क्रोएशिया

विकिपीडिया से
Jump to navigation Jump to search

क्रोएशिया दक्खिन पूरुब यूरोप यानि बाल्कन मा पानोनियन प्लेन, औ भूमध्य सागर कै बीच बसा एक्ठु देश होय। देश कय दक्खिन औ पच्छु किनारा एड्रियाटिक सागर से मिलत हय। देश कै राजधानी औ सबसे बड़ा सहर जगरेब होय, जवन तट से भीत्तर है। एड्रियाटिक सागर कै किनारे लगभग हज़ार द्वीप हैं, इ समुन्दर कै किनारे पर्यटन खर्तिन बढिया परिस्थिति है।

पूरुब यूगोस्लाविविया कै देश एकर पड़ोसी होयं जइसय - उत्तर मा स्लोवेनिया औ हंगरी, उत्तर पूरुब मा सर्बिया, पूरुब मा बॉस्निया औ हर्ज़ेगोविना औ दक्खिन पूरुब मा मोंटेंग्रो से एकर सीमाना मिलत है। एड्रियाटिक समुन्दर कै पार इटली है (350 km) जवनेकै दुसरा विश्वयुद्ध कै समय हिँया मौजुदगी रहा। हिँया कै प्रधान निवासी क्रोएट होँय जवन अपने आप कै ह्राओत कहत हैं। हिँया कय भाषा पूर्वी स्लाविक वर्ग मा आवत है।

आज जवने कै क्रोएशिया कै नाँव से जानि जात है, हुँवा सतवाँ शताब्दी मा क्रोट्स आपन कदम धरे रहें। ओन राज्य कय संगठित किहिन। तामिस्लाव पहिला कय 925 ई. मा राज्याभिषेक कइ गय औ क्रोएशिया राज्य बना। राज्य कै रूप मा क्रोएशिया आपन स्वायत्तता लगभग दुई शताब्दिन् तक बरकरार रक्खीस औ राजा पीटर क्रेशमिर चउथा औ जोनीमिर कै शासन कै दाँई आपन ऊंचाई पय पहुंचा। बरस 1102 मा पेक्टा समझौता से क्रोएशिया कय राजा हंगरी कय राजा कय साथे विवादास्पद समझौता किहिन। बरस 1526 मा क्रोएशियन संसद फ्रेडिनेंड कय हाउस ऑफ हाब्सबर्ग से सिहांसन पय बइठाइस। 1918 मा क्रोएशिया आस्ट्रिया-हंगरी से अलग होवैक घोषणा करीस यूगोस्लाविया राज्य मा सहस्थापक कै रूप मा जुडि गव। दुसरा विश्व युद्ध कय समय नाजि क्रोएशिया कय जगह पय कब्जा जमा लिहिन औ स्वतंत्र राज्य क्रोएशिया कय स्थापना कीहिन। लड़ाई खत्म होवैक बाद मा क्रोएशिया दूसरा यूगोस्लाविया कय संस्थापक सदस्य कय रूप मा शामिल होइ गवा। 25 जून 1991 मा क्रोएशिया स्वतंत्रता कय घोषणा कइकै संप्रभु राज्य बनि गवा। [१]

सन्दर्भ[सम्पादन | स्रोत सम्पादित करैं]

  1. "क्रोएशिया कै बारे मा केतना जानत हौ आप", BBC Hindi