अवधी

विकिपीडिया से
(अवधी भाषा से पुनर्निर्देशित)
Jump to navigation Jump to search

अवधी भारत औ नेपाल मा बोलि जाय वाला भाषा होय। |ई भाषा भारत कय उत्तर प्रदेश अव नेपाल कय अवध क्षेत्र मा बोलि जात है । अवधी भाषा गुयाना, त्रिनिदाद जैसन कैरीबीआई देसन मा भी बोलि जात है । 'अवध' सब्द "अयोध्या" सब्द से आ है। तुलसीदास अपने "रामचरितमानस" में अयोध्या कय अवधपुरी कहे हयँ। भाषा शास्त्री डॉ॰ सर "जार्ज अब्राहम ग्रियर्सन" कय भाषक सर्वेक्षण मा अवधी बोलय वालन कय कुल अबादी 1615458 रहा जवन सन् 1971 कय जनगणना मा 28399552 होइ गवा। इ समय मा शोधकर्तन कय अनुमान है कि 6 करोड़ से ढेर मनई अवधी बोलत हैं। भारत केय उत्तर प्रदेस राज्य कय 19 जिला- सुल्तानपुर, अमेठी, बाराबंकी, प्रतापगढ़, प्रयागराज, कौशांबी, फतेहपुर, रायबरेली, उन्नाव, लखनऊ, हरदोई, सीतापुर, लखीमपुर खीरी, बहराइच, श्रावस्ती, बलरामपुर, गोंडा, अयोध्या अव अंबेडकर नगर में इ बोलि जात है। जबकि 7 जिला- जौनपुर, मिर्जापुर, कानपुर, शाहजहांपुर, आजमगढ़,सिद्धार्थनगर, बस्तीबांदा कय कुछ जगहन में यकर इस्तेमानल होत है। बिहार प्रांत कय 2 जिला कय साथे नेपाल कय कयु जिला - बांके जिला, बर्दिया जिला, दांग जिला, कपिलवस्तु जिला, पच्छु नवलपरासी जिला, रुपन्देही जिला, कंचनपुर जिलन में इ बोलि जात है। अइसै दुनियक अउर देस- मॉरिशस, त्रिनिदाद औ टुबैगो, फिजी, गयाना, सूरीनाम सहित आस्ट्रेलिया, न्यूजीलैंड अव हॉलैंड (नीदरलैंड) में लाखौं मनई अवधी बोलत हैं।