सिन्धुली जिला
| सिन्धुली जिला सिन्धुली जिल्ला | |
|---|---|
| जिला | |
बीपी राजमार्ग, सिन्धुली | |
बागमती प्रदेश मा जिले के स्थिति | |
| देश | |
| प्रदेश | बागमती |
| स्थापना | 1962 |
| मुख्यालय | सिन्धुलीमाढ़ी (कमलामाई) |
| शासन | |
| • प्रणाली | समन्वय समिति |
| • सभा | जिसस, सिन्धुली |
| • संसदीय निर्वाचन क्षेत्र | 2 |
| • प्रांतीय निर्वाचन क्षेत्र | 4 |
| क्षेत्रफल | |
| • कुल | 2491 किमी2 (९६२ वर्गमील) |
| अधिकतम ऊँचाई | 2386 मी (७,८२८ फीट) |
| निम्नतम ऊँचाई | 168 मी (५५१ फीट) |
| जनसंख्या (2021) | |
| • कुल | ३००,०२६ |
| • घनत्व | १२० किमी2 (३१० वर्गमील) |
| समय मण्डल | एनपीटी (यूटीसी+05:45) |
| पिन कोड | 45900 |
| एसटीडी कोड | 047 |
| प्रमुख भाषा | नेपाली, तामाङ, मगर, दनुवार, नेवारी |
| वेबसाइट | dccsindhuli |
सिन्धुली जिला (Nepali: सिन्धुली जिल्ला ⓘ) बागमती प्रदेश के त्यारा अउर नेपाल के सतत्तर जिलन मा ते एक है। ई जिला क मुख्यालय सिन्धुलीमाढी (कमलामाई) मा है।[१] यो जिला 2,491 km2 (962 sq mi) के क्षेत्रफल मा फइला है। यो जिला नौ स्थानीय निकायन मा विभाजित है, जेहिमा दुइ नगरपालिका अउर सात गाँवपालिका (ग्रामीण नगरपालिका) शामिल हैं। २०२१ के नेपाल जनगणना के अनुसार, सिन्धुली जिला के जनसंख्या 300,026 है।[२][३]
सिन्धुली जिला भीतरी तराई अउर पहाड़ी क्षेत्रन ते मिलिके बना है। प्रशासनिक कामन खातिन यहिका भीतरी तराई जिला के रूप मा वर्गीकृत कीन गा है। यहिके सीमा १० अउर जिलन ते मिलति है, जेहिते यो सबते ज़्यादा जिलन के सीमा छुवै वाला जिला बनत है।[४] यहिके पूर्ब मा कोशी प्रदेश औ दक्खिन मा मधेस प्रदेश स्थित है।
यो जिला ऐतिहासिक सिन्धुली गढ़ी किला खातिन प्रसिद्ध है जहाँ सन् 1767 (1824 वि॰सं॰) मा ब्रिटिश ईस्ट इंडिया कंपनी के सैनिकन का गोरखाली सेना हराएसि रहै।[५] प्रसिद्ध बीपी राजमार्ग ई जिला ते होइके गुजरत है। सिन्धुली अपने जुनार (मीठ संतरा) के उत्पादन खातिनौ जाना जात है।[६]
नेपाल के पुरानि प्रशासनिक विभाजन के अनुसार, सिन्धुली मध्य विकास क्षेत्र के जनकपुर अंचल के अंतर्गत आवत रहै।[७] सन् 1967 (2023 वि॰सं॰) तक सिन्धुली गढ़ी ई जिला क मुख्यालय रहै।[८]
नामकरण
[सम्पादन | स्रोत सम्पादित करैं]सिन्धुली जिला क नाम सिन्धुली घाटी (सिन्धुलीमाढी औ आसपास के क्षेत्रन) के नाम पर रखा गा है। सिन्धुली के नामकरण के संदर्भ मा कइयो तना केरी मान्यता हैं अउर कउनो ठोस प्रमाण नहीं है कि ई जगह क नाम "सिन्धुली" काहे परा।
- याक मान्यता या है कि "सिन्धुली" नाम राजा सिन्धुल के नाम ते उपजा है, जउन प्राचीन समय मा ई क्षेत्र मा राज करति रहैं।[६]
- जिला मुख्यालय सिन्धुलीमाढी ते लगभग ११ किलोमीटर दूर, समुद्र तल ते 1,077 मीटर की ऊंचाई पर सिद्धबाबा क मंदिर स्थित है। ई मंदिर के नाम पर पहिले सिन्धुली घाटी का सिद्धस्थली कहा जात रहै। बादि मा समय के साथ "सिद्धस्थली" शब्द बिगड़त गा अउर अंत मा "सिन्धुली" बनि गा।[६]
- नेपाल के एकीकरण ते पहिले, सिन्धुली मकवानपुर राज्य क हिस्सा रहै, जेहि पर सेन राजवंश के राजा शासन करति रहैं। सिन्धुली घाटी उइ शासकन औ उनके अधिकारिन खातिन शिकार ख्यालै अउर मछरी मारै क क्षेत्र रहै। नदी मा याक छोटि संरचना बनाई जात रहै जेहिका दुवाली कहा जात रहै, वहिके ज़रिए मछरी पकड़ी जाति रहै। स्थानीय रूप ते, सेन राजन द्वारा उपयोग कीन जाय वाली मछरी मारै की दुवाली का "सेनको दुवाली" (यानी सेन के दुवाली) कहा जात रहै। जब यो जल्दी-जल्दी ब्वाला जाय लाग, तो यो "सेनदुवाली" होइ गा। धीरे-धीरे यो शब्द बिगड़िके "सेन्दुली" भा अउर अंत मा "सिन्धुली" बनि गा।[९]
- ई क्षेत्र मा घना जंगल रहै। ई क्षेत्र मा पहाड़ी जनजाति (तामांग) सबते बड़ा समूह रहै औ उनक्यार जीवन यापन खेती-बाड़ी अउर जंगली संसाधनन पर निर्भर रहै। ई स्थानीय मनई पेड़ काटैक बरे "सिङ्थुवा" अउर लकड़ी बटोरैक बरे "सिङ्थुजी" शब्द क प्रयोग करति रहैं। समय के साथ उच्चारण मा बदलाव के कारण ई क्षेत्र क नाम "सिन्धुली" बनि गा।[१०]
इतिहास
[सम्पादन | स्रोत सम्पादित करैं]नेपाल के एकीकरण ते पहिले
[सम्पादन | स्रोत सम्पादित करैं]काठमांडू घाटी का पूर्बी पहाड़न अउर दक्खिनी मैदानन ते जोड़ै खातिन सिन्धुली एक इतिहासिक औ महत्वपूर्ण रस्ता रहै, जेहिके कारण यहिका सामरिक औ आर्थिक महत्व बहुत रहै। सिन्धुली गढ़ी समेत स्थानीय किलन अउर पहाड़ी चउकिन पर क्षेत्रीय ताकतन क नियंत्रण रहै अउर उइ रक्षा चउकिन औ व्यापार तथा आवाजाही खातिन पारगमन बिंदु के रूप मा काम करति रहैं।[११] सन् 1244 मा कर्नाट राजवंश के डोया लोग[४] औ सन् 1349 मा बंगाल के सुल्तान शम्सुद्दीन इलियास शाह[१२] काठमांडू घाटी पर हमला करै खातिन सिन्धुली गढ़ी क रस्ता उपयोग कीन्हेनि रहै। नेपाल के एकीकरण ते पहिले, सिन्धुली मकवानपुर राज्य क हिस्सा रहै, जेहिका सेन राजवंश के राजा शासित करति रहैं।[९]
सिन्धुली के लड़ाई
[सम्पादन | स्रोत सम्पादित करैं]
सन् 1767 (1824 वि॰सं॰) मा लड़ी गै सिन्धुली के लड़ाई, नेपाल के इतिहास मा सबते महत्वपूर्ण सैन्य जीतन मा ते एक आय। या लड़ाई राजा पृथ्वी नारायण शाह के व्यापक एकीकरण अभियान के तहत संचालित गोरखाली सेना अउर ब्रिटिश ईस्ट इंडिया कंपनी के सैनिकन के बीच लड़ी गै रहै। या लड़ाई गोरखाली सेना के ताकत, रणनीति अउर संकल्प का देखाएसि अउर नेपाल की आज़ादी के रक्षा करै मा एक महत्वपूर्ण भूमिका निभाएसि।
१८वीं सदी के मध्य मा, राजा पृथ्वीनारायण शाह हिमालयी क्षेत्र का कइयो छोटे-छोटे राज्यन का एक देश मा ज्वाड़ै (एकीकृत करैक) के बरे सक्रिय रूप ते काम करति रहैं। उइ समय ब्रिटिश ईस्ट इंडिया कंपनी भारतीय उपमहाद्वीप मा अपन परभाव बढ़ावति रहै। जब कान्तिपुर (काठमांडू) के राजा जयप्रकाश मल्ल गोरखाली सेना के आगे बढ़ै का रोकैक बरे ब्रिटिश सरकार ते मदद माँगेनि, तब कैप्टन किनलोच के नेतृत्व मा एक ब्रिटिश सेना काठमांडू कइती भेजी गै। घाटी मा पहुँचैक बरे ब्रिटिश सैनिकन का सिन्धुली गढ़ी के कठिन पहाड़ी क्षेत्र ते होइके जाएक परा रहै।
गोरखाली सेना सिन्धुली गढ़ी के ऊबड़-खाबड़ भूभाग अउर घने जंगलन क पूरा फ़ायदा उठाएनि। खुले मैदान मा ब्रिटिश सेना क सामना करैक बजाए, उइ छापामार (गुरिल्ला) युद्ध रणनीति क प्रयोग कीन्हेनि—जइसे रसद (आपूर्ति) मार्गन पर घात लगाउब, रस्ता रोकब अउर आगे बढ़ति सेना का लगातार परेशान करब। ब्रिटिश सैनिक, जउन ई पहाड़ी इलाका ते अनजान रहैं अउर खाना तथा जरूरी सामानन की कमी ते जूझति रहैं, पूरी तना थकि गें अउर उनका हौसला टूटि गा।
लगातार दबाव अउर कठिन परिस्थिति क सामना न कइ पावै के कारण, ब्रिटिश सेना का वापस लउटै पर मजबूर होएक परा। या हार यहि खातिन महत्वपूर्ण रहै काहे ते कि या देखाएसि कि एक नीकी तना संगठित स्थानीय सेना, चतुर रणनीति अउर क्षेत्र के जानकारी क उपयोग कइके, एक ताकतवर विदेशी सेना का हरा सकत है। सिन्धुली गढ़ी मा मिली या जीत गोरखाली सेना के स्थिति का मजबूत कीन्हेसि अउर उइ समय नेपाल मा ब्रिटिश सेना के आगे आवै वाले समय मा हस्तक्षेप करै की हिम्मत का तोड़ि दीन्हेसि।[५]
शाह अउर राणा शासन
[सम्पादन | स्रोत सम्पादित करैं]नेपाल के सफल एकीकरण के बादि, सिन्धुली का शाह राजवंश की केंद्रीकृत प्रशासनिक व्यवस्था मा शामिल कीन गा। राणा शासन के समय, यो पूर्ब २ नम्बर (पूर्व २ नम्बर) जिला क हिस्सा रहै।[६] यो जिला मुख्य रूप ते ग्रामीण बना रहा, जहाँ बुनियादी ढाँचा क बिकास बहुत सीमित रहै अउर सरकारी निवेश बहुत कम भा। शासन नियुक्त अधिकारिन के माध्यम ते चलावा जात रहै, अउर स्थानीय मनई मुख्य रूप ते खेती-बाड़ी अउर जीवन-यापन के सादे साधनन मा लागि रहैं।[१३]
बादि क समय
[सम्पादन | स्रोत सम्पादित करैं]जब नेपाल का ७५ जिलन अउर १४ अंचलन मा बांटा गा, तब सन् 1962 (2019 वि॰सं॰) मा सिन्धुली जिला अस्तित्व मा आवा, अउर सिन्धुली गढ़ी यहिका मुख्यालय रहै। २ जनवरी १९६७ (१८ पौष २०२३ वि॰सं॰) का जिला क मुख्यालय सिन्धुलीमाढी मा स्थानांतरित कीन गा रहै।[८]
पंचायत काल के दौरान, सिन्धुली मा धीरे-धीरे प्रशासनिक अउर सामाजिक बदलाव आए। जिला के पहाड़ी भूभाग के कारण बुनियादी ढाँचा क बिकास, जेहिमा सड़कैं अउर सरकारी सेवा शामिल रहैं, बहुत धीरे-धीरे फइला। 1990 अउर 2000 के दशक मा, नेपाल के कइयो जिलन की तना सिन्धुलिउ राजनीतिक आंदोलनन अउर माओवादी विद्रोह ते प्रभावित भा। हाल के दशकन मा, स्थानीय शासन मा सुधार अउर बिकास के कामन ते जिला क जुड़ाव (कनेक्टिविटी) बेहतर भा अउर जिला की ऐतिहासिक धरोहर का नई पहिचान मिली, खासकइके राष्ट्रीय इतिहासिक स्थल के रूप मा सिन्धुली गढ़ी के संरक्षण क काम भा।[१४]
भूगोल अउर जलवायु
[सम्पादन | स्रोत सम्पादित करैं]धरातल
[सम्पादन | स्रोत सम्पादित करैं]सिन्धुली जिला मा विविध प्रकार के धरातल हैं जेहिमा महाभारत पर्वत शृंखला अउर चुरे पहाड़ी शामिल हैं, औ जिला क जादा हिस्सा भीतरी तराई क्षेत्र मा आवत है। जिला के कुल क्षेत्रफल के दुइ-तिहाई हिस्सा मा जंगल फइले हैं।[६]
महाभारत पर्वत शृंखला (लघु हिमालय श्रेणी) जिले की उत्तरी पट्टी मा स्थित है।[६] जिले क सबते ऊँचा स्थान, फिक्कल चोटी, जेहिकी समुद्र तल ते ऊंचाई २,३८६ मीटर है, यई क्षेत्र मा स्थित है।[१५]

जिला के बीच क हिस्सा भीतरी तराई क्षेत्र ते मिलिके बना है। ई क्षेत्र मा नदी घाटी औ मैदान शामिल हैं जइसे कि सिन्धुली घाटी, कमला मैदान, मरीन मैदान अउर तिनपाटन घाटी मैदान।[४] जिले की जादा आबादी (मनई) यई क्षेत्र मा रहति है। जिला की सबते निचली जगा , समुद्र तल ते १६८ मीटर की ऊंचाई पर, दुधौली मा है जउन ई क्षेत्र मा आवति है।
दक्खिनी पट्टी मा चुरे (शिवालिक) पहाड़ी स्थित हैं। ई पहाड़ी घने जंगल ते ढकी हैं औ जिला के बाकी हिस्सा का बाहरी (मुख्य) तराई ते अलग करती हैं।[६]
नदी
[सम्पादन | स्रोत सम्पादित करैं]कमला नदी
[सम्पादन | स्रोत सम्पादित करैं]
सिन्धुली जिला मा कुल १४९ बड़ी औ छोटी नदीं हैं। जादातर नदीं महाभारत पर्वत शृंखला ते निकलतीं हैं, औ कुछ चुरे पहाड़ी ते। प्रमुख नदिन मा कमला, मरीन, चदाहा, ग्वांग (गौमती), ठाकुर खोला, कयान खोला अउर वितिजोर खोला शामिल हैं। सुनकोशी नदी जिला की उत्तरी सीमा पर बहति है, जबकि बागमती नदी यहिकी पश्चिमी सीमा पर बहति है।[६]
जिला के सीमा
[सम्पादन | स्रोत सम्पादित करैं]सिन्धुली के सीमा १० जिला औ २ प्रदेशन ते मिलति है, जउन ई प्रकार हैं[४]:
पूर्व: उदयपुर (कोशी) और सिराहा (मधेश)
पश्चिम: रौतहट (मधेश), मकवानपुर और काभ्रेपलाञ्चोक
उत्तर: ओखलढुंगा (कोशी) और रामेछाप
दक्षिण: धनुषा, महोत्तरी और सर्लाही, ई सब मधेश प्रदेश के अंतर्गत आवति हैं
जलवायु
[सम्पादन | स्रोत सम्पादित करैं]| जलवायु क्षेत्र[१६] | ऊँचाई के सीमा | क्षेत्रफल क % |
|---|---|---|
| निचला उष्णकटिबंधीय | ३०० मीटर ते कम (१,००० फ़ीट) | १३.७% |
| ऊपरी उष्णकटिबंधीय | ३०० ते १,००० मीटर १,००० ते ३,३०० फ़ीट |
६१.७% |
| उप-उष्णकटिबंधीय | १,००० ते २,००० मीटर ३,३०० ते ६,६०० फ़ीट |
२३.६% |
| शीतोष्ण | २,००० ते ३,००० मीटर ६,४०० ते ९,८०० फ़ीट |
०.५% |
प्रशासन
[सम्पादन | स्रोत सम्पादित करैं]
सिन्धुली जिला क प्रशासन जिला मुख्यालय सिन्धुलीमाढी, कमलामाई ते चलावा जात है। गृह मंत्रालय के अंतर्गत जिला प्रशासन कार्यालय (डीएओ) जिला मा प्रशासन चलावै औ कानून व्यवस्था बनाए रक्खैक बरे ज़िम्मेदार है। डीएओ क नेतृत्व मुख्य जिला अधिकारी (सीडीओ) करति हैं।[१७] जिला समन्वय समिति (डीसीसी) स्थानीय निकान के बीच, औ प्रदेश तथा संघीय सरकार के साथ समन्वय बनाए राखति है।
सिन्धुली जिला अदालत क अधिकार क्षेत्र जिला के भीतर के फौजदारी औ दीवानी मामलन पर है। जिला मा १३ डाकघर काम कइ रहे हैं, जउन सिन्धुली जिला डाकघर (डीपीओ) के अंतर्गत आवति हैं, औ यहिका डाक कोड ४५९०० है।
स्थानीय निकाय
[सम्पादन | स्रोत सम्पादित करैं]जिला मा नौ स्थानीय निकाय हैं, जेहिमा ते दुइ नगरपालिका औ सात गाँवपालिका (ग्रामीण नगरपालिका) हैं। उइ ई प्रकार हैं:[१८][२][३]
| क्र.सं. | नाम | नेपाली मा नाम | वार्डन के
संख्या |
क्षेत्रफल
(किमी2) |
जनसंख्या
(2021) |
प्रशासनिक
केंद्र |
जिला मुख्यालय ते दूरी (किमी) |
|---|---|---|---|---|---|---|---|
| 1 | कमलामाई नगरपालिका | कमलामाई नगरपालिका | 14 | 482.57 | 71,016 | सिन्धुलीमाढ़ी | 0 |
| 2 | दूधौली नगरपालिका | दुधौली नगरपालिका | 14 | 390.39 | 70,207 | दूधौली | 57 |
| 3 | तीनपाटन गाउँपालिका | तीनपाटन गाउँपालिका | 11 | 280.26 | 34,889 | लमपांतर (चकमाके) | 38 |
| 4 | मरिण गाउँपालिका | मरिण गाउँपालिका | 7 | 324.55 | 28,808 | कपिलाकोट (छाप बाजार) | 26 |
| 5 | हरिहरपुरगढी गाउँपालिका | हरिहरपुरगढी गाउँपालिका | 8 | 343.90 | 26,505 | झांझने | 56 |
| 6 | गोलनजोर गाउँपालिका | गोलन्जोर गाउँपालिका | 7 | 184.13 | 18,737 | भुवनेश्वरी ग्वालटार | 50 |
| 7 | सुनकोशी गाउँपालिका | सुनकोशी गाउँपालिका | 7 | 154.68 | 18,375 | पुराना झांगाझोली (रामटार) | 65 |
| 8 | फिक्कल गाउँपालिका | फिक्कल गाउँपालिका | 6 | 186.06 | 15,910 | खंगसांग | 75 |
| 9 | घ्यांगलेक गाउँपालिका | घ्याङलेख गाउँपालिका | 5 | 166.77 | 12,652 | बस्तीपुर (हायुटार) | 35 |
पुरानि ग्राम विकास समिति
[सम्पादन | स्रोत सम्पादित करैं]सन् १९९७ तक सिन्धुली मा कुल ५५ ग्राम विकास समिति (वीडीसी) रहैं। १९९७ मा कमलामाई नगरपालिका बनै के बादि, वीडीसी के संख्या घटिके ५३ होइ गै। २०१४ मा दुधौली नगरपालिका बनै के बादि, वीडीसी के संख्या अउर घटिके ५० होइ गै। १० मार्च २०१७ का, नेपाल मा स्थानीय निकायन के पुनर्गठन के तहत, पहिले ते चली आबति वीडीसी का खतम कइके नगरपालिका औ गाँवपालिकन मा मिला दीन गा।[१९]

| क्र.सं. | स्थानीय निकाय | समाविष्ट गाविस[१८] | समाविष्ट तिथि |
|---|---|---|---|
| 1 | कमलामाई नगरपालिका | सिद्धेश्वर अउ भीमान | 27 मार्च 1997 |
| डांडीगुराँसे, भद्रकाली, जलकन्या, रानीचुरी अउ रानीबास | 10 मार्च 2017 | ||
| 2 | दूधौली नगरपालिका | दूधौली, टाँडी अउ लदाभीर | 2 दिसंबर 2014 |
| हाटपाटे, निपाने, सिरथौली, हरसही, अरुण ठाकुर, ककुर ठाकुर अउ जिनखु | 10 मार्च 2017 | ||
| 3 | तीनपाटन गाउँपालिका | बेलघारी, भीमस्थान, जरायोटार, बालाजोर, तोसरामखोला, बाहुनतिल्पुंग, त्रिभुवन अम्बोटे अउ लमपांतर | 10 मार्च 2017 |
| 4 | मरीन गाउँपालिका | कपिलाकोट, कल्पवृक्ष अउ महादेवस्थान | |
| 5 | हरिहरपुरगढी गाउँपालिका | हरिहरपुरगढी, पीपलमाडी, महेंद्रझ्याडी अउ क्यानेश्वर | |
| 6 | गोलनजोर गाउँपालिका | दूधभंज्यांग, बितिजोर बगैंचा, भुवनेश्वरी ग्वालटार, तीनकन्या, रतनचुरा, बसेश्वर अउ भीमेश्वर | |
| 7 | सुनकोशी गाउँपालिका | कुशेश्वर दुम्जा, झांगाझोली रातमाटा, पुराना झांगाझोली, शीतलपाटी अउ मझुवा | |
| 8 | फिक्कल गाउँपालिका | महादेवडाँडा, सुमनाम पोखरी, खोलागाउँ, खंगसांग, सोलपाथाना अउ रत्नावती | |
| 9 | घ्यांगलेक गाउँपालिका | अमले, बस्तीपुर, तामाजोर, नेत्रकाली अउ शांतेश्वरी (रामपुर) |
निर्वाचन क्षेत्र
[सम्पादन | स्रोत सम्पादित करैं]सिन्धुली जिला दुइ संसदीय निर्वाचन क्षेत्रन अउ चारि प्रांतीय निर्वाचन क्षेत्रन मा विभाजित है।[२०]
| संसदीय
निर्वाचन क्षेत्र |
प्रांतीय
निर्वाचन क्षेत्र |
समाविष्ट क्षेत्र | प्रदेश सभा सदस्य (MLA) | प्रतिनिधि सभा सदस्य (MP) |
|---|---|---|---|---|
| सिन्धुली १ | सिन्धुली १(क) | दूधौली अउ कमलामाई (वार्ड ९, १३ अउ १४) | मातृका प्रसाद भट्टराई
(नेकपा) |
धनेन्द्र कार्की
(रास्वपा) |
| सिन्धुली १(ख) | तीनपाटन, फिक्कल अउ गोलनजोर | राम कुमार पहाड़ी | ||
| सिन्धुली २ | सिन्धुली २(क) | कमलामाई (वार्ड १-८, १०-१२) अउ सुनकोशी | क्षेत्र बहादुर बमजन | आशिष गजुरेल
(रास्वपा) |
| सिन्धुली २(ख) | मरीन, हरिहरपुरगढी अउ घ्यांगलेक | गंगानारायण श्रेष्ठ
(नेकपा) |
जनसांख्यिकी
[सम्पादन | स्रोत सम्पादित करैं]| साल | Pop. | ±% p.a. |
|---|---|---|
| 1981 | १,८३,७०५ | — |
| 1991 | २,२३,९०० | +2.00% |
| 2001 | २,७९,८२१ | +2.25% |
| 2011 | २,९६,१९२ | +0.57% |
| 2021 | ३,००,०२६ | +0.13% |
![]() | ||
| Source: Citypopulation[२१] | ||
२०२१ के नेपाल जनगणना के समय, सिन्धुली जिला के जनसंख्या ३,००,०२६ रहै। ८.०४% आबादी ५ वर्ष ते कम उमिर के है। यहिके साक्षरता दर ७२.५९% है अउर लिंगानुपात १०४० मेहेरिया प्रति १००० मनई है। १,४१,२२३ मनई (४७.०७%) नगरपालिकन मा रहति रहैं।[२४]
जातीयता के आधार पर: पहाड़ी जनजाति सबते बड़ा समूह रहै, जउन कुल आबादी क ५७% रहै। तामांग सबते बड़ा पहाड़ी जनजाति समूह रहै, जउन आबादी क २६.७% रहै, औ मगर कुल आबादी क १४.१% रहैं। खस (छेत्री, बाहुन, कामी, दमाई आदि) आबादी क ३४% रहैं।[२२]
२०२१ के जनगणना के समय, ५२.३५% आबादी अपन पहिल भाषा के तौर प नेपाली, २५.१३% तामांग, ८.११% मगर, ६.६१% दनुवार, २.०८% नेपाल भाषा, १.८०% मैथिली अउर १.१०% सुनुवार दर्ज कराएसि। २०११ मा, ४८.१% आबादी अपन पहिल भाषा के रूप मा नेपाली ब्वालति रहै।[२३] In 2011, 48.1% of the population spoke Nepali as their first language.[२५]
| सिन्धुली जिला मा धर्म (२०२१)[२६] | ||||
|---|---|---|---|---|
| धर्म | प्रतिशत | |||
| हिंदू धर्म | 68.24% | |||
| बौद्ध धर्म | 26.92% | |||
| किरात मुंधुम | 2.21% | |||
| ईसाई धर्म | 1.84% | |||
| प्रकृति | 0.67% | |||
| अन्य या उल्लेखित नहीं | 0.12% | |||
अर्थव्यवस्था
[सम्पादन | स्रोत सम्पादित करैं]सिन्धुली जिला मा खेती-बाड़ी (कृषि) मुख्य आर्थिक गतिविधि आय। उपजाऊ भीतरी तराई क्षेत्र मा धान, मकई, गेहूँ, आलू औ कोदों (बाजरा) के साथै मौसमी फल औ सब्जियाँ उगाई जात हैं।[२][३]

सिन्धुली अपने जुनार (मीठ संतरा) के उत्पादन खातिन बहुत प्रसिद्ध है, जेहिका वैज्ञानिक रूप ते साइट्रस साइनेन्सिस (Citrus Sinensis) के नाँव ते जाना जात है। यो जिला नेपाल मा जुनार क सबते बड़ा उत्पादक आय। यही के मारे, सिन्धुली का "जुनार को जिल्ला" (जुनार क जिला) के रूप मा जाना जात है। ई फल के खेती महाभारत पर्वत शृंखला मा ८०० मीटर ते १३०० मीटर की ऊंचाई के बीच कीन जात है। सिन्धुली मा जुनार के खेती किसानन खातिन नगद कमाई क एक अच्छा स्रोत प्रदान करति है।[२७]
खेती-बाड़ी (कृषि) के अलावा, हियाँ के मनई पशुपालनौ करति हैं, जेहिमा मुर्गीपालन अउर डेयरी उत्पादन शामिल है। जिला मा कइयो घरन के गुजर-बसर विदेशन ते आबै वाले रेमिटेंस (विदेशी कमाई) पर निर्भर है।
सिन्धुली मा पर्यटन एक तेजी ते बढ़ै वाला क्षेत्र आय। प्राकृतिक, सांस्कृतिक अउर ऐतिहासिक आकर्षण सैलानिन का ई जिला कइती खींचति हैं। पर्यटन का बढ़ावा देय खातिन, जिला मा कइयो होटल औ रिसॉर्ट संचालित हैं, खासकइके शहरी क्षेत्रन अउर राजमार्गन के किनारे।
सिन्धुलीमाढी ई जिला क व्यापारिक केंद्र आय। जिला मुख्यालय अउ मुख्य बाज़ार होए के मारे, यो ई क्षेत्र मा व्यापारिक कामन अउर सेवन क मुख्य केंद्र आय।[२] दुसरे प्रमुख आर्थिक केंद्रन मा भीमान, दुधौली अउर खुर्कोट शामिल हैं।[३]
यातायात
[सम्पादन | स्रोत सम्पादित करैं]क्षेत्रीय
[सम्पादन | स्रोत सम्पादित करैं]सिन्धुली जिला राष्ट्रीय राजमार्ग नेटवर्क ते तीन प्रमुख राजमार्गन द्वारा जुड़ा है: बीपी राजमार्ग, मदन भंडारी (भीतरी तराई) राजमार्ग अउर मध्य-पहाड़ी (पुष्पलाल) राजमार्ग।

बीपी राजमार्ग (NH13), जउन अपने सुंदर पहाड़ी रस्ता खातिन जाना जात है, ई जिला का राष्ट्रीय राजधानी काठमांडू औ तराई क्षेत्र ते ज्वाड़त है। ई राजमार्ग क लगभग दुइ-तिहाई हिस्सा यई जिला मा आवत है। यो सड़क मुख्यालय सिन्धुलीमाढी का बर्दिबास (महोत्तरी) मा महेंद्र (पूर्व-पश्चिम) राजमार्ग (NH 01) ते औ धुलिखेल (काभ्रे) मा अरनिको राजमार्ग (NH 34) ते ज्वाड़त है। यो चुरे पहाड़ी, भीतरी तराई, महाभारत पर्वत शृंखला अउर सुनकोशी नदी गलियारा के विविध धरातलन ते होइके गुजरत है।[२८] यो राजमार्ग भीमान, सिन्धुलीमाढी, सिन्धुली गढ़ी, खुर्कोट अउर नेपालथोक जइसी प्रमुख जगहन ते होइके गुजरत है।
मदन भंडारी (भीतरी तराई) राजमार्ग (NH 9) धरान-हेटौड़ा खंड सिन्धुली के भीतरी तराई क्षेत्रन ते होइके गुजरत है। यो ई जिला का पूर्ब मा कटारी (उदयपुर) ते औ पच्छिम मा प्रांतीय राजधानी हेटौड़ा ते जोड़त है।[२९] यो राजमार्ग दुधौली ते होइके गुजरत है औ भीमान मा बीपी राजमार्ग मा मिलि जात है। यो राजमार्ग फिर ते सिन्धुलीमढी ते शुरू होत है औ पश्चिम कइती हेटौड़ा कइती जात है।
मध्य-पहाड़ी (पुष्पलाल) राजमार्ग (NH03) कोशी प्रदेश के पहाड़ी जिलन का बीपी राजमार्ग ते जोड़त है। यो जिला के पूर्बी पहाड़ी क्षेत्रन मा सुनकोशी नदी के किनारे-किनारे आगे बढ़त है औ खुर्कोट मा बीपी राजमार्ग मा मिलि जात है।
सिन्धुलीमाढी ते काठमांडू, पोखरा, विराटनगर, जनकपुर, वीरगंज औ हेटौड़ा जइसे कइयो शहरन खातिन लंबी दूरी की गाड़ी चलती हैं। जनकपुर हवाई अड्डा सिन्धुली के सबते लगे क प्रमुख हवाई अड्डा आय, जउन सड़क मार्ग ते सिन्धुलीमाढी ते लगभग ७० किलोमीटर की दूरी पर है, जहाँ ते काठमांडू खातिन नियमित उड़ानें संचालित होती हैं।
स्थानीय
[सम्पादन | स्रोत सम्पादित करैं]सिन्धुली के जादातर हिस्सन मा सड़क मार्ग ते पहुँचे क अच्छी व्यवस्था है। कइयो सड़कैं पक्की होइ चुकी हैं, मुला कुछ देहाती (ग्रामीण) सड़कैं अबहूँ कच्ची हैं जउनी बरसात (मानसून) के समय मा कठिन होइ जाती हैं।[२] सिन्धुलीमाढी ते जिला के विभिन्न हिस्सन खातिन बस औ वैन नियमित रूप ते चलतीं हैं। शहरी क्षेत्रन मा ऑटो रिक्शा आवाजाही क एक आम साधन बनि चुका है।
शिक्षा
[सम्पादन | स्रोत सम्पादित करैं]प्राथमिक अउर माध्यमिक शिक्षा
[सम्पादन | स्रोत सम्पादित करैं]सिन्धुली जिला मा, खासकइके कमलामाई नगरपालिका मा, एसईई स्तर तक की शिक्षा के अच्छी सुविधा है। हियाँ प्लस टू (+2) स्तर की पढ़ाई के गुणवत्तौ नीकि है। कइयो निजी कॉलेज राष्ट्रीय परीक्षा बोर्ड ते संबद्ध प्लस टू कॉमर्स (वाणिज्य) क संचालन कइ रहे हैं। मुला, हियाँ प्लस टू साइंस (विज्ञान) कॉलेज के संख्या बहुत कम है। कमला उच्च माध्यमिक विद्यालय जइसि विज्ञान कॉलेज सिन्धुली के छात्रन का अच्छी व्यावहारिक (प्रैक्टिकल आधारित) शिक्षा दइ रहे हैं। यो विद्यालय पूरी सिन्धुली घाटी मा विज्ञान के छात्रन खातिन उत्कृष्टता के मुख्य केंद्र के रूप मा काम कइ रहा है। हियाँ बहिरे (बधिर) लरिकन खातिनौ एक माध्यमिक विद्यालय है, जहाँ पूरी तना नेपाली सांकेतिक भाषा मा पढ़ाई कराई जाति है, औ उनके बरे मुफ्त रहै के सुविधौ (आवास) है।
विद्यालय
[सम्पादन | स्रोत सम्पादित करैं]- श्री नवज्योति बधिर माध्यमिक विद्यालय, जैसेडामर
- लमपांतर इंग्लिश बोर्डिंग स्कूल, चकमाके बाजार, सिन्धुली
- सिन्धुली एकेडमी
- न्यू इंग्लिश बोर्डिंग स्कूल
- कमला हायर सेकेंडरी स्कूल
- सिद्धस्थली इंग्लिश बोर्डिंग सेकेंडरी स्कूल
- श्री जन ज्योति हायर सेकेंडरी स्कूल
- बैंकेश्वर हायर सेकेंडरी स्कूल
- गौमती हायर सेकेंडरी स्कूल
- बरुण देवी हायर सेकेंडरी स्कूल
- श्री देउराली लोअर सेकेंडरी स्कूल
- श्री भविष्य निर्माता सिद्धबाबा हायर सेकेंडरी स्कूल
- कालिमाटी निम्न माध्यमिक विद्यालय
- सिद्धबाबा इंग्लिश बोर्डिंग स्कूल
- स्कॉलर्स एकेडमी
- न्यू स्टार एकेडमी
- सूर्योदय सेकेंडरी इंग्लिश बोर्डिंग स्कूल
- जनता हायर सेकेंडरी इंग्लिश बोर्डिंग स्कूल
- श्री सिन्धुली गढ़ी पब्लिक इंग्लिश स्कूल
- सिन्धुली विद्याश्रम पब्लिक एजुकेशनल ट्रस्ट
- स्विस सिन्धुली सेकेंडरी इंग्लिश मीडियम स्कूल
- आधुनिक इंग्लिश बोर्डिंग स्कूल
- श्री प्रभात हायर सेकेंडरी स्कूल
- श्री जन जागृति एचएसएस, भीमान
- शाइनिंग मून एकेडमी
- श्री सरस्वती माध्यमिक विद्यालय, ढकाहा
- कमला एकेडेमिक स्कूल, भीमान
- श्री कुंडेश्वर हायर सेकेंडरी स्कूल, बेसारे बेसी
- श्री मरीन एकेडमी बोर्डिंग स्कूल
- श्री माध्यमिक विद्यालय कार्तिके, कपिलाकोट
- श्री कुशेश्वर विद्या पीठ माध्यमिक विद्यालय, सुनकोशी-१, दुम्जा, सिन्धुली
- मा.वि. लमपांतर, तीनपाटन ११, लमपांतर, सिन्धुली
उच्च शिक्षा
[सम्पादन | स्रोत सम्पादित करैं]उच्च शिक्षा प्रदान करै वाले कइयो कॉलेज हैं। हियाँ नेपाल के विश्वविद्यालयन ते संबद्धता प्राप्त कॉलेजन के बड़ी संख्या है। सिन्धुली मल्टीपल कैंपस यई श्रेणी मा आवत है। कमला साइंस कैंपस छात्रन का बैचलर ऑफ साइंस (B.Sc.) पाठ्यक्रम पूरा करै के सुविधा प्रदान करत है।
कॉलेज
[सम्पादन | स्रोत सम्पादित करैं]- कमला साइंस कैंपस
- सिन्धुली मल्टीपल कॉलेज
- सिद्ध ज्योति शिक्षा कॉलेज
- गौमती मल्टीपल कॉलेज
- भीम ज्योति कैंपस
- मरीन मल्टीपल कॉलेज
- सरस्वती कैंपस ढकाहा
- लमपांतर मल्टीपल कैंपस
तकनीकी शिक्षा
[सम्पादन | स्रोत सम्पादित करैं]
तकनीकी शिक्षा प्रदान करै खातिन कइयो कॉलेज उपलब्ध हैं। हियाँ सीटीईवीटी ते संबद्ध तकनीकी विषय जइसे सिविल ओवरसियर (सब-इंजीनियर) औ वानिकी (Forestry) पढ़ाए जाति हैं। जिला बी.एससी.एजी (AFU) अउर बी.टेक. आईटी (KU) जइसि तकनीकी क्षेत्रन मा उच्च शिक्षा प्रदान करत है।
तकनीकी कॉलेज
[सम्पादन | स्रोत सम्पादित करैं]- कॉलेज ऑफ नेचुरल रिसोर्स मैनेजमेंट, मरीन
- सिन्धुली कम्युनिटी टेक्निकल इंस्टीट्यूट (SCTI)
- कमला जनज्योति माध्यमिक विद्यालय
- सरस्वती माध्यमिक विद्यालय ढकाहा
आकर्षण के केंद्र
[सम्पादन | स्रोत सम्पादित करैं]ऐतिहासिक स्थल
[सम्पादन | स्रोत सम्पादित करैं]स्रोत:[६]

- सिन्धुली गढ़ी किला
- हरिहरपुर गढ़ी किला
धार्मिक स्थल
[सम्पादन | स्रोत सम्पादित करैं]स्रोत:[४]

- कमलामाई मंदिर (माईथान)
- सिद्धबाबा मंदिर
- कालीमाई मंदिर
- भद्रकाली मंदिर
- लंगूरेश्वर-मधुगंगा महादेव गुफा
- कुशेश्वर मंदिर
- पंचकन्या पोखरी
उल्लेखनीय व्यक्ति
[सम्पादन | स्रोत सम्पादित करैं]- चंद्र प्रकाश गजुरेल (उर्फ सी.पी. गजुरेल) - राजनीतिज्ञ
- हरिबोल प्रसाद गजुरेल - राजनीतिज्ञ, पूर्व कृषि एवं पशुपंक्षी विकास मंत्री[३०]
- कृष्ण प्रसाद कोइराला - राजनीतिक रूप ते महत्त्वपूर्ण कोइराला परिवार के संस्थापक, मातृका, बी.पी. और गिरिजा प्रसाद कोइराला के पिता
- प्रो. डॉ. कृष्णहरि बराल - गीतकार, कवि अउ त्रिभुवन विश्वविद्यालय मा प्रोफेसर
- भोजराज काफ्ले - गीतकार एवं गायक
संदर्भ
[सम्पादन | स्रोत सम्पादित करैं]- ↑ "सिन्धुली सदरमुकामका जंगल खरानी हुँदै". Ekantipur (नेपाली भाषा में). ई २०२६-०४-०२ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 3 4 5 "Introduction To Sindhuli District". Nepalog (अमेरिकी अंग्रेज़ी भाषा में). २०२४-०९-०६. ई २०२५-१२-१७ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 3 4 "जिल्ला वस्तुगत विवरण सिन्धुली २०८०" (PDF). ई २०२६-०१-१६ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 3 4 5 "Sindhuli District Introduction". (In Nepali) DAO Sindhuli.
- 1 2 "The battle of Sindhuli". myrepublica.nagariknetwork.com (English भाषा में). २०२४-०८-०८. ई २०२६-०१-०६ को पुनः प्राप्त कीन गा .
{{cite web}}: CS1 maint: date auto-translated (कड़ी) CS1 maint: unrecognized language (कड़ी) - 1 2 3 4 5 6 7 8 9 "Brief Introduction". DCC Sindhuli (In Nepali). मूल से से १९ जनवरी २०२६ के पुरालेखित. ई १८ दिसम्बर २०२५ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "Districts, Zones and Development Regions of Nepal". मूल से से २८ जनवरी २०१८ के पुरालेखित.
{{cite web}}: CS1 maint: date auto-translated (कड़ी) - 1 2 "जिल्ला सदरमुकाम तोकेको". (In Nepali) Nepal Rajpatra. २ जनवरी १९६७. मूल से से ६ जनवरी २०२६ के पुरालेखित. ई २८ अगस्त २०२६ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 Sindhuliya, Umanath Shastri. मकवानी बाला (नेपाली भाषा में). Sajha Prakashan.
- ↑ Nepal Tamang Ghedung, Sindhuli
- ↑ Stiller, Ludwig F. (१९७३). The Rise of the House of Gorkha. Kathmandu: Human Resources Development Research Center.
{{cite book}}: CS1 maint: date auto-translated (कड़ी) - ↑ "The Sultan's siege of Kathmandu - OnlineKhabar English News" (ब्रिटिश अंग्रेज़ी भाषा में). २०१८-०२-०९. ई २०२६-०१-०६ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ Whelpton, John (२००५). A History of Nepal. Cambridge: Cambridge University Press.
{{cite book}}: CS1 maint: date auto-translated (कड़ी) - ↑ "Sindhuli Gadhi declared national heritage site". Government of Nepal, Ministry of Culture, Tourism and Civil Aviation. ई ६ जनवरी २०२६ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "Phikkal Rural Municipality".
- ↑ Lillesø, Jens-Peter Barnekow, सं. (२००५). The map of potential vegetation of Nepal. Development and environment / Forest & Landscape. Hørsholm: Forest & Landscape. ISBN 978-87-7903-210-1.
{{cite book}}: CS1 maint: date auto-translated (कड़ी) - ↑ "DAO Introduction". (In Nepali) DAO Sindhuli.
- 1 2 "स्थानिय तह" (नेपाली भाषा में). सङ्घीय मामला तथा सामान्य प्रशासन मन्त्रालय. ई १ सितम्बर २०१८ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "New local level units come into existence". kathmandupost.com (English भाषा में). ई २०२६-०१-१८ को पुनः प्राप्त कीन गा .
{{cite web}}: CS1 maint: date auto-translated (कड़ी) CS1 maint: unrecognized language (कड़ी) - ↑ "Sindhuli Constituency Map" (PDF).
- ↑ "NEPAL: Administrative Division". www.citypopulation.de (अंग्रेज़ी भाषा में).
- 1 2 "Table 1: Caste/Ethnicity and sex". Census Nepal 2021. Central Bureau of Statistics. ई २०२४-०३-१६ को पुनः प्राप्त कीन गा .
{{cite web}}: CS1 maint: date auto-translated (कड़ी) - 1 2 "Table 5: Mother tongue and sex". Census Nepal 2021. Central Bureau of Statistics.
- ↑ "Provincial/District/Local reports: Bagmati Province" (PDF). Census Nepal 2021. Central Bureau of Statistics.
- ↑ "NepalMap Language". मूल से से २०२३-०३-१४ के पुरालेखित. ई २०२६-०८-२८ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "Table 5: Religion and sex". Census Nepal 2021. केंद्रीय तथ्यांक विभाग. ई २०२४-०३-१६ को पुनः प्राप्त कीन गा .
{{cite web}}: CS1 maint: date auto-translated (कड़ी) - ↑ "Status of Sweet Orange (Junar) Production in Sindhuli District of Nepal" (PDF).
- ↑ "Japan hands over BP Highway to Nepal".
- ↑ "Madan Bhandari Highway (NH 9)".
- ↑ "Haribol Gajurel is PM Dahal's chief political advisor - OnlineKhabar English News" (ब्रिटिश अंग्रेज़ी भाषा में). २०२३-०१-२३. ई २०२५-१२-१८ को पुनः प्राप्त कीन गा .
{{cite web}}: CS1 maint: date auto-translated (कड़ी)
- गैर-संख्यात्मक formatnum तर्कों वाले पृष्ठ
- Articles containing Nepali (macrolanguage)-language text
- Phonos एक्सटेंशन का प्रयोग करने वाले पृष्ठ
- CS1 नेपाली-language sources (ne)
- CS1 ब्रिटिश अंग्रेज़ी-language sources (en-gb)
- CS1 maint: unrecognized language
- समयरेखा का इस्तेमाल करने वाले पृष्ठ
- CS1 अंग्रेज़ी-language sources (en)
- नेपाल मा जिला
