कपिल देव राम लाल निखञ कय जनम ६ जनवरी १९५९ कय चंडीगढ़ मा भा रहा। वन कय बियाह रोमी भाटिया से सन १९८० मे भै।यन भारतिय क्रिकेट कय कप्तान कय पद पे रहि चुका हैं। यन १९८३ क्रिकेट् बिस्व कप मा भारतिय क्रिकेट टीम कय कप्तानी करिन औ भारत कय विश्वकप जिताईन।
यन आपन क्रिकेट करीयर कय सुरुआत १९७५ मा हरयाना कय ओर से पञाब कय बिरुध घरेलू क्रिकेट से करिन। यन यक आल राउन्डर रहें जे दाँया हाथ से बल्लेबाज़ी औ तेज़ गेन्दबाज़ी करत रहें। यनकय अन्तर-राष्ट्रीय करियर पाकिस्तान के बिरुद्ध फैसलाबाद मा १६ अक्टूबर १९७८ कय भवा। इ दौरा वन्कय खर्तिन कवनौ नीक नाइ रहा, लेकिन आवै वाले समय मा यन आपन नीक खेल से भारतिय क्रिकेट टीम में आपन जगह बना लिहिन। श्रीलंका कय बिरुद्ध १९८२-८३ मा यन आपन कप्तानी कय करियर कय सुरुवात किहिन। जब यन्है बिश्व कप कय कप्तानी कय मौक्का मिला तब यन औसत खेलाडी रहें, लेकिन आपन नीक परदर्सन से औ अपने टीम कय सहयोग से भारत कय पहिला बिश्व कप जिताइन औ रातो-रात भारतिय इतिहास मे आपन नाँव लिखाइन। मोहम्मद अज़हरुद्दीन कय कप्तानी मा यन १९९२ कय बिश्व कप मा आपन अंतिम अन्तर-राष्ट्रिय खेल खेलिन। यन आपन क्रिकेट करियर मा एक दिवसीय क्रिकेट मा २२५ औ टेस्ट क्रिकेट मा १३१ मैच खेलिन। एक दिवसीय क्रिकेट मा यन 23.79 कय औसत से ३७८३ रन बनाइन औ टेस्ट क्रिकेट मा यन 31.05 कय औसत से ५२४८ रन बनाइन। गेंदबाजी कइकै यन एक दिवसीय औ टेस्ट क्रिकेट मा २५३ औ ४३४ विकेट लिहिन। १९८३ कय विश्व कप मा ज़िमबाब्वे कय बिरुध यनकय १७५ रन कय पारी यादगार अहै जवने कय बदौलत भारत उ मैच जीता। यन एक दिवसीय क्रिकेट मा १ औ टेस्ट क्रिकेत मा ८ सतक लगाय हैं।
वेस्ट इन्डिज
इंगलैंड
अस्ट्रेलिया
श्रीलंका
दक्खिन अफ्रिका
जिम्बाब्वे