस रहीं। ओकर एक छोट भाई रहा जवन एक प्रेस्बिटेरियन सेवक रहा। उनकी महतारी एक महिला सुधार गृह मा एक स्वयंसेवक परामर्शदाता के रूप मा कार्य करत रहीं,[३] जबकि उनके पिता सांता मोनिका कॉलेज मा राजनीति विज्ञान के प्रोफेसर रहें। उ आपन शिक्षा पोर्टोला जूनियर हाई स्कूल से प्राप्त किहिन, जेकरे बाद बर्मिंघम हाई स्कूल मा पढ़ाई किहिन। उ लॉस एंजिल्स के निजी वेस्टलेक स्कूल फॉर गर्ल्स से एक छात्रवृत्ति पर आपन हाई स्कूल डिप्लोमा अर्जित किहिन।[४] विज्ञान मा अपनी रुचि के अतिरिक्त, सैली क्रिस्टन राइड एक राष्ट्रीय स्तर पर रैंक वाली टेनिस खिलाड़ी भी रहीं। स्टैनफोर्ड मा, उ १९७५ मा मास्टर डिग्री अऊर पीएच.डी. प्राप्त किहिन। १९७८ मा भौतिकी मा, एक्स-रे का उपयोग कइके अंतरतारकीय माध्यम पर शोध करत रहें। तारकीय भौतिकी अऊर मुक्त-इलेक्ट्रॉन लेजर उनके अध्ययन के विशेष क्षेत्रन मा से एक रहे।[५]
नाशा कैरियर
[सम्पादन | स्रोत सम्पादित करैं]
सवारी – एसटीएस-७ सैली क्रिस्टन राइड ८,००० लोगन में से एक रहीं जे स्टैनफोर्ड छात्र अखबार मा एक विज्ञापन के उत्तर मा अंतरिक्ष कार्यक्रम के लिए आवेदन किहिन। उनका १९७८ मा नाशा मा सम्मिलित होवै के लिए चुना गा रहा।[६]
अपने करियर के दौरान, राइड ने दूसरी अऊर तीसरी स्पेस शटल उड़ान (एसटीएस-२ अऊर एसटीएस-३) के लिए एक ग्राउंड-आधारित कैप्सूल कम्युनिकेटर (कैपकॉम) के रूप मा कार्य किहिन अऊर स्पेस शटल के कनाडार्म रोबोट आर्म के विकास मा सहायता किहिन।[७] जून १९८३ का, उ स्पेस शटल *चैलेंजर* पर चालक दल के सदस्य के रूप मा अंतरिक्ष मा यात्रा करै वाली पहिली अमेरिकी महिला बनीं। १९८२ तक, दुई सोवियत मेहरारू-वैलेंटिना तेरेशकोवा अऊर स्वेतलाना सवित्स्काया-पहिले से ही अंतरिक्ष मा यात्रा कइ चुकी रहीं।[८] उनकर दूसर अंतरिक्ष उड़ान १९८४ मा भै, फिर से *चैलेंजर* पर सवार होइके, अंतरिक्ष मा बितावा गा कुल समय ३४३ घंटा से अधिक होइ गवा। उ अपने तीसरे मिशन के लिए आठ महीना के कठोर प्रशिक्षण से गुजरिन, जवन स्पेस शटल *चैलेंजर* के लिए निर्धारित कीन गा रहा-वही मिशन जवन आपदा मा खतम भवा रहा। नाशा छोड़ै के बाद, उ स्टैनफोर्ड यूनिवर्सिटी सेंटर फॉर इंटरनेशनल सिक्योरिटी एंड आर्म्स कंट्रोल मा कार्य किहिन।
मउत
[सम्पादन | स्रोत सम्पादित करैं]सैली क्रिस्टन राइड का निधन २३ जुलाई, २०१२ का ६१ वर्ष के उम्र मा ला जोला, कैलिफोर्निया मा अपने घरे अग्नाशय कैंसर के निदान के सत्रह महीना बाद होइ गवा। अंतिम संस्कार सेवा के बाद, ओकर राख का ओकरे पिता के बगल मा दफनावा गा रहा।[९]अंतिम संस्कार के बाद उनकी राख को उनके पिता के बगल में ही दफनाया गया था।[१०]
सन्दर्भ
[सम्पादन | स्रोत सम्पादित करैं]- ↑ "Kennedy Space Center FAQ". NASA/Kennedy Space Center External Relations and Business Development Directorate.
- ↑ "10 fascinating things about Astronaut Sally Ride you must know". news.biharprabha.com. May 26, 2015
- ↑ "Biographical Data: Sally K. Ride, Ph.D". NASA. July 2012
- ↑ Grady, Denise (July 23, 2012). "Obituary: American Woman Who Shattered Space Ceiling". The New York Times
- ↑ Knapp, Alex (July 23, 2012). "Sally Ride, First American Woman In Space, Dead At 61". Forbes. Business Source Elite.
- ↑ "Dr. Sally Ride". NASA।
- ↑ Ryan, Michael. "A Ride in Space – NASA, Sally Ride". People.
- ↑ "Biographical Data: Sally K. Ride, Ph.D". NASA. July 2012.
- ↑ Former Astronaut Sally Ride Dies in La Jolla | NBC 7 San Diego
- ↑ Sally Kristen Ride (1951–2012)". Find A Grave.