मानसिक स्वास्थ्य

डब्लुएचओ कय दिहा स्वास्थय कय परिभासा होय देहि कय , मन कय औ समाजिक रुप से तंदुरुस्ती ना कि खाली कवनो रोग कय गैर मउजुदगी। यहिमा मन कय स्वास्थय कय जिकिर कइ गा हय।मानसिक स्वास्थ्य कय कउनो यक "आधिकारिक" परिभाषा नाइ है। मन कय स्वास्थय कय मतलब महज कवनो मानसिक रोग कय गैरमउजुदगी नाइ होय बल्कि मनई कय बेवहार अव भाव उचित अव संतोख से रहब होय। जीवन मा होय वाले कामकाज कुल औ जीवन कय आनंद कय बीच पटरी बइठाइ कय रक्खब या दुनौ कय साथे साथे लइजायक खर्तिन मानसिक स्वास्थय सही रहब बहुत जरुरि रहत हय। इ अइसन अवस्था होय जहाँ मनई कय आपन क्षमता कय बारेम मालुम रहला औ अपने जीन्दगी कय कुल समस्यन कय चिंता कय सोखैक सच्छम रहत हय।