प्रयागराज

विकिपीडिया से

ई पन्ना प्रयागराज शहर खातिर होय, प्रयागराज जिला खातिर देखा जाय प्रयागराज जिला

प्रयागराज कय विविध रूप

प्रयागराज भारत देश कय उत्तर प्रदेश राज्य में गंगा, यमुना अउर पौराणिक सरस्वती कय संगम पे बसा एक्ठु दस लाखी शहर होय अव ई इलाहाबाद जिला कय मुख्यालय होय। एकर प्राचीन नाँव प्रयाग होय अव ई हिंदू धर्म कय एक्ठु बहुत महत्वपूर्ण तीरथ अस्थान होय। हर बरिस हिँया माघ कय महीन्ना में माघ मेला लागाला । यहँ हर बारहवाँ बरिस में कुंभ मेला अव हर कुंभ कय छह साल बाद अर्धकुंभ मेला लागला। कुंभ मेला विश्व कय सबसे बड़हन मेला होय।