जोन गुटेन्बर्ग
योहानेस गुटेनबर्ग (जर्मन: Johannes Gutenberg, 1398–1468) टाइप कय माध्यम से मुद्रण विद्या कय आविष्कारक होयँ। वे जर्मनी कय मेंज कय रहे।वन सन १४३९ मा प्रिंटिंग प्रेस कय रचना कीहिन जवने कय एक बडहन् आविष्कार मान जाता है।[१]
गुटनबर्ग कै टाइप-छपाई कै आविष्कार करै से पहिले छापय कै सारा काम ब्लाक मा अक्षर खोदिकै कइ जात रहा। गूटेनबर्ग कै जनम जर्मनी कै मेंज नाँव कै जगह मा भवा रहा। 1420 ई. म वन्कै परिवार कै राजनीतिक अशांति कै नाते आपन सहर छोड़ेक परा।वन 1439 ई. कै आसपास स्ट्रासबोर्ग मा आपन छपाई मसीन कै परीक्षण किहिन। काठ कै टुकड़न् पै ओन उल्टा अक्षर खोदिन। फिर ओन शब्द औ वाक्य कै रूप देवै खर्तिन छेद कै माध्यम से एक्कैम जोड़िन औ अइसय तैयार भवा बडा ब्लाक कै करिया मसी मा बोरिकय पार्चमेंट पै दाब दिहिन। अइसय छपाई मा सफलता पाइन। बाद मा ओन्हय इ तरिका मा कुछ सुधार किहिन। इ तरिका से पहिला छापल किताब ‘कांस्टेंन मिसल’ होय जवन 1450 कै आस पास छापि गवा रहा। ओकर खाली तीन प्रति उपलब्ध है। एक्ठु म्युनिख (जर्मनी) मा, दूसरा ज्यूरिख (स्विटज़रलैंड) मा औ तीसरा न्यूयार्क मा। एकरे अलावा एक्ठु बाइबिल गुटेनबर्ग छापे रहें।[२]
सन्दर्भ
[सम्पादन | स्रोत सम्पादित करैं]- ↑ "Gutenberg's Invention - Fonts.com". Fonts.com. मूल से 28 September 2020 को पुरालेखित. अभिगमन तिथि 23 October 2020.
- ↑ Whipps, Heather (26 May 2008). "How Gutenberg Changed the World". Live Science. मूल से 23 October 2020 को पुरालेखित. अभिगमन तिथि 23 October 2020.