टेबल टेनिस
टेबल टेनिस(table tennis) कय पिंग पोंग ओ(ping pong) कहि जात है। टेबल टेनिस कय कोठरी कय भीत्तर खेलय खर्तिन बनाइ गा रहा।सबसे पहिले टेबल टेनिस कय सुरुआत इंग्लैंड मा भवा। सन् 1922 मा इंग्लैंड मा टेबल टेनिस ऐसोसिएशन बना औ पहिला विश्वप्रतियोगिता लंदन मा भवा।[१] अब इ खेल बहुतै मसहुर होइ चुका है औ दुनिया भर कय 71 देसन मा खेलि जात है।टेबल टेनिस आज बहुतय मसहुर है। टेबल टेनिस लाखौं मनइ खेलत हैं औ टेनिस 2.5 इंच कय होत हय।
खेल कय नियम
[सम्पादन | स्रोत सम्पादित करैं]टेबल टेनिस एक दांइ में दुई जने (एकल) या चार जने (युगल) खेलाड़िन कय बीचे खेलि जात है। हरेक खेलाड़ी एक्ठु बल्ला (बैट) लेत हैं औ एक्ठु गेंना होब जरुरी हय। खेल कय जगह एक्ठु लकड़ी कय पटरा कय टेबल होत है। गोडे मा रबर कय जूता औ रंगीन कपड़ा (कवनौ गाढा रंङ कय) पहिरब जरूरी रहत हय। टेबल कय लम्माई 9 फुट, चौड़ाई 5 फुट, पटरा कय मोटाई 1 इंच (या 3/4 इंच ) औ जमिन से ऊँचाई 2.5 फुट होत है। लकड़ी कय बादे स्लेट, सीसा या प्लास्टिक कय सतह कय टेबल भी बनाय जात है। [२] टेबल कय सतह पय 12 फुट ऊप्पर से सीधा गिरावल गेना टिप्पा लइकय 8 से 9 फुट कय बीचे तक उछलैक चाहिं। टेबल कय ऊप्पर बिजुली कय रोसनी कय बढिया बेवस्था रहत है जवने से रतिवोकै खेल होइ सकै। टेबल कय चारों ओर 3/4 इंच मोट उज्जर लाइन (रेखा) औ लम्माई में बीच से 1/8 इंच चौड़ा रेखा (खाली ४ जने कय जुगल खेला खर्तिन ) बना रहत है। टेबल कय बीच चौड़ाई मा आर पार, 6 इंच ऊँच जाल तना रहत है, जवन टेबल कय चौड़ाई कय बहरे दुनों ओर छह इंच तक बहरे निकरा रहत है।
सैल्यूलाइड कय गोल उज्जर गेंना , जवने कय गोलाइ या परिधि 41/2 से 4 3/4 इंच कय बीचे औ जवने कय वजन 2.40 से 2.53 ग्राम कय बीचे रहत हय उहै खेला मा इस्तेमाल होत हय।[३]
मेज
[सम्पादन | स्रोत सम्पादित करैं]कुछ याद रक्खै वाले जानकारी :
मेज़ कय आकार : चौखनहा
लम्माई :274 सैंटीमीटर
चौड़ाई :152.5 सैंटीमीटर
जमिन से ऊँचाई :76 [४]
जाल कय लम्माई :1835688 M
खेलय वाले सतह से जाल कय ऊँचाई :15.25
गेंना कय परिधि: 37.2 मिलीमीटर से 38.2 मिलीमीटर
गेंना कय वज़न :2.40 ग्राम से 2.53 ग्राम तक
गेंना जवने चीज़ से बना रहै: सैल्यूलाइड या उज्जर प्लास्टिक कय
जाल
[सम्पादन | स्रोत सम्पादित करैं]जाल कय लम्माई 183 सैंटीमीटर होत है। यकर ऊपरी हिस्सा खेलय वाले सतहसे 15.25 सैंटीमीटर ऊँच होत है। इ रसरी से 15.25 सैंटीमीटर से बहरे कय ओर होत है।
गेंना
[सम्पादन | स्रोत सम्पादित करैं]गेना गोला होत है। इ सैल्यूलाइड औ प्लास्टिक कय उज्जर या पियर रङ कय होत हय। यकर व्यास 37.2 मिलीमिटर से कम औ 38.2 मिलीमीटर से ढेर नाइ होत हय। यकर वजन 2.40 ग्राम से कम औ 2.53 ग्राम से ढेर नाइ होत हय।
रैकेट
[सम्पादन | स्रोत सम्पादित करैं]गेना कय मारय वाला काठे कय बल्ला कय रैकेट कहत हँय लेकिन ब्रिटेन मा यका बैट औ यू.एस औ कनाडा मा यका पैडल कहत हँय। लेकिन आधिकारिक नाँव यकर रैकेट होय। [५] रैकेट कवनो भी आकार या वजन कय होइ सकत है। यकर निचला भाग गाढा रंङ कय होएक चाहि।
दुइ जने कय खेल मा सर्विस करय वाला (सर्वर) लगातार पाँच दाँइ सर्विसें करत है। [६] चाहे ओकर अंक बनै या ना बनै। ओकरे बाद सर्विस दूसरे खेलाड़ी कय मिलत है। अइसय ओहुकै पाँच सर्विस करय कय बाद सर्विस मा बदलाव होत है। चार जने कय खेल मा सर्वर सर्विस करत है औ रिसीवरी बढिया वापसी करि। सर्वर कय सङरिहा फिर बढ़िया वापसी करि औ फिर कुल खेलाड़ी ओइसय बढ़िया वापिसी करिंहै।
सन्दर्भ
[सम्पादन | स्रोत सम्पादित करैं]- ↑ M. Itoh. The Origin of Ping-Pong Diplomacy: The Forgotten Architect of Sino-U.S. Rapprochement. पृ. 1. ISBN 9780230339354.
- ↑ Kaminer, Ariel (२७ मार्च २०११). "The Joys of Ping-Pong in the Open". The New York Times. मूल से से १ जुलाई २०१७ के पुरालेखित. ई २३ फरवरी २०१७ को पुनः प्राप्त कीन गा .
{{cite news}}: Cite has empty unknown parameter:|1=(मदद)CS1 maint: date auto-translated (कड़ी) - ↑ "ITTF Technical Leaflet T3: The Ball" (PDF). ITTF. दिसम्बर २००९. पृ. 4. मूल से (PDF) से ४ मार्च २०११ के पुरालेखित. ई २८ जुलाई २०१० को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "ITTF Technical Leaflet T1: The Table" (PDF). ITTF. मई २०१३. मूल से (PDF) से २५ अक्टूबर २०१३ के पुरालेखित.
{{cite web}}: CS1 maint: date auto-translated (कड़ी) - ↑ 2013 ITTF Branding Guidelines Accessed 24 May 2014.
- ↑ International Table Tennis Federation 2011, index 2.5