करीमनगर जिला

विकिपीडिया से
करीमनगर ज़िला
Karimnagar district
కరీంనగర్ జిల్లా
मानचित्र जवनेम करीमनगर ज़िला Karimnagar district కరీంనగర్ జిల్లా हाइलाइटेड हय
सूचना
राजधानी : करीमनगर
क्षेत्रफल : 2,128 किमी²
आबादी(2011):
 • घनत्व :
10,05,711
 470/किमी²
उपविभागन कय नांव: मण्डल
उप विभागन कय गिनती: 16
खास भाषा कुल: तेलुगू


करीमनगर दक्खिनी भारतीय राज्य तेलंगाना कय इकट्ठी जिला होय। ई तेलंगाना की राजधानी हैदराबाद से 165 किलोमीटर दूर अहय। करीमनगर कय नांव एक्ठु किलादार सयैद करीमुद्दीन के नांव पय परा। ई शहर वेद कय पढ़ाई के बरे जाना माना अहय जौन पुरानय समय से एह नगर कय पहिचान रही अहय। हियाँ कय खास प्राकृतिक संसाधनन म गोदावरी नदी सबसे जरूरी अहै जौन हियाँ कय जिनगी कय एक जरूरी हीसा अहय। कयिउ पुरान मंदिर एह जिला मा आवत हँय जिनमा मुक्‍तेश्‍वर स्‍वामी का संकलपा मंदिर सबसे बढ़िया अहय। भक्ती अउर पढ़ाई कय ई नगरी कय सैर अपने आप मा एक अलगय अनुभव अहय।[१][२][३]

खास आकर्षन[सम्पादन | स्रोत सम्पादित करैं]

राजाराजेश्‍वर मंदिर[सम्पादन | स्रोत सम्पादित करैं]

करीमनगर से 38 किलोमीटर दूर वमुलावडा म भगवान राजाराजेश्‍वर स्‍वामी कय परसिद्ध मंदिर बाय जहां दूर-दूर से लोगय दरसन करय बरे आवत हँय। एह मंदिर कय निर्माण चालुक्‍य राजा 750 ईसवी से 975 ईसवी के बीच करवाये रहें। मंदिर परिसर म श्री राम, लक्ष्‍मण, देवी लक्ष्‍मी, गणपति अउर भगवान पद्मनाथ स्‍वामी कय मंदिर बना अहँय। एक अउर अजोग मंदिर अहय जौन भगवान भीमेश्‍वर का संकलपा अहय। हियाँ कयिउ खुला बरामदा अहँय। इन मा से अद्दाला मंटप सबसे सुंदर अहय। मंदिर मा स्थित धर्मकुंडम घूमय वालेन का काफी प्यारा अहय। लोगन का विश्‍वास हय कि एह पानी मा बीमारियन का ठीक करय कय शक्ती अहय। सबसे पहिले भक्‍त एह कुड म नहात हँय वहिके बाद दरसन करय के बरे जात हँय । मंदिर कय एक अउर खिंचाव मंदिर परिसर मा एक्ठु दरगाह बाय जहां सब धरम अव जाति कय मनई विनती करय आवत हँय।

मंरहेंनी[सम्पादन | स्रोत सम्पादित करैं]

करीमनगर से 70 किलोमीटर दूर गोदावरी नदी के किनारे मंरहेंनी अहय। ई जगह पुरान समय मा वैदिक पढ़ाई कय केन्द्र रहा। अजुवव हियाँ वेद अउर संस्‍कृत कय पढ़ाई करावय वाले तमाम स्कूल अहँय । हियाँ ढेर मंदिर अहँय जिनमा से खास अहँय प्रमुख हैं भगवान शैलेश्‍वर, लक्ष्‍मीनारायण स्‍वामी, ओंकारेश्‍वर स्‍वामी अउर महालक्ष्‍मी मंदिर। मंरहेंनी जैन अउर बौद्धव धरम कय मुख्‍य केन्द्र अहय।

धुलिकट्टा[सम्पादन | स्रोत सम्पादित करैं]

करीमनगर से 20 किलोमीटर की दूरी पय धुलिकट्टा एक जरूरी स्‍रहेंन बाय। दुनिया भर से तमाम बौद्धभिक्षु हियाँ आवत हँय। सातवाहन काल के कयिउ बौद्ध स्‍तूप हियाँ मिलत हँय। हर साल जनवरी के महीना म हियां सातवाहन उत्‍सव कय आयोजन कीन जात हय।

कोंडागट्टू[सम्पादन | स्रोत सम्पादित करैं]

कोंडागट्टू करीम नगर से करीब 35 किलोमीटर की दूरी पय बाय । हियाँ अंजनेय स्‍वामी का निराला मंदिर अहय। पहाड़ी, घाटी अउर झरना के बीचे कोंडागट्टू कय कुदरती सुंदरता देखतय बनत हय। स्‍रहेंनी मनइन के हिसाब से एह मंदिर कय निर्माण एक चरवाहा करीब 300 साल पहिले केहे रहा। अबहीं कय मंदिर 160 साल पहिले कृष्‍ण राव देशमुख ने बनवाये रहें। माना जात हय कि अगर कउनो महिला एह मंदिर म 40 दिन पूजा करय तौ ऊ लरकोर होइ जात हय । एह मंदिर के अलावा हियाँ कोंडलार्य अउर बाजापोटना कय गुफाएं देखय लायक आहँय।

रैकल[सम्पादन | स्रोत सम्पादित करैं]

करीम नगर से 75 किलोमीटर दूर रैकल म केशवनाथ स्‍वामी कय एक्ठु पुरान मंदिर अहय। 11ईं शताब्‍दीकाकतिय वंश द्वारा बनाये गये एह मंदिर कय मूरती बहुतय सुन्दर अहँय। एहके अलावा हियाँ पंचमुखलिंगेश्‍वर स्‍वामी कय निराला मंदिर भी अहय। मंदिर म भगवान शिव कय पंचानन प्रतिमा देखी जाय सकत हय। माना जात हय कि काशी के बाद हिंययी पय शिवजी कय ई रूप देखा जाय सकत हय। रैकल म भीमन्‍न कय मंदिर बाय जिनके सम्‍मान म हियाँ हर साल जनवरी-फरवरी के महीना म तीन दिनी जात्रा आयोजित कीन जात हय।

मोलंगूर किला[सम्पादन | स्रोत सम्पादित करैं]

करीमनगर से 30 किलोमीटर दूर सुनसान ग्रेनाइट पहाड़ी पय योजना बनइ के एह मंदिर कय निर्माण करावय कय के बरे काकतिय राजाओं नांव लीन जात हय। महलन कय अवशेष आजव किले कय गौरव कय गवाही देत लागत हँय।

कामेश्‍वरम[सम्पादन | स्रोत सम्पादित करैं]

जंगलन से घेरा ई खूबसूरत जगह करीमनगर से 130 किलोमीटर दूर अहय। हियाँ कय मुक्‍तेश्‍वरा स्‍वामी का संकलपा पुरान मंदिर अपने अजोग पना के कारन भक्‍तन का अपनी ओरी खींचत हय। हिंययी अकेल एक मंदिर अहय जहां एक्क्य ठीहा पय द्वि शिवलिंग मिलत हँय। कयिउ मंदिरन म से एक मंदिर ब्रह्मव जी समर्पित बाय जौन एक अद्भुत बाति अहै।

धर्मापुरी[सम्पादन | स्रोत सम्पादित करैं]

करीमनगर से 78 किलोमीटर दूर गोदावरी नदी के किनारे बसा अहय 15वीं शताब्‍दी कय मंदिर नगरी धर्मापुरी। सुनी सुनाई बातन के हिसाब से राजा बाली वर्मा हियाँ धर्म देवता यज्ञ केहे रहें। वै चाहत रहें कि उनकय सगरौ मनई धरम का मा अउर वहि के हिसाब से ब्यउहार करंय। एह कारन एह गांव का धर्मपुरी कहा जाय लाग। भाषा पढ़ाई, साहित्‍य, नृत्‍य अउर संगीत के क्षेत्र म ई गांव खास जगह रक्खत हय। नगर के खास मंदिरन म 13वीं शताब्‍दी मा बना श्री लक्ष्‍मी नरसिम्‍हा स्‍वामी मंदिर, श्री वैंकटेश्‍वर स्‍वामी मंदिर, श्री रामलिंगेश्‍वर स्‍वामी मंदिर (जहां शिव अउर विष्‍णु कय प्रतिमा एक दूसरे के साथ अहँय।) शामिल अहँय। गोदावरी एह जगह कय मोह का अउरव बढ़ाय देत हय।

आवाजाही[सम्पादन | स्रोत सम्पादित करैं]

हवाई रस्ता

हैदराबाद कय बेगमपेट हवाई अड्डा सबसे नगीच हवाई अड्डा अहय।

रेल रस्ता

करीमनगर रेलवे स्‍टेशन आंध्र प्रदेश के सगरौ बड़वार स्‍टेशन से जुड़ा बाय।

सड़क रस्ता

करीमनगर वारंगल से 80 किलोमीटर अउर हैदराबाद से 172 किलोमीटर दूर अहय। हियाँ से करीमनगर के बरे रोज बस चलतहीं।

मुख्यालय - करीमनगर क्षेत्रफल - 11,823 वर्ग कि.मी.

आबादी - 34,914,822 (2001 जनगणना)

सन्दर्भ[सम्पादन | स्रोत सम्पादित करैं]

  1. "Lonely Planet South India & Kerala," Isabella Noble et al, Lonely Planet, 2017, ISBN 9781787012394
  2. "Hand Book of Statistics, Andhra Pradesh," Bureau of Economics and Statistics, Andhra Pradesh, India, 2007
  3. "Contemporary History of Andhra Pradesh and Telangana, AD 1956-1990s," Comprehensive history and culture of Andhra Pradesh Vol. 8, V. Ramakrishna Reddy (editor), Potti Sreeramulu Telugu University, Hyderabad, India, Emesco Books, 2016