अंबेडकर नगर जिला
| अंबेडकर नगर जिला | |
|---|---|
| जिला | |
 हंसवर क किला | |
 }उत्तर प्रदेश मा अंबेडकर नगर जिला क स्थान | |
| देश |  भारत |
| राज्य | उत्तर प्रदेश |
| मंडल | अयोध्या |
| स्थापित | 29 सितंबर 1995 |
| मुख्यालय | अकबरपुर |
| तहसीलैं | अकबरपुर, टांडा, जलालपुर, आलापुर, भीटी |
| शासन | |
| • लोकसभा निर्वाचन क्षेत्र | 1. अंबेडकर नगर लोकसभा निर्वाचन क्षेत्र - अकबरपुर, जलालपुर, कटेहरी, टांडा 2. संत कबीर नगर लोकसभा निर्वाचन क्षेत्र - आलापुर |
| • विधानसभा निर्वाचन क्षेत्र | 1. कटेहरी 2. अकबरपुर 3. टांडा 4. जलालपुर 5. आलापुर |
| • जिलाधिकारी | अनुपम शुक्ला, IAS |
| • पुलिस अधीक्षक | अभिजीत आर. शंकर, IPS |
| क्षेत्रफल | |
| • कुल | 2350 किमी2 (९१० वर्गमील) |
| जनसंख्या (2011) | |
| • कुल | २,३९७,८८८ |
| • घनत्व | १,००० किमी2 (२,६०० वर्गमील) |
| जनसांख्यिकी | |
| • साक्षरता | 74.37% |
| • लिंगानुपात | 976 |
| समय मण्डल | IST (यूटीसी+05:30) |
| वाहन पंजीकरण | UP-45 |
| प्रमुख राजमार्ग | NH 28, NH 128, NH 233A, NH 233B NH 135A, पूर्वांचल एक्सप्रेसवे, गोरखपुर लिंक एक्सप्रेसवे |
| वेबसाइट | आधिकारिक वेबसाइट |
अंबेडकर नगर जिला भारतीय राज्य उत्तर प्रदेश के 75 जिलन मा ते एक है। यो जिला राज्य के अवध क्षेत्र के अयोध्या मंडल क हिस्सा है। ई जिला कै स्थापना 29 सितंबर 1995 का तत्कालीन फैजाबाद जिला (अब अयोध्या जिला) के कुछ हिस्सन का अलग कइके कीन गै रहै ।[१] यहिका तत्कालीन मुख्यमंत्री मायावती द्वारा बनावा गा रहै अउर यहिका नाँव दबे-कुचले वर्गन के उत्थान खातिन काम करै वाले भीमराव अंबेडकर की स्मृति मा धरा गा रहै। जिला मा हिन्दी अउर अवधी सबते जादा बोली जाए वाली भाषन मा सुमार हैं। अंबेडकर नगर जिला क कुल क्षेत्रफल 2350 वर्ग किमी है।[२]
भूगोल
[सम्पादन | स्रोत सम्पादित करैं]स्थलाकृति
[सम्पादन | स्रोत सम्पादित करैं]अंबेडकर नगर उत्तर प्रदेश के उत्तर-पूर्वी भाग मा, अवध क्षेत्र मा स्थित है। यो 26° 09' उ. ते 26° 40' उ. अक्षांश अउर 82° 12' पू. ते 83° 05' पू. देशांतर के बीच स्थित है। यहिके उत्तर मा बस्ती अउर संत कबीर नगर जिला, उत्तर-पूरब मा गोरखपुर जिला, दक्खिन मा सुल्तानपुर जिला, पच्छिम मा अयोध्या जिला, पूरब मा आजमगढ़ जिला अउर दक्खिन-पूरब मा जौनपुर जिला के शाहगंज तहसील है। जिला क कुल क्षेत्रफल 2,520 km2 (970 sq mi) है। जिला की पूरब ते पच्छिम तक कुल लंबाई लगभग 75 km (47 mi) अउर उत्तर ते दक्खिन तक चौड़ाई लगभग 42 km (26 mi) है।
अंबेडकर नगर जिला केंद्रीय गंगा बेसिन क हिस्सा है। अंबेडकर नगर जिला के माटी जलोढ़ किसिम के है।
सरजू नदी जिला के मुख्य नदी है अउर या जिला के उत्तरी सीमा पर स्थित है। टांडा, राजेसुल्तानपुर, रामनगर अउर बसखारी ब्लॉक ई नदी के किनारे स्थित हैं अउर सिंचाई के बरे यहिके जल का उपयोग करति हैं। बसखारी ब्लॉक मा सिंचाई देवहट झील, राजेसुल्तानपुर झील अउर हंसवर झीलौ ते होति है। दरवन झील कटेहरी ब्लॉक मा जल के आपूर्ति करति है। अकबरपुर, भीटी, भियांव अउर जलालपुर ब्लॉक छोटी नदिन अउर मौसमी धारन पर निर्भर हैं। अकबरपुर शहर टोंस (तमसा) नदी के किनारे स्थित है, जउन शहर का अकबरपुर अउर शहजादपुर नामक दुइ भागन मा विभाजित करति है; इनमा शहजादपुर शहर का मुख्य व्यापारिक केंद्र है।
जलवायु
[सम्पादन | स्रोत सम्पादित करैं]जिला के जलवायु पूर्वी उत्तर प्रदेश के समान है। यहिके खासियत मौसमन का अइस क्रम है, जउन दक्खिन-पच्छिम अउर उत्तर-पूरब के मानसून ते उत्पन्न होत है। हवा के दिशा मा साल मा दुइ बार बदलाव होत है। जिला के जलवायु का साफ तौर पर तीन ऋतुन मा वर्गीकृत कीन जा सकत है।
- ठंढी क मौसम (नवंबर ते फरवरी)
- गर्मी क मौसम (मार्च ते मध्य जून)
- बरखा ऋतु (मध्य जून ते अक्टूबर)
ठंढी क मौसम नवंबर ते लइके फरवरी तक रहत है। नवंबर मा उच्च दबाव क क्षेत्र उत्तर-पच्छिम भारत ते फइलि के पूरे उत्तर प्रदेश का ढांपि लेत है। तापमान मा गिरावट शुरू होइ जाति है अउर ई महिन मा अधिकतम अउर न्यूनतम तापमान क्रमशः 32.15 and 8.95 °C (89.87 and 48.11 °F) रहत है। हवा पच्छिम ते पूरब कइती चलती हैं अउर हिमालय के दबाव-वितरण अउ संरचना ते प्रभावित होती हैं।
जनसांख्यिकी
[सम्पादन | स्रोत सम्पादित करैं]| Year | Pop. | ±% p.a. |
|---|---|---|
| 1901 | ६,४१,७८३ | — |
| 1911 | ६,०४,६७९ | −0.59% |
| 1921 | ६,१४,१०७ | +0.15% |
| 1931 | ६,३१,३५६ | +0.28% |
| 1941 | ६,९१,९७१ | +0.92% |
| 1951 | ७,७७,४१६ | +1.17% |
| 1961 | ८,६६,३२१ | +1.09% |
| 1971 | १०,४६,१२२ | +1.90% |
| 1981 | १२,९१,१२५ | +2.13% |
| 1991 | १६,२९,३५३ | +2.35% |
| 2001 | २०,२६,८७६ | +2.21% |
| 2011 | २३,९७,८८८ | +1.70% |
| स्रोत:[३] | ||
2011 की जनगणना के अनुसार अंबेडकर नगर जिला के जनसंख्या 2,397,888 है।[४] यहिते भारत के कुल 640 जिलन मा यहिका स्थान 186वाँ ठहरत है।[४] जिला क्यार जनसंख्या घनत्व 1,021 inhabitants per square kilometre (2,640/sq mi) है।[४] 2001-2011 के दशक मा यहिके जनसंख्या वृद्धि दर 18.35% रहै।[४] अंबेडकर नगर का लिंगानुपात प्रति 1000 मनइन पर 976 मेहेरिया है[४] अउर साक्षरता दर 74.37% है। 11.71% आबादी शहरी इलाकन मा रहति है। अनुसूचित जातिन के आबादी 24.65% है।[४]
हर एक ब्लॉक मा जनसंख्या क वितरण भौतिक परिस्थिति अउर सामाजिक-आर्थिक कारणन ते नियंत्रित होत है। अकबरपुर ब्लॉक मा जनसंख्या का सबते अधिक हिस्सा (16.56%) रहत है, यहिके बाद जलालपुर (13.80%), टांडा (12.32%), रामनगर (10.26%), कटेहरी (10.03%), भियांव (9.78%), बसखारी (9.53%), जहांगीरगंज (9.17%) अउर भीटी (8.55%) आवति हैं।
धरम
[सम्पादन | स्रोत सम्पादित करैं]| अंबेडकर नगर जिला मा धरम (2011)[५] | ||||
|---|---|---|---|---|
| धरम् | प्रतिशत | |||
| हिन्दू धर्म | 82.81% | |||
| इस्लाम | 16.75% | |||
| अन्य या उल्लेख नहीं कीन गा | 0.44% | |||
अंबेडकर नगर जिला मा हिन्दू धर्म प्रमुख धर्म है, जिसमा 1,985,654 हिंदू (82.81%) हैं। इस्लाम दूसरा सबते बड़ा धर्म है, जिसमा 401,678 मुस्लिम (16.75%) हैं। अन्य धर्मों मा 2,536 ईसाई (0.11%), 1,817 बौद्ध (0.08%), 869 सिख (0.04%), 235 जैन (0.01%), 5,066 ऐते लोग जिन्होंने अपना धर्म नहीं बताया (0.21%) अउर 33 अन्य (0.01% ते कम) शामिल हैं।[५]
भाषा
[सम्पादन | स्रोत सम्पादित करैं]जिला केरी आधिकारिक भाषा हिन्दी अउर उर्दू हैं। अंबेडकर नगर जिला मा सबते ज्यादा बोली जाए वाली भाषा हिन्दी अउर अवधी हैं।[७]
2011 की भारत के जनगणना के समय जिला के 79.45% आबादी हिन्दी, 10.71% अवधी, 8.09% उर्दू अउर 1.63% भोजपुरी का अपनि पहिलि भाषा बताएसि।[६]
शहर अउर कस्बा
[सम्पादन | स्रोत सम्पादित करैं]अंबेडकर नगर की नगर पंचायतैं अउर नगर पालिका
[सम्पादन | स्रोत सम्पादित करैं]ब्लॉक
[सम्पादन | स्रोत सम्पादित करैं]प्रमुख गाँव
[सम्पादन | स्रोत सम्पादित करैं]अर्थव्यवस्था
[सम्पादन | स्रोत सम्पादित करैं]अंबेडकर नगर अपएँ वस्त्र उद्योग, बिजली संयंत्र, चीनी संयंत्र अउर सीमेंट निर्माण संयंत्र खातिन जाना जाता है। टांडा नगर अपएँ "टांडा टेरीकॉट" के बरे मसहूर है।[८] जिले की प्रमुख आर्थिक गतिविधिन मा कृषि-आधारित उद्योग, छोटी फर्मैं, पावरलूम अउर कृषि सामिल हैं। टांडा के लगे मखदूम नगर क्षेत्र मा NTPC क टांडा ताप विद्युत संयंत्र स्थित है। जयप्रकाश समूह (जयपी अयोध्या ग्रीडिंग) टांडा के लगे नसीबजोत गाँव मा सीमेंट निर्माण संयंत्र स्थापित कीन्हेसि है। जिला मा अकबरपुर चीनी मिल नाम क्यार एकु चीनी कारखाना है, जउन जिला मुख्यालय ते लगभग दस किलोमीटर दूर मिजौरा के लगे स्थित है। अकबरपुर एक महत्वपूर्ण सहर अउर अंबेडकर नगर जिला क्यार जिला मुख्यालय आय, जेहिके कृषि-आधारित उत्पादन के साथै प्लास्टिक उत्पादनौ मा सक्रिय भागीदारी है।
2006 मा पंचायती राज मंत्रालय अंबेडकर नगर का देश के 250 सबते पिछड़े जिलन (कुल 640) मा शामिल कीन्हेसि रहै।[९] यो उत्तर प्रदेश के उन 34 जिलन मा ते एक है, जिनका वर्तमान मा पिछड़ा क्षेत्र अनुदान निधि कार्यक्रम (BRGF) ते धन प्राप्त होइ रहा है।[९]
पर्यटन
[सम्पादन | स्रोत सम्पादित करैं]- पवित्र नदी टोंस अउर बिस्वी के संगम पर श्रवण क्षेत्र धाम।
- अशरफ जहांगीर सेमनानी के दरगाह[१०] किछौछा शरीफ मा स्थित है।
परिवहन
[सम्पादन | स्रोत सम्पादित करैं]बस स्टेशन
[सम्पादन | स्रोत सम्पादित करैं]- अकबरपुर (अकबरपुर, अयोध्या, सुल्तानपुर डिपो, डॉ. अंबेडकर डिपो, बस्ती डिपो, मऊ डिपो)
- टांडा (अयोध्या डिपो)
- राजेसुल्तानपुर (आजमगढ़ डिपो, अयोध्या डिपो, सिविल लाइन डिपो, जीरो रोड डिपो, डॉ. अंबेडकर डिपो)
- बसखारी (अकबरपुर डिपो, दोहरीघाट डिपो)
रेलवे स्टेशन
[सम्पादन | स्रोत सम्पादित करैं]- निकटवर्ती स्टेशन
शिक्षा
[सम्पादन | स्रोत सम्पादित करैं]चिकित्सा अउर इंजीनियरिंग कॉलेज
[सम्पादन | स्रोत सम्पादित करैं]- महामाया कृषि अभियांत्रिकी अउर प्रौद्योगिकी महाविद्यालय, अकबरपुर मा स्थित एक सरकारी कृषि इंजीनियरिंग कॉलेज
अउरि कॉलेज
[सम्पादन | स्रोत सम्पादित करैं]- रमाबाई राजकीय महिला स्नातकोत्तर महाविद्यालय
- BBS पीजी कालेज राजेसुल्तानपुर
- पं. राम लखन शुक्ला राजकीय पीजी कालेज अलापुर
- एस एल जे बी पीजी कालेज
- गांधी स्मारक इंटर कालेज, राजेसुल्तानपुर
- RMRS पीजी कालेज
- गांधी स्मारक इंटर कॉलेज, नत्थूपुर लौधना
मीडिया
[सम्पादन | स्रोत सम्पादित करैं]अंबेडकर नगर मा कुछ सक्रिय मीडिया समूह हैं, जउन हिंदी मा अंबेडकर नगर की खबरन पर लगातार समाचार अपडेट देति हैं, जिनमा ताज़ा अउर वर्तमान समाचार शामिल हैं। इन मीडिया समूहन मा अमर उजाला,[११] दैनिक जागरण, अवधनामा उर्दू, दैनिक भास्कर, हिन्दुस्तान अउर सूचना न्यूज़ शामिल हैं। [citation needed]
प्रसिद्ध लोग
[सम्पादन | स्रोत सम्पादित करैं]
- मसूद अहमद, टांडा के पूर्व विधायक अउर भारत की उत्तर प्रदेश की 1993 की विधान सभा के सदस्य।
- मुहम्मद मदनी अशरफ अशरफी अल-जिलानी, भारत के ग्रैंड मुफ्ती अउर इस्लामी विद्वान, सूफी तथा लेखक।
- सैयद अमीन अशरफ (1931-2013), किछौछा शरीफ के उर्दू कवि अउर अलीगढ़ मुस्लिम विश्वविद्यालय के अंग्रेजी विभाग मा अकादमिक।
- सैयद वहीद अशरफ, अंबेडकर नगर जिला के किछौछा शरीफ ते संबंधित सूफी कवि तथा फारसी अउर उर्दू भाषन के विद्वान।
- बशीर बद्र, उर्दू भाषा मा, विशेष रूप ते ग़ज़लैं लिखै वाले कवि।
- महदी हसन, शरीर रचना विज्ञानी अउर पद्म श्री पुरस्कार प्राप्तकर्ता।
- अनवर जलालपुरी (1947 - 2 जनवरी 2018), अंबेडकर नगर के जलालपुर के उर्दू कवि, जी संस्कृत ते उर्दू मा भगवद्गीता का अनुवाद कीन्हेनि।
- राम मनोहर लोहिया, अकबरपुर के राजनीतिज्ञ।
- हाशमी मियाँ, मुस्लिम विद्वान, सूफी अउर लेखक, जिन्हें सैयद मोहम्मद हाशमी अशरफी अल जिलानी के नाम ते भी जाना जाता है।
- अजीमुलहक पहलवान, टांडा के पूर्व विधायक अउर भारत की उत्तर प्रदेश की सोलहवीं विधान सभा के सदस्य।
- हरि ओम पांडे, भाजपा ते सांसद।
- राकेश पांडे, समाजवादी पार्टी ते जलालपुर के विधायक अउर बहुजन समाजवादी पार्टी ते अंबेडकर नगर के पूर्व सांसद।
- रितेश पांडे, अंबेडकर नगर के सांसद अउर बहुजन समाजवादी पार्टी ते जलालपुर के पूर्व विधायक।
- अरुणिमा सिन्हा, माउंट एवरेस्ट पर चढ़ै वाली पहिली भारतीय दिव्यांग महिला।
- नसीम खान (राजनेता) भारतीय राष्ट्रीय कांग्रेस
- जय राम वर्मा (4 फरवरी 1904 – 14 जनवरी 1987), भारतीय स्वतंत्रता सेनानी, राजनीतिज्ञ अउर भारत की लोकसभा के सांसद।
- लालजी वर्मा, उत्तर प्रदेश सरकार के पूर्व मंत्री अउर बसपा विधान सभा के नेता।
- राम मूर्ति वर्मा, टांडा ते विधायक, समाजवादी पार्टी के सदस्य, अखिलेश यादव सरकार मा पूर्व मंत्री तथा अकबरपुर ते पूर्व विधायक।
संदर्भ
[सम्पादन | स्रोत सम्पादित करैं]- ↑ "इतिहास | अंबेडकरनगर | भारत" (हिन्दी भाषा में). ई ३ अक्टूबर २०२२ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "अंबेडकरनगर". ambedkarnagar.nic.in. ई ८ मार्च २०२१ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "1901 ते जनसंख्या मा दशकीय परिवर्तन". भारत के रजिस्ट्रार जनरल अउर जनगणना आयुक्त का कार्यालय. ई ३० जनवरी २०२१ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 3 4 5 6 "जिला जनगणना पुस्तिका: अंबेडकर नगर" (PDF). censusindia.gov.in. भारत के रजिस्ट्रार जनरल अउर जनगणना आयुक्त. २०११.
{{cite web}}: CS1 maint: date auto-translated (कड़ी) - 1 2 "धर्म के अनुसार जनसंख्या की तालिका: उत्तर प्रदेश". censusindia.gov.in. भारत के रजिस्ट्रार जनरल अउर जनगणना आयुक्त. २०११.
{{cite web}}: CS1 maint: date auto-translated (कड़ी) - 1 2 "मातृभाषा के अनुसार जनसंख्या के तालिका: उत्तर प्रदेश". www.censusindia.gov.in. भारत के रजिस्ट्रार जनरल अउर जनगणना आयुक्त.
- ↑ "अंबेडकर नगर जिला - परिचय". ई २३ मई २०१९ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ वर्मा, सुबोध (२५ फरवरी २०१७). "वह क्षेत्र जहाँ लगभग सभी बच्चे एनीमिया ते पीड़ित हैं | उत्तर प्रदेश चुनाव समाचार - टाइम्स ऑफ इंडिया". The Times of India (हिन्दी भाषा में). ई ५ जनवरी २०२१ को पुनः प्राप्त कीन गा .
{{cite news}}: CS1 maint: date auto-translated (कड़ी) - 1 2 पंचायती राज मंत्रालय (8 सितंबर 2009). "पिछड़ा क्षेत्र अनुदान निधि कार्यक्रम पर एक टिप्पणी" (PDF). राष्ट्रीय ग्रामीण विकास संस्थान. मूल से (PDF) से 5 अप्रैल 2012 के पुरालेखित. ई 27 सितंबर 2014 को पुनः प्राप्त कीन गा .
{{cite web}}: Check date values in:|access-date=and|date=(मदद) - ↑ 'हयाते मखदूम सैयद अशरफ जहांगीर सेमनानी(1975), द्वितीय संस्करण(2017) ISBN 978-93-85295-54-6, मकतबा जामिया लिमिटेड, शमशाद मार्केट, अलीगढ़ 202002, भारत।
- ↑ "हिंदी समाचार पत्र". अमर उजाला. ई १३ जुलाई २०१६ को पुनः प्राप्त कीन गा .
{{cite news}}: CS1 maint: date auto-translated (कड़ी)