काइरो

काइरो मिश्र कय राजधानी होय । अरब देश कय इ सब से बडा देश होय ।इ मेट्रोपोलिटन शहर होय । यकर जनसंख्या लगभग २ करोड है जवन कि अफ्रिका कै,अरब देशन कै कवनो भि शहर कै औ दुनिया कै कवनो भि शहर कै छ्ठंवा सबसे बडा देश होय । काइरो प्राचिन इजिप्ट या मिश्र सभ्यता से जुड़ा़ है । इ सहर नाइल नदि कै किनारे बसा है । इ सहर ९६९ ईस्वी संवत मा फातिमिद राजवंस बसाये रहा । काइरो मे ढेर इस्लामिक इमारत है इहिकै नाते काइरो कै 'हजार मिनार कै सहर' भि कहि जाला । काइरो मा दुनिया कै सबसे बड़ा औ सबसे पुरान फिलिम औ संगीत कम्पनी हैं । काइरो मा दुनिया कै दुसरा सबसे पुरान विश्व विद्यालय अल-अज़हर विश्व विद्यालय है । ढ़ेर कुल अन्तराष्ट्रिय मिड़िया,व्यापार औ संघ संस्था कै क्षेत्रिय मुख्यालय काइरो मा है। काइरो दुनिया कै १५वां सबसे व्यस्त शहर होय । यँह कै अर्थव्यवस्था मध्य पुरुब मा पहिला जगह पै है औ दुनिया मा ४३वां जगह पै है।

शब्द व्युत्पत्ति

काइरो कै सरकारी नाँव अल-क़ाहिरा होय जवने कै मतलब होत है 'परास्त करै वाला' । इ मानि जात है कि जब इ सहर कै बसाइ जात रहा तब पृथ्वी से मंगल ग्रह उगत देखात रहा । मंगल ग्रह कय अरब देशमा विजेता ग्रह मानि जात है।इजिप्ट कै लोग इ शहर कै मस्र भि कहत हैं ।

इतिहास

इ शहर कै आसपास कै जगह प्राचीन इजिप्ट कै केंन्द्रिय जगह रहा । ९६८ ईस मा फातिमिद लोग इजिप्ट आयें औ काइरो कै राजधानी बनाईन । अल-अज़हर महज़िद औ विश्वविद्यालय ९७२ ईस मा बना रहा । इ दुनिया कै एक्ठु मशहुर मदरस़ा भी होय । १९९२ मा आवा ५.8 रेक्टर भुकम्प से काइरो मा ५४५ मनइन कै मउत भवा औ ६५१२ मनइन घायल भँए । १८४७ से बाद कै सबसे भंजक भुकम्प इ रहा ।

मौसम

काइरो कै मौसम गरम मरुस्थल ।मार्च से मई तक गरम आन्हि आवा कराला जवने से सहरा मरुभुमि कै धूर शहर मा चलि आवाला । जाड़ा मा अधिकत़म तापक्रम १४ से २२°C रहाला । गर्मी मा तापक्रम ४०°C तक चला जाला । बरख़ा बहुतै कम होला उहो खाली जाड़ा कै मौसम मा लेकिन कब्बो कब्बो मुसलाधार बरख़ा से बढ़ियो आ जाला। )

पर्यटन जगह

• पिरामिड ऑफ चिओप्स
• काहिरा टावर
• सुल्तान हसन मस्जिद औ मदरसा
• सक्कारा कै सीढ़ीनुमा पिरामिड
• गायर-एंडरसन संग्रहालय
• सिटाडेल
• सैंट बारबरा चर्च