अवधी
| अवधी | |
|---|---|
 अवधी बोलय वाले क्षेत्र | |
| उच्चारण | [əʋ.d̪ʱi] |
| बोलय कय जगह | भारत अउर नेपाल |
| तिथि / काल | 2011 |
| क्षेत्र | अवध |
| समुदाय | अवधी लोग |
| मातृभाषी वक्ता | ३८.५ मिलियन मा भारत |
| भाषा परिवार | |
| लिपि |
|
| राजभाषा मान्यता | |
| नियंत्रक संस्था | कउनो संगठन नहीं |
| भाषा कोड | |
| आइएसओ 639-2 | awa |
| आइएसओ 639-3 | awa |
| भाषावेधशाला | 59-AAF-ra |
अवधी भारत औ नेपाल मा बोलि जाय वाली भाषा होय। ई भाषा भारत कय उत्तर प्रदेश अव नेपाल कय अवध क्षेत्र मा बोली जात है । अवधी भाषा गुयाना, त्रिनिदाद जैसन कैरीबीआई देसन मा भी बोली जात है । 'अवध' सब्द "अयोध्या" सब्द से आय अहै। जउ हिंदू धर्म मं भगवान राम के जन्मभूमि मानल जात हउवे। राम भगवान विष्णु के धरती प अवतार मानल जात हउअन। तुलसीदास आपन "रामचरितमानस" मा अयोध्या कय अवधपुरी कहे अहयँ। भाषा शास्त्री डॉ॰ सर "जार्ज अब्राहम ग्रियर्सन" कय भाषक सर्वेक्षण मा अवधी बोलय वालन कय कुल अबादी 1615458 रहा जवन सन् 1971 कय जनगणना मा 28399552 होइ गवा। ई समय मा शोधकर्तन कय अनुमान है कि 6 करोड़ से ढेर मनई अवधी बोलत हैं। भारत केय उत्तर प्रदेस राज्य कय 19 जिला- सुल्तानपुर, अमेठी, बाराबंकी, प्रतापगढ़, प्रयागराज, कौशांबी, फतेहपुर, रायबरेली, उन्नाव, लखनऊ, हरदोई, सीतापुर, संत कबीर नगर, लखीमपुर खीरी, बहराइच, श्रावस्ती, बलरामपुर, गोंडा, अयोध्या, अव अंबेडकर नगर मा इ बोलि जात है। जबकि 7 जिला- जौनपुर, मिर्जापुर, कानपुर, शाहजहांपुर, आजमगढ़,सिद्धार्थनगर, बस्ती औ बांदा, गोरखपुर कय कुछ जगहन मा यकर इस्तेमानल होत है। बिहार प्रांत कय 2 जिला कय साथे नेपालौ कय कैइयौ जिला - बांके जिला, बर्दिया जिला, दांग जिला, कपिलवस्तु जिला, पच्छु नवलपरासी जिला, रुपन्देही जिला, कंचनपुर जिलन मा ई बोली जात है। अइसै दुनियक अउर देस- मॉरिशस, त्रिनिदाद औ टुबैगो, फिजी, गयाना, सूरीनाम सहित आस्ट्रेलिया, न्यूजीलैंड अव हॉलैंड (नीदरलैंड) मा लाखौं मनई अवधी बोलत हैं।
अवधी, भोजपुरी के साथे, उन भारतीय प्रवासी लोगन मं भी बोली जात हउवे जउन उपनिवेशकाल मं गिरमिटिया मजूर बन के दूसर देसन मं गइल रहेन। ब्रज भाषा के साथे मिल के, अवधी 19वीं सदी से पहिले साहित्य रचना के मुख्य भाषा रहि चुकी हउवे, बाद मं एहके जगह हिंदी ले लिहिस। हालाँकि अवधी मानक हिंदी से अलग हउवे, फेरू आज भी उत्तर प्रदेश के मध्य अउर पूरबी जिला मं अपने अलग रूप मं बोली जात हउवे।
भारत सरकार अवधी के पूर्वी हिंदी समूह के अंतर्गत एक बड़ी मातृभाषा के रूप मं मानत हउवे। भारतीय साहित्य के कुछ बहुते प्रसिद्ध धार्मिक ग्रंथ, जइसे रामचरितमानस अउर हनुमान चालीसा, अवधी भाषा मं रचे गइन हउअन।
अवधी के कुछ वैकल्पिक नाँव भी हउअन, जइसे बैसवाड़ी (बैसवाड़ा उपक्षेत्र के आधार प), पूरबी (अर्थात “पूर्वी”), अउर कोसली (प्राचीन कोसल राज्य के नाँव प)।